Олӧм 35:19 - Коми Библия 2023

¹⁹ Ракель куліс. Сійӧс дзебисны Виплием-Епрафаӧ мунан туй бокӧ.

Олӧм 35:19 Iomraidhean Croise

Олӧм 35:16

Сэсся найӧ мунісны Вефильысь. [Эдер башня сайӧ Яков сувтӧдіс чомсӧ.] Епрафаӧ вотӧдз туй костас Ракель кутіс сьӧкыда чужтыны.

Олӧм 35:18

Кор Ракель вӧлі куланвыйын, сійӧ пуктіс пиыслы Бенони ним. Но батьыс сійӧс Веняминӧн шуис.

Олӧм 48:7

Месопотамияысь мунӧм бӧрын Епрафаӧ вотӧдз Ракельӧй [тэнад мамыд] куліс Ханаан муын. Сэні ме дзеби сійӧс туй бокас». Епрафаӧс ӧні нимтӧны Виплиемӧн.

Ӧксыяслӧн 2 небӧг 23:14

Давид вӧлі сайӧдчанінын, а филистимсаяслӧн тышкакотырыс – Виплиемын.

Ӧксыяслӧн 2 небӧг 23:15

Давидлӧн горшыс кутіс косьмыны. Сійӧ шуис: «Коді эськӧ ваяс меным юкмӧсысь ва Виплием дзиръя дорысь!»

2 Каднебӧг 11:6

Сійӧ кытшаліс стенмӧн Виплием, Этам, Текоя,

Ездра 2:21

Виплиемысь вӧлі сё кызь куим морт,

Микей 5:1

Ерусалимын олысьяс, петӧй тышӧ, ӧд миянӧс кытшалісны! Израильлысь ёрдысьӧс кутасны кучкавны, беддьӧн кучкаласны чужӧмбанас.

Микей 5:2

Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.

Микей 6:2

Кывзӧй, керӧсъяс, Господьлысь мыжалӧмсӧ! Кывзӧй, муыслӧн вешйывтӧм подувъяс! Ӧд Господь мыжалӧ Ассьыс войтырсӧ, корӧ Израильӧс ёрд водзӧ.

Матвей 2:1

Исус чужис Иудея муын, Виплием карын, Ирӧд ӧксы веськӧдлан кадӧ. Исуслӧн чужӧм мысти асыввылысь Ерусалим карӧ воисны кодзув тӧдысьяс.

Матвей 2:6

– Иуда муын Виплием кар, Иудалӧн мукӧд юрнуӧдан каръясысь тэ абу ичӧтджык. Виплием карысь петас Юралысь, Менсьым ыжъясӧс, Израиль войтырӧс, Сійӧ видзны кутас».

Нав Исус 19:15

Завулон чужанкотырлы вичмисны Каттат, Нахалал, Шимрон, Идеала да Виплием каръяс. Ставнас налы вичмисны дас кык кар да нагӧгӧрса сиктъяс.

Ёрдысьяс 17:7

Иуда муын Виплием карын, Иуда чужанкотыр пӧвстын, оліс ӧти том левит.

Руфа 1:2

Тайӧ мортсӧ шуисны Элимелек, гӧтырсӧ – Ноеминь, пиянсӧ – Махлон да Килион. Найӧ вӧліны иудаса Виплием-Епрафа карысь.

Руфа 4:11

Карса дзиръя дорын став йӧзыс да юрнуӧдысьяс шуисны: «Да, ми кывлім да аддзылім. Тэнад керкаӧ пырысь гӧтыртӧ Господь мед вӧчас Ракель да Лия кодьӧн, кодъяссянь чужис Израиль войтыр. Озырмӧдчы Епрафаын, нимав Виплиемын!

Ӧксыяслӧн 1 небӧг 10:2

Ме дорысь мунӧм бӧрын Венямин муын Селсаын Ракель дзебанін дорын тэ паныдасян кык морткӧд. Найӧ шуасны тэныд: ”Осёлъясыд, кодъясӧс тэ корсян, сюрисны. Батьыд вунӧдіс нин найӧс, ӧд сійӧ майшасьӧ тэ вӧсна. Юасьӧ, мый пӧ меным вӧчны”.

Ӧксыяслӧн 1 небӧг 16:4

Самуил вӧчис, кыдзи тшӧктіс сылы Господь. Кор сійӧ локтіс Виплиемӧ, карса юрнуӧдысьяс полігтыр вочаалісны сійӧс да юалісны: «Бур могӧн-ӧ локтін миян дінӧ?»

Ӧксыяслӧн 1 небӧг 17:12

Давид вӧлі Иуда муысь Виплием-Епрафа карысь Ессейлӧн пи. Ессейлӧн вӧлі кӧкъямыс пи. Сауллӧн ӧксыалан кадӧ Ессей вӧлі пӧрысь нин, сійӧ вӧлі войтырыслӧн ыджыдъясысь ӧти.