Олӧм 31:1 - Коми Библия 2023

¹ Яков кыліс Лаван пиянлысь сёрнисӧ, Яков пӧ ставсӧ босьтіс батьнымлысь да сы овмӧссянь пӧ озырмӧдчис.

Олӧм 31:1 Iomraidhean Croise

Олӧм 30:43

Тадзи Яков лои вывті озырӧн. Сылӧн лои уна ыж [да мӧс], тшӧтш верблюдъяс да осёлъяс, кесйӧг аньяс да кесйӧгъяс.

Олӧм 31:2

Лаванлӧн чужӧм сертиыс Яков казяліс, мый Лаван кутіс мустӧмтны сійӧс.

Олӧм 31:43

Лаван вочавидзис Яковлы: «Тайӧ нывъясыс ӧд менам, налӧн челядьыс и пемӧсъясыс менам. Ставыс, мый тэнад син водзын – менам. Но мый ме верма вӧчны нывъяскӧд да налӧн челядькӧд, кодъясӧс найӧ чужтісны?

Олӧм 45:13

Висьталӧй менам батьлы, кыдзи ме нимала Египетын. Висьталӧй ставсӧ, мый аддзылінныд, да ӧдйӧджык вайӧдӧй татчӧ менсьым батьӧс».

Эсфир 5:11

Аман ошйысис налы аслас ыджыд озырлунӧн, ошйысис, мый сылӧн уна пи, и мый ӧксы ыдждӧдліс сійӧс да кыпӧдіс аслас юралысьясысь да веськӧдлысьясысь медвылӧ.

Иов 31:31

Менам керкаын олысьяслӧн эз вӧв помка шуасьны, мый ме эг лэдз налы пӧттӧдз яй сёйны.

Псалтыр 17:14

Господь муркнитіс енэжас, Медвылыссаыс сетіс Ассьыс гӧлӧс шысӧ, кисьтіс шер да биа ӧгыръяс.

Псалтыр 57:4

Лёк вӧчысьяс чужӧмсяньныс вошӧмаӧсь, пӧръясьысьяс мам кынӧмсяньныс ылалӧмаӧсь.

Шусьӧгъяс 14:30

Лӧнь сьӧлӧмыд вир-яйтӧ бурдӧдӧ, вежӧгтӧмыд лыястӧ сісьтӧ.

Шусьӧгъяс 27:4

Чорыда скӧрмӧм-ярмӧмтӧ сувтӧдны сьӧкыд, вежӧгтӧмтӧ нинӧм оз сувтӧд.

Еклесиаст 4:4

Нӧшта ме аддзи, мый быдпӧлӧс удж да быд зільӧм-вермӧм чужтӧ йӧз костын вежалӧм. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Исай 5:14

Пыдӧстӧминыс воссяс, сійӧ паськыда восьтас ассьыс горшсӧ да ньылыштас нималана йӧзӧс и озыръясӧс, сійӧ ньылыштас став гажӧдчысь йӧзсӧ.

Еремей 9:23

Господь тадзи висьталӧ: – Мывкыда морт мед оз ошйысь аслас мывкыдлуннас, вына морт мед оз ошйысь аслас вынйӧрнас, озыр морт мед оз ошйысь аслас озырлуннас.

Езекиль 16:44

Тэ йылысь татшӧм кывйӧз кутас ветлыны: ”Кутшӧм мамыс, сэтшӧм и нылыс”.

Матвей 4:8

Омӧль бара вайӧдіс Исусӧс зэв джуджыд керӧс йылӧ да петкӧдліс Сылы таладор югыдсьыс став мусӧ, налысь мичлун-озырлунсӧ.

1 Тимофейлы 6:4

татшӧм мортыс вылӧ пуктӧ асьсӧ да нинӧм оз гӧгӧрво. Сійӧ пыр кӧсйӧ вензьыны да зыксьыны. А тасянь артмӧ вежалӧм, пинясьӧм, лёкӧдӧм, гусьӧн мыждӧм

Титлы 3:3

Ми ӧд асьным коркӧ вӧлім вежӧртӧмӧсь да кывзысьтӧмӧсь, вошӧмаӧсь олӧмас, сетчӧмаӧсь ыштӧмас да быдпӧлӧс ковтӧм гажӧдчӧмас. Олім лёк пытшкас, вежалім, вӧлім мустӧмӧсь, да мукӧдсӧ тшӧтш мустӧмтім.

1 Петыр 1:24

Гижӧдыс висьталӧ: – Мортыс – турун кодь, сылӧн мичлуныс – дзоридз кодь. Турун косьмӧ, дзоридз усьӧ,