Олӧм 33:4 - Коми Библия 2023

⁴ Исав котӧртіс сылы воча, кутліс сійӧс, топӧдіс морӧс бердас да окаліс. Найӧ кыкнанныс бӧрдісны.

Олӧм 33:4 Iomraidhean Croise

Олӧм 29:11

Яков окыштіс Ракельӧс да бӧрддзис.

Олӧм 29:13

Лаван мыйӧн кыліс чойыслӧн Яков пи йывсьыс, котӧртіс сы дінӧ, кутліс-окаліс сійӧс, сэсся вайӧдіс гортас. Яков висьталіс сылы ставсӧ.

Олӧм 32:11

Мезды менӧ Исав вокысь! Ме пола, мый сійӧ локтас да виас менӧ, виас тшӧтш менсьым челядьӧс мамъясыскӧд.

Олӧм 32:28

Мӧдыс шуис: «Ӧнісянь тэнад нимыд оз ло Яков, а Израиль, ӧд тэ вермасин Енкӧд да йӧзкӧд, и вермин».

Олӧм 43:30

Ӧсиплӧн сьӧлӧмас ыпнитіс муслун вокыс дінӧ. Йӧз водзас сійӧ муртса эз бӧрддзы, та вӧсна ӧдйӧ петіс мӧд жырйӧ да бӧрдіс сэні.

Олӧм 43:34

Ӧсип тшӧктіс сетны налы сёянсӧ аслас пызан вылысь, а Веняминлы мукӧд сертиыс – вит пӧв унджык. Вокъяс юисны да гажӧдчисны Ӧсипкӧд ӧтвылысь.

Олӧм 45:2

Сэсся гораа бӧрддзис. Египетсаяс кылісны сылысь бӧрдӧмсӧ, и та йылысь юӧрыс воис фараон керкаӧдз.

Олӧм 46:29

Ӧсип аслас тарантасӧн воча петіс Израиль батьыслы. Батьыскӧд аддзысигӧн кутліс-топӧдліс сійӧс, дыр бӧрдіс сылӧн сывъяс.

Ӧксыяслӧн 2 небӧг 14:33

Йоав муніс ӧксы дінӧ да ставсӧ висьталіс сылы. Ӧксы корис Авессаломӧс ас дорас. Мӧдыс локтіс да муӧдзыс копыртчис сылы. Ӧксы окыштіс Авессаломӧс.

Неемий 1:11

Кевма Тэныд, Господьӧй, копырт пельтӧ Аслад кесйӧглань! Кыв менсьым да став Аслад кесйӧглысь кевмӧмсӧ, ӧд ми кӧсъям вежавидзны Тэысь. Талун отсав меным, Аслад кесйӧглы, сійӧн, мый ӧксы лоас бур сьӧлӧма ме дінӧ». Сійӧ кадас ме вӧлі ӧксылӧн вина кисьталысьӧн.

Иов 2:12

Найӧ ылісянь на аддзисны Иовӧс, но эз тӧдны сійӧс. Сэки найӧ пондісны ырзӧмӧн бӧрдны, косялісны паськӧмнысӧ да юр весьтаныс коялісны му енэжланьыс.

Псалтыр 34:4

Менсьым олӧмӧс босьтны кӧсйысьяс мед яналасны да лоасны серамтуйынӧсь. Меным лёксӧ вӧчны кӧсйысьяс мед яналӧмӧн бӧр бергӧдчасны.

Шусьӧгъяс 16:7

Весиг мустӧмтысьяс бурасьӧны сыкӧд, кодлӧн туйыс Господьлы шогмана.

Шусьӧгъяс 21:1

Ӧксылӧн сьӧлӧмыс Господь киын визувтысь ва кодь, Господь веськӧдӧ сійӧс, кытчӧ кӧсйӧ.

Лука 15:20

Сійӧ чеччас да мӧдӧдчас батьыс ордӧ. Ылісянь на батьыс аддзас писӧ, да сылӧн сьӧлӧмыс нормас. Сійӧ котӧрӧн уськӧдчас пиыслы паныд, сывйыштас да окалас писӧ.

Ап. уджъяс 20:37

Ставныс кутісны бӧрдны да сывъялӧмӧн окалісны Павелӧс.

Ӧксыяслӧн 1 небӧг 20:41

Зонка муніс. Сэки Давид петіс лунвывладорсяньыс да куимысь муӧдзыс копыртчыліс Ионафанлы. Найӧ окалісны ӧта-мӧднысӧ да кыкнанныс бӧрдісны, но Давид бӧрдіс ёнджыка.