Олӧм 36:7 - Коми Библия 2023

⁷ Вокъяслӧн овмӧсныс вӧлі зэв ыджыд, та вӧсна ӧтлаын овны лои дзескыд. Ыж-мӧсныс эз нин тӧрны налӧн оланінас.

Олӧм 36:7 Iomraidhean Croise

Олӧм 13:11

Лот бӧрйис Йӧрдан ковтыс да веськӧдчис асыввылӧ. Тадзи найӧ Ӧврамкӧд торъялісны ӧта-мӧдсьыныс.

Олӧм 13:6

Ыджыд овмӧс-эмбурныс вӧсна налы лои дзескыд ӧтвыв овнысӧ.

Олӧм 17:8

Тэныд да тэсянь чужысьяслы Ме сета тайӧ мусӧ, кӧні тэ ӧні локтысь морт моз олан. Ханаан мусӧ ставнас сета тэсянь чужысьяслы нэмъяс кежлӧ да лоа налӧн Енмӧн».

Олӧм 28:4

Мед Сійӧ бурсиас тэнӧ да тэсянь чужысьясӧс менам Ӧвраам батьлӧн бурсиӧмӧн, медым тэныд вуджас муыс, кӧні тэ олан локтысь морт моз, ӧд тайӧ мусӧ Ен сетіс Ӧвраамлы».

1 Каднебӧг 29:15

Тэ водзын ми батьясным моз йӧз муысь локтысьяс. Му вылас миян олан лунъясным вуджӧр кодь, миянлы нинӧм вылӧ лачанымӧс кутны.

Псалтыр 39:12

Господьӧй, эн тупкы меысь Ассьыд бурлунтӧ. Тэнад буралӧмыд да збыльыд мед дугдывтӧг видзасны менӧ.

Еремей 35:7

Керкаястӧ энӧ лэптӧй, няньтӧ энӧ кӧдзӧй, виноградтӧ энӧ пуктӧй. Тайӧ мед нинӧм тіян оз ло, а став олӧм чӧжныд олӧй чомъясын, сэки ті дыр кутанныд овны сійӧ муас, кӧні ті локтысь-мунысьяс”.

Еврейяслы 11:9

Эскӧмӧн Ӧвраам овмӧдчис кӧсйысьӧм муӧ да локтысь моз оліс сэні чомъясын. Сы моз олісны чомъясын Исаак да Яков, кодъяслы тшӧтш вӧлі сетӧма Енлысь кӧсйысьӧмсӧ.