Олӧм 30:27 - Коми Библия 2023

²⁷ Лаван шуис сылы: «Ло бур сьӧлӧма, кывзы менӧ! Ӧні ме тӧда, мый тэ вӧсна Господь бурсиис менӧ.

Олӧм 30:27 Iomraidhean Croise

Олӧм 12:3

Тэнӧ бурсиысьӧс Ме бурсиа, тэнӧ ёрысьӧс Ме ёра. Тэ пыр вуджас бурсиӧмыс быд войтырлы».

Олӧм 18:3

шуис: «Ыджыдӧй, ме кӧ лои шогмана Тэныд, пырав Аслад кесйӧгыд дінӧ.

Олӧм 26:24

Сэні войнас сылы петкӧдчис Господь да шуис: «Ме Ӧвраамлӧн, тэнад батьлӧн, Ен. Эн пов, ӧд Ме тэкӧд. Менам Ӧвраам кесйӧг вӧсна Ме бурсиа тэнӧ да содта тэсянь чужысьясӧс».

Олӧм 30:30

Меӧдз тэнад пемӧсыд этша вӧлі, а ме локті да, унасьыс-уна лои! Менам локтӧмсянь Господь ёна бурсиис тэнӧ. А кор нӧ ме кута уджавны аслам гортсалы?»

Олӧм 33:15

Исав шуис: «Коля тэ дінӧ ассьым некымын мортӧс». Яков шуис: «Оз ков! Меным тырмана, мый тэ бур сьӧлӧма ме дінӧ, ыджыдӧй!»

Олӧм 34:11

Сикем шуис Диналӧн батьыслы да вокъясыслы: «Лоӧй бур сьӧлӧмаӧсь ме дінӧ, и ме сета тіянлы ставсӧ, мый коранныд.

Олӧм 44:5

Тайӧ дозмуксьыс юӧ менам ыджыдӧй, тшӧтш тунасьӧ сы отсӧгӧн. Ті лёктор вӧчинныд”».

Олӧм 47:25

Найӧ шуисны: «Тэ видзин олӧмнымӧс. Тэ бур сьӧлӧма миян дінӧ, ыджыдным. Талунсянь лоам кесйӧг туйынӧсь фараонлы».

Ӧксыяслӧн 2 небӧг 6:11

Куим тӧлысь чӧж Господьлӧн кудйыс вӧлі Овед-Эдом керкаын, и Господь бурсиис Овед-Эдомӧс да став сылысь гортсасӧ.

Ӧксыяслӧн 3 небӧг 11:19

Фараонлы сьӧлӧм вылас воис Хадад. Сійӧ сетіс Хадад сайӧ аслас Тахпенес гӧтырлысь, ӧксы-аньлысь, чойсӧ.

Неемий 1:11

Кевма Тэныд, Господьӧй, копырт пельтӧ Аслад кесйӧглань! Кыв менсьым да став Аслад кесйӧглысь кевмӧмсӧ, ӧд ми кӧсъям вежавидзны Тэысь. Талун отсав меным, Аслад кесйӧглы, сійӧн, мый ӧксы лоас бур сьӧлӧма ме дінӧ». Сійӧ кадас ме вӧлі ӧксылӧн вина кисьталысьӧн.

Неемий 2:5

да вочавидзи ӧксылы: «Ме, тэнад кесйӧг, шогмана кӧ тэныд, ӧксыӧй, и тэ кӧ чайтан, мый менам корӧмӧй бур, лэдз менӧ мунны Иуда муӧ, медым лэптыны сійӧ карсӧ, кытчӧ дзебӧма менсьым батьясӧс».

Псалтыр 1:3

Сійӧ лоӧ визув ю дорын быдмысь пу кодь, ас кадӧ вайӧ вотӧс, сылӧн коръясыс оз косьмыны. Быд удж сылӧн кутас артмыны.

Петӧм 3:21

Ме небзьӧда египетсаяслысь сьӧлӧмсӧ тіян дінӧ. Ті петанныд сэтысь, и петанныд онӧ куш киӧн.

Исай 6:13

Весиг коляс кӧ тані олысьяс пӧвстысь дасӧд юкӧныс, найӧс тшӧтш лоӧ бырӧдӧма. Кыдзи кералӧм бӧртиыс тупулӧн да ыджыд пулӧн кольӧ вужйыс, сідзи тайӧ войтырлӧн кольӧ вежа петасыс».

Исай 61:9

Насянь чужысьясӧс нимӧдасны войтыръяс пӧвстын, найӧс аддзысьяс гӧгӧрвоасны, мый тайӧ войтырсӧ бурсиӧма Господь.

Исай 65:8

Господь тадзи висьталӧ: – Кор виноград розйыс кисьмӧма нин, сэки шуӧны: «Энӧ чегӧй сійӧс, ӧд сійӧ вайӧ бурсиӧм». Ме тадзи жӧ вӧча Аслам кесйӧгъяс ради: ог ставнысӧ бырӧд.

Даниил 1:9

Енмыс лӧсьӧдіс сідзи, мый ыджыд чинаясӧн веськӧдлысь вӧлі бур сьӧлӧма Даниил дінӧ.

Лыд 11:11

Мӧисей шыасис Господь дінӧ: «Мыйла Тэ пикӧ воштін менӧ, Ассьыд кесйӧгтӧ? Мый вӧсна Тэ он бурсьӧлӧмтчы ме дінӧ? Мыйла Тэ тайӧ войтырыс вӧсна та ыджда сьӧкыдсӧ ме вылӧ пуктін?

Лыд 11:15

Татшӧм олӧм дорысь бурджык лоӧ, виан кӧ менӧ. Ло бур сьӧлӧма да ви менӧ, медым помасяс менам шогӧй!»

Ап. уджъяс 7:10

да дорйис сійӧс быд сьӧкыдыс дырйи. Енмыс сетіс Ӧсиплы ыджыд мывкыдлун, та вӧсна сійӧ сьӧлӧм вылас воис фараонлы, египетса ӧксылы. Фараон весиг пуктіс сійӧс веськӧдлыны Египетӧн да аслас став овмӧсӧн.

Руфа 2:13

Руфа вочавидзис: «Ыджыдӧй, тэ зэв бур сьӧлӧма ме дінӧ. Ме ог шогмы лоны тэныд весиг кесйӧг туйӧ. Но тэ бурмӧдін менсьым сьӧлӧмӧс аслад кывъясӧн».

Ӧксыяслӧн 1 небӧг 16:22

А Ессей дінӧ Саул мӧдӧдіс висьтавны, мед лэдзас Давидӧс кольччыны сы ордӧ да кесъявны сылы, ӧд Давид воис сылы сьӧлӧм вылас.