Олӧм 30:32 - Коми Библия 2023

³² Талун ме кытшовта ыжъястӧ да кӧзаястӧ. Ме торйӧда на пӧвстысь став чутӧсь, сера да сьӧд ыжсӧ, тшӧтш став чутӧсь да сера кӧзасӧ. Водзӧвылӧ татшӧмъясыс лоасны меным удждон пыдди.

Олӧм 30:32 Iomraidhean Croise

Олӧм 30:31

Лаван юаліс: «Кыдзи мынтысьны тэныд, висьтав?» Яков шуис: «Оз ков мынтысьны. Но ӧтитор кӧ вӧчан, ме кута водзӧ видзны тэнсьыд ыжъястӧ.

Олӧм 30:33

Ме кӧ ылӧдла тэнӧ, регыд мысти тэ ачыд казялан. Локтан кӧ видзӧдлыны менсьым ыж-кӧзаӧс да аддзан кӧ ме ордысь сертӧм-чуттӧм кӧзаясӧс либӧ сьӧд ыжъяс кындзи мӧд сера ыжъясӧс, сідзкӧ, найӧс тэнсьыд вӧлі гусялӧма».

Олӧм 30:35

Сійӧ лунӧ Лаван торйӧдіс ай да энь кӧзаяссӧ, кодъяслӧн вуруныс мыйтакӧ вӧлі еджыд сера либӧ чутъяса, торйӧдіс тшӧтш став сьӧд ыжсӧ. Став торйӧдӧм кӧза-ыжсӧ сетіс видзны аслас пияныслы.

Олӧм 31:10

Ӧтчыд пемӧсъяслӧн тырсялан кадӧ ме аддзи вӧтӧн, мый сера, чутӧсь да паса ай кӧзаяс да межъяс чеччалӧны энь кӧзаяс да ыжъяс вылӧ.

Олӧм 31:8

Кор батьныд шуис, мый чутӧсь ыжъяс лоасны меным удждонӧн, сэки ставныс чужтісны чутӧсь пиянӧс. А кор шуис, мый сера ыжъяс лоасны меным удждонӧн, сэки ставныс чужтісны сера пиянӧс.