Олӧм 38:26 - Коми Библия 2023

²⁶ Иуда тӧдіс да шуис: «Сійӧ ме дорысь веськыда вӧчис, ӧд ме эг сет сійӧс Шелай пиӧйлы». Сэсся Иуда эз нин узьлы Фамаркӧд.

Олӧм 38:26 Iomraidhean Croise

Олӧм 37:33

Сійӧ тӧдіс да шуис: «Тайӧ ӧд пиӧйлӧн дӧрӧмыс! Лёк звер тай сійӧс сёйӧма! Збыльысь тай Ӧсипӧс чашйӧма!»

Олӧм 38:14

Сэки Фамар пӧрччис дӧва паськӧмсӧ, вевттис чужӧмсӧ да гартыштчис дӧраӧн. Сэсся муніс Тимнаӧ мунан туйӧд Энаим сиктлань да пуксис сэтчӧс дзиръя дорӧ. Фамар тӧдіс, мый Шелай быдмӧма нин, но гӧтырӧ мыйлакӧ сійӧс пыр на эз босьтны.

Олӧм 4:1

Адам узис Ева гӧтырыскӧд. Ева кынӧмасис, чужтіс Каинӧс да шуис: «Господь сетіс чужтыны меным пиӧс».

Ӧксыяслӧн 2 небӧг 16:22

Авессаломлы сувтӧдісны чом Давидлӧн керка вевт вылӧ. Израиль войтырлӧн син водзын Авессалом пыравліс тайӧ чомъяс да сэні узьліс батьыслӧн кесйӧг-гӧтыръяскӧд.

Ӧксыяслӧн 2 небӧг 20:3

Ерусалимын Давид ӧксы муніс аслас гортӧ. Даснан кесйӧг-гӧтырсӧ, кодъясӧс кольліс керка бӧрсяыс видзӧдны, овмӧдіс торъя керкаӧ. Давид сувтӧдіс сэтчӧ видзысьясӧс да могмӧдіс аньясӧс став коланаторнас, но на дінӧ эз пыравлы. Олӧм помӧдзныс аньяс олісны видзӧдӧм улын дӧваяс моз.

Ӧксыяслӧн 2 небӧг 24:17

Кор Давид аддзис войтырӧс бырӧдысь анделӧс, шыасис Господь дінӧ: «Ме мыжаыс. Ме [ыж видзысь] вӧчи та ыджда лёкторсӧ, а тайӧ ыжъясыс абу мыжаӧсь. Мыжды менӧ да менсьым рӧдӧс!»

Иов 4:5

А ӧні тэнӧ суис сьӧкыдыс, и тэ нюкыртчин, шогыс инмӧдчис тэӧ, и тэ ловнад усин.

Иов 40:5

Вевттьы асьтӧ ӧксылӧн кодь дзирдлунӧн, пасьтӧд асьтӧ ыджыдалан вынӧн,

Езекиль 16:52

Тэ мыжалін ассьыд чойястӧ, но тэнӧ асьтӧ лоӧ янӧдӧма, ӧд тэнад мыж вӧчӧмыд налӧн мыж вӧчӧм дорысь ёна зывӧк. Ӧткодявны кӧ тэкӧд, чойясыд мыжтӧмӧсь лоӧны. Гӧрдӧд яндзимыдла, ӧд тэнад уна мыж вӧсна чойястӧ позьӧ лыддьыны мыжтӧмӧн.

Аввакум 1:13

Тэнад синмыд – сӧстӧм, лёкыс да ылӧгыс вылӧ Тэ он вермы видзӧдны. Мыйла Тэ нинӧм он вӧч, а сӧмын видзӧдан ылӧдчысьяс вылӧ? Мыйла Тэ чӧв олан, кор лёк вӧчысь ньылыштӧ веськыда олысьӧс?

Матвей 3:8

Олӧмнад петкӧдлӧй мыжъяссьыныд бергӧдчӧмнытӧ.

Иоан 8:9

Исуслысь кывъяссӧ кылӧм бӧрын йӧзыс кутісны разӧдчыны сьӧрсьӧн-бӧрсьӧн, ӧд налӧн сьӧлӧмыс мыждіс найӧс асьнысӧ. Медводз мунісны пӧрысьджыкъяс, сэсся мукӧдыс. Колины сӧмын Исус да Сы водзын сулалысь ань.

Римӧ 13:12

Войыс кольӧ, луныс матыстчӧ. Сідзкӧ, шыбитам пемыдыслысь уджъяссӧ да пасьтасям югыдыслӧн вермасянторйӧ.

Римӧ 3:19

Ми тӧдам, мый Индӧдыс висьталӧ Индӧд улын олысьяслы. Та вӧсна некод оз вермы мыйкӧ паныд шуны, ӧд став муюгыдыс Ен мыждӧм улын.

Ӧксыяслӧн 1 небӧг 24:17

Кор Давид помаліс сёрнисӧ, Саул шуис: «Тэнсьыд-ӧ гӧлӧс шытӧ кыла, Давид пиӧй?» Сэсся гораа бӧрддзис.

Ӧксыяслӧн 1 небӧг 24:18

Саул шуис Давидлы: «Тэ веськыда вӧчин, ме эг. Тэ вӧчин меным бурсӧ, а ме мынтыси тэныд лёкӧн.