Олӧм 34:27 - Коми Библия 2023

²⁷ Сэсся Яковлӧн пияныс бӧр локтісны да петкӧдісны карсьыс став озырлунсӧ. Тадзи найӧ вӧчисны Дина чойнысӧ янӧдӧм вӧсна.

Олӧм 34:27 Iomraidhean Croise

Олӧм 34:2

Динаӧс аддзис Хаморлӧн Сикем пиыс. Хамор вӧлі Ханаан муын олысь хивей войтырлӧн ӧксы. Сикем мырдӧн босьтіс Динаӧс да узис сыкӧд.

Олӧм 34:26

Хаморӧс да Сикем писӧ бытшкисны шыпуртӧн. Динаӧс босьтісны Сикем керкаысь да петісны карсьыс.

Олӧм 34:28

Найӧ босьтісны ыж-мӧс, осёлъяс да ставсӧ, мый вӧлі карас да видз-му вылас.

Олӧм 34:31

Симеон да Левий вочавидзисны: «Мыйла найӧ чойнымкӧд тадзи вӧчисны? Сійӧ ӧд абу асьсӧ вузавлысь ань!»

Эсфир 9:10

Тайӧ дас мортыс вӧліны Аммедат Аманлӧн, иудейясӧс мустӧмтысьлӧн, пиян. Найӧс виисны, но налысь овмӧс-эмбурсӧ эз босьтны.

Эсфир 9:16

Мукӧд ӧксыув муясын олысь иудейяс тшӧтш чукӧртчисны, мед дорйыны асьнысӧ да мынтӧдчыны вӧрӧгысь. Иудейяс виисны найӧс мустӧмтысьяс лыдысь сизимдас вит сюрс мортӧс, но налысь овмӧс-эмбурсӧ эз босьтны.

Петӧм 2:14

Сійӧ вочавидзис: «Коді тэнӧ пуктіс миян вылын ыджыдалысьнас да миянӧс мыждысьнас? Гашкӧ, [тӧрытъя] египетсаӧс моз тэ тшӧтш кӧсъян вины менӧ?» Мӧисей повзис. Сійӧ мӧвпыштіс: «Тыдалӧ, тӧдмалісны, мый ме вӧчи».

Езекиль 39:10

Видз-муяс вылысь да вӧрысь налы оз ковмы ваявны пес, ӧд вӧрӧглӧн тышкасянторъясыс лоӧны налы пес пыдди. Израиль войтыр куштас найӧс, кодъяс сійӧс куштісны, мырддяс мырддялысьяслысь эмбурсӧ, – висьталӧ Господь Ыджыдыс.

Амос 3:11

Та вӧсна Господь Ыджыдыс тадзи висьталӧ: – Мутӧ кытшалас вӧрӧг, вӧчас тэнӧ вынтӧмӧн, куштас ыджыд керкаястӧ.

1 Тимофейлы 6:10

Став лёкыс заводитчӧ сьӧм радейтӧмсянь. Сьӧм бӧрся вӧтлысигӧн кодсюрӧ кежисны эскӧмысь да кӧлалісны ас выланыс уна шог.

Нав Исус 7:1

Но Израиль пиян торкисны Господьлы сиӧмтор йылысь тшӧктӧмсӧ [да сиӧмторйысь босьтісны аслыныс]. Акан, коді вӧлі Иуда чужанкотырысь Зерах Завдий Кармилӧн пи, Господьлы сиӧмторйысь мыйкӧ вӧлі босьтӧма аслыс. Та вӧсна Господьлӧн скӧрлуныс ӧзйис Израиль пиян вылӧ.

Нав Исус 7:13

Чеччы! Вежӧд войтыртӧ да висьтав налы, мед асывводз кежлас вежӧдасны-сӧстӧммӧдасны асьнысӧ, ӧд Господь, Израильлӧн Ен, тадзи висьталӧ: Израиль войтыр, тіян пӧвстын эмӧсь ёрӧм улӧ веськалӧмаяс. Кытчӧдз онӧ бырӧдӧй найӧс ас пӧвстсьыныд, вӧрӧгнытӧ онӧ вермӧй.

Нав Исус 7:21

Тышын шедӧдӧмтор пӧвстысь ме аддзи сеннарсаяслысь мича паськӧм, кыксё сикель мында эзысь да зарни ёкмыль, мый сьӧктанас вӧлі ветымын сикель. Ме ышті та вылӧ, босьті да дзеби чом улӧ, муас. Эзысьсӧ пыдӧджык дзебӧма».