Олӧм 36:8 - Коми Библия 2023

⁸ Исав, мӧд ногӧн кӧ, Эдом, овмӧдчис Сеир керӧсвыв муӧ.

Олӧм 36:8 Iomraidhean Croise

Олӧм 14:6

хориясӧс Сеир керӧсвыв муын Эл-Паранӧдз, овтӧмин дорӧдз.

Олӧм 25:30

Исав шуис Яковлы: «Ме ёна мудзи. Вай меным сёйыштны этайӧ гӧрдов пуӧмторсӧ». Та вӧсна Исавӧс нимтісны Эдомӧн.

Олӧм 32:3

Яковлӧн Исав вокыс оліс Эдомын, Сеир керӧсвыв муын. Яков ыстіс юӧртысьясӧс вокыс дінӧ,

Олӧм 32:4

тшӧктіс висьтавны сылы: «Исав ыджыдӧй, ме – тэнад Яков кесйӧгыд, ме дыр олі Лаван ордын.

Олӧм 36:1

Исавлӧн рӧд йылысь. Исавлӧн мӧд нимыс – Эдом.

Олӧм 36:43

Магдиэл да Ирам. Тайӧ эдомса чужанкотыръяслӧн юралысьяс оланін сертиныс. Исав вӧлі эдом войтырлӧн бать.

Олӧм 36:9

Исав – Сеир керӧсвыв муын олысь эдом войтырлӧн бать.

1 Каднебӧг 4:42

Симеонсянь чужысьяс пӧвстысь витсё морт мунісны Сеир керӧсвыв муӧ. Наӧн веськӧдлісны Ишийлӧн Пелатий, Неарий, Рефай да Узиэл пиян.

2 Каднебӧг 20:10

Ӧні татчӧ локтӧны аммон войтыр, моавсаяс да Сеир керӧсвыв муын олысьяс. Кор израильсаяс локтісны Египет муысь, Тэ эн лэдз налы мунны тайӧ войтыръяслӧн муясӧд. Та вӧсна израильсаяс ордйисны налысь муяссӧ да эз бырӧдны найӧс.

2 Каднебӧг 20:23

ӧд аммонсаяс да моавсаяс уськӧдчисны Сеир керӧсвыв муын олысьяс вылӧ. Найӧс бырӧдӧм бӧрын аммонсаяс да моавсаяс пондісны виавны ӧта-мӧднысӧ.

Еремей 40:11

Моав муын, аммон войтыр пӧвстын, Эдом муын да мукӧд муясын олысь иудаса йӧз кылісны, мый вавилонса ӧксы Иуда войтырысь кутшӧмкӧ юкӧн кольӧдӧма Иуда муӧ да наӧн веськӧдлыны пуктӧма Гедалийӧс, Шафан Ахикамлысь писӧ.

Авдий 1:1

Авдийлы Енсянь восьтӧм. Ми кывлім Господь Ыджыдсянь, Сійӧ Эдом йылысь висьталіс, мый войтыръяс дінӧ мӧдӧдӧма юӧртысьӧс, сійӧс мӧдӧдӧма шуны: «Чеччӧй, петамӧй тышӧ Эдомлы паныд!»

Авдий 1:3

Вылӧ кыпӧдчӧмыд ылӧдліс тэнӧ. Изкарын моз тэ олан джуджыд керӧсъяс вылын, тэ мӧвпалан ас йывсьыд: «Некод оз вермы шыбитны менӧ му вылӧ».

Малакий 1:3

а Исавӧс Ме мустӧмті. Исавлысь керӧсвыв мусӧ Ме вӧчи овтӧминӧн, сеті сійӧс шакалъяслы.

Индӧд 2:22

Господь тадзи жӧ вӧчис Исав пиянлы, бырӧдіс на водзысь хориясӧс. Исав пиян босьтісны Сеир керӧсвыв му да овмӧдчисны сэтчӧ. Найӧ ӧнӧдз олӧны сэні.

Индӧд 2:4

Войтырыдлы висьтав: ті кутанныд мунны Сеир керӧсвыв муӧд, кӧні олӧны Исав пиян, тіян вокъясныд. Найӧ повзясны тіянысь, но видзчысьӧй,

Индӧд 2:5

энӧ панӧй накӧд тыш. Налӧн муысь Ме тіянлы весиг кок пыдӧс пасьта му ог сет. Ӧд Сеир керӧсвыв мусӧ Ме сеті Исавлы.

Нав Исус 24:4

Исааклы – Яковӧс да Исавӧс. Исавлы Ме вичмӧді Сеир керӧсвыв му, а Яков пияныскӧд вуджисны Египетӧ. [Сэні найӧ лоины уна лыда, ыджыд да ён войтырӧн. Египетсаяс пондісны найӧс дзескӧдны.]

Ӧксыяслӧн 1 небӧг 14:47

Сауллӧн ӧксыалӧмыс Израильын зумыдмис. Сійӧ тышкасис Израиль гӧгӧр олысь вӧрӧгкӧд: моав да аммон войтыръяскӧд, эдомсаяскӧд [да вефорсаяскӧд], цоваса ӧксыяскӧд да филистимсаяскӧд. Код вылӧ сійӧ уськӧдчыліс, ставнысӧ вермыліс.