Олӧм 37:13 - Коми Библия 2023

¹³ Израиль шуис Ӧсиплы: «Вокъясыд Сикемын йирсьӧдӧны ыжъясӧс. Ветлы на дінӧ». «Ветла», – вочавидзис батьыслы Ӧсип.

Олӧм 37:13 Iomraidhean Croise

Олӧм 22:1

Тайӧ лоӧмторъясыс бӧрын Ӧвраамӧс тӧдмалӧм могысь Ен шыасис: «Ӧвраам!» Ӧвраам вочавидзис: «Ме тані».

Олӧм 22:11

Но Господьлӧн андел шыасис енэжсянь: «Ӧвраам, Ӧвраам!» «Ме тані», – вочавидзис Ӧвраам.

Олӧм 27:1

Исаак пӧрысьмис да синтӧммис. Ӧтчыд сійӧ корис ыджыдджык писӧ ас дорас да шуис: «Пиукӧй!» Исав вочавидзис: «Мый, батьӧй?»

Олӧм 27:18

Яков пырис батьыс ордӧ да шуис: «Батьӧй». Батьыс вочавидзис: «Коді тэ, пиӧй?»

Олӧм 33:18

Месопотамияысь бура воӧдчӧм бӧрын Яков локтіс Ханаан муӧ, Сикем карӧ, да сувтӧдіс чомсӧ кар бокӧ.

Олӧм 37:12

Ӧтчыд Ӧсиплӧн вокъясыс мунісны Сикемӧ йирсьӧдны батьныслысь ыжъяссӧ.

Матвей 10:16

Ме мӧдӧда тіянӧс ыжъясӧс моз кӧинъяс пӧвстӧ. Лоӧй змей кодь сюсьӧсь да гулю кодь рамӧсь.

Лука 20:13

Сэки овмӧс кутысь шуас: ”Мый вӧчны? Мӧдӧда ассьым муса пиӧс, гашкӧ, сыысь яндысясны”.

Ӧксыяслӧн 1 небӧг 3:16

Но Илий корис Самуилӧс ас дорас да шуис: «Самуил пиӧй». Мӧдыс шуис: «Ме тані».

Ӧксыяслӧн 1 небӧг 3:8

Господь нӧшта коймӧдысь шыасис Самуил дінӧ. Мӧдыс чеччис, муніс Илий дінӧ да шуис: «Ме тані. Тэ менӧ корин?» Сэки Илий гӧгӧрвоис, мый Господь чуксалӧ зонкаӧс.