Олӧм 34:5 - Коми Библия 2023

⁵ Яковлы висьталісны, мый Хаморлӧн пиыс янӧдӧма сылысь Дина нывсӧ. Но сійӧ нинӧм эз кут вӧчны, а виччысис, кор пияныс локтасны ыж-мӧс йирсьӧданінысь.

Олӧм 34:5 Iomraidhean Croise

Олӧм 30:35

Сійӧ лунӧ Лаван торйӧдіс ай да энь кӧзаяссӧ, кодъяслӧн вуруныс мыйтакӧ вӧлі еджыд сера либӧ чутъяса, торйӧдіс тшӧтш став сьӧд ыжсӧ. Став торйӧдӧм кӧза-ыжсӧ сетіс видзны аслас пияныслы.

Олӧм 34:4

Хамор батьыслы Сикем шуис: «Корав тайӧ нывсӧ меным гӧтырӧ».

Олӧм 34:6

Сикемлӧн Хамор батьыс локтіс Яков дінӧ сёрнитны.

Олӧм 46:34

висьталӧй, мый ті, сылӧн кесйӧгъяс, том кадсянь батьясныд моз ыж-мӧс видзанныд. Сэки сійӧ кольӧдас тіянӧс Гошен муӧ, ӧд египетсаяс ыж видзысьӧс лыддьӧны пежӧн».

Ӧксыяслӧн 2 небӧг 13:22

Авессалом дугдіс сёрнитны Амнонкӧд, ӧд сійӧ ёна мустӧмтіс Амнонӧс Фамар чойсӧ янӧдӧмысь.

Псалтыр 39:9

Енмӧй, ме кӧсъя збыльмӧдны Тэнсьыд кӧсйӧмтӧ, Тэнад Индӧдыд олӧ менам сьӧлӧмын».

Левит 10:3

Мӧисей шуис Ааронлы: «Господь ӧд та йылысь висьталіс, кор шуис: ”Ассьым вежалунӧс Ме петкӧдла Ас бердын кесъялысьяс пыр, Ассьым дзирдлунӧс петкӧдла войтырлы”». Аарон чӧв оліс.

Лука 15:25

Ыджыд пиыс вӧлі видз вылын. Керка дорас матыстчигӧн сійӧ кылас сьылӧм-гажӧдчӧмсӧ,

Лука 15:29

Пиыс шуас батьыслы: ”Кымын во ме тэныд уджала, тэнсьыд пыр кывзыся, но тэ весиг кӧзапитӧ эн сет меным, медым ёртъясӧйкӧд гажӧдчыштны.

Ӧксыяслӧн 1 небӧг 10:27

А шогмытӧм йӧз шуасисны, кутшӧм пӧ сійӧ мездысь миянлы. Найӧ нинӧмӧ пуктісны Саулӧс, эз вайны сылы козинъяс. Но Саул быттьӧ эз казяв тайӧс.

Ӧксыяслӧн 1 небӧг 16:11

Сэки Самуил юаліс Ессейлысь: «Став пияныд-ӧ танӧсь?» Ессей вочавидзис: «Медічӧт пи на эм. Сійӧ ыжъясӧс видзӧ». Самуил шуис: «Мӧдӧд сыла. Ми огӧ пуксьӧй сёйны, кытчӧдз сійӧ оз лок».

Ӧксыяслӧн 1 небӧг 17:15

а Давид кадысь кадӧ ветлывліс Саул дінысь Виплиемӧ видзны батьыслысь ыжъяссӧ.