Олӧм 3:19 - Коми Библия 2023

¹⁹ Пӧсь петтӧдзыд пондан уджавны няньыд вӧсна. Сэсся бӧр бергӧдчан муӧ, кытысь босьтӧма тэнӧ. Муысь вӧчӧма тэнӧ, муӧ бӧр и бергӧдчан».

Олӧм 3:19 Iomraidhean Croise

Олӧм 18:27

Ӧвраам шуис воча: «Ме – бус да пӧим, но лысьті шыасьны Тэ дінӧ, Господьӧй.

Олӧм 2:7

Господь Ен вӧчис муысь мортӧс, пӧльыштіс сылы ныр-вомас олӧмыслысь ловсӧ, и морт лоис ловъя олысьӧн.

Олӧм 23:4

«Ме локтысь морт, абу тіян войтырысь, – шыасис на дінӧ Ӧвраам. – Вузалӧй меным му, медым дзебны гӧтырлысь шойсӧ».

Олӧм 3:18

Муыс кутас быдтыны йӧн да ёг турун, но сійӧ жӧ муыс кутас сетны тэныд сёян.

Олӧм 5:5

Адам оліс ӧкмыссё комын арӧсӧдз, сэсся куліс.

Иов 1:21

Иов шуис: – Пасьтӧг ме петі мам кынӧмысь, пасьтӧг и бӧр муна. Господь сетіс, Господь и бӧр босьтіс. [Ӧд тадзи вӧлі шогмана Господьлы.] Мед лоӧ ошкӧма Господьлысь нимсӧ!

Иов 10:9

Эн вунӧд, мый Тэ сёйысь вӧчин менӧ, а ӧні бӧр вӧчан менӧ муӧн?

Иов 19:26

Кор ме вылысь кучикӧс лоӧ кульыштӧма, ме аддза Енмӧс.

Иов 21:26

Но налӧн шойыс кутас ӧтлаын куйлыны му пытшкас, кыкнаннысӧ вегыль-номыр сёяс.

Иов 34:15

сэки эськӧ став ловъя олысьыс ӧти здукӧн кулас, мортыс муӧн бӧр лоас.

Иов 4:19

Нӧшта этшаджыка на Сійӧ эскӧ муысь вӧчӧм мортлы, сёйысь вӧчӧм чомйын олысьлы, кодӧс позьӧ бырӧдны возйӧс моз.

Псалтыр 103:14

Ыж-мӧслы Тэ быдтан турун, мортлы – быдмӧг, тадзи муыс сетӧ налы сёян.

Псалтыр 104:23

Тадзи Израиль локтіс Египетӧ, Яков овмӧдчис Хамлӧн муӧ.

Псалтыр 104:29

Налысь васӧ Господь пӧртіс вирӧ, бырӧдіс налысь став черисӧ.

Псалтыр 127:2

Тэ кутан пӧткӧдчыны аслад кипом уджъясысь, тэ шуда лоан, тэнад ставыс лоӧ бур.

Псалтыр 90:3

Господь видзӧ тэнӧ налькйӧ шедӧмысь, мездӧ тэнӧ пӧрӧс висьӧмысь.

Шусьӧгъяс 21:16

Коді кежӧ мывкыдлуныслӧн туйысь, кулӧмаяскӧд куйлыны кутас.

Еклесиаст 1:13

Ме став олӧмӧс пукті, медым мывкыдлун отсӧгӧн тӧдмавны-туявны ставсӧ, мый вӧчсьӧ енэж улас. Тайӧ сьӧкыд могсӧ Ен сетӧма мортлы.

Еклесиаст 1:3

Мый бурыс мортыслы сылӧн уджалӧмысь, шонді улас мырсьӧм-пессьӧмысь?

Еклесиаст 12:7

Муысь вӧчӧм вир-яйыд бӧр бергӧдчас муӧ, а лолыд бӧр мунас Ен дінӧ, коді сетіс сійӧс.

Еклесиаст 3:20

Ставыс мунӧ ӧтилаӧ: ставсӧ вӧчӧма муысь, и ставыс бӧр бергӧдчӧ муӧ.

Еклесиаст 5:15

Мортыд кутшӧмӧн локтіс муюгыдас, сэтшӧмӧн и эновтас сійӧс. И тайӧ – ыджыд лёктор. Мый бурсӧ вайис сылы весьшӧрӧ мырсьӧм-уджалӧмыс?

Даниил 12:2

Сэки гуалӧмаяс пӧвстысь унаӧн ловзясны: ӧтияс – помтӧм олӧм вылӧ, мӧдъяс – янӧдӧм да помтӧм мустӧмтӧм вылӧ.

1 Коринфӧ 15:47

Медводдза мортыс вӧлі мувывса, сійӧс вӧлі муысь вӧчӧма. Мӧд мортыс – Господь, коді локтіс енэжсянь.

Ефесӧ 4:28

Гусясьысь, водзӧ эн гусясь, а уджав да вӧч аслад киӧн бурсӧ. Сэки тэ верман отсасьны корысьяслы.

1 Фессалоникаӧ 2:9

Вокъяс, ті тӧданныд, Енлысь Бур Юӧрсӧ висьтавлігӧн ми уджалім кок йылысь усьтӧдз. Мырсим лун и вой, ӧд тіян пӧвстысь некодӧс эгӧ кӧсйӧй сьӧктӧдны.

2 Фессалоникаӧ 3:10

Ӧд тіянӧ волігӧн ми шулім нин: «Коді оз кӧсйы уджавны, сійӧ мед оз сёй».

Еврейяслы 9:27

Мортыслы шуӧма кувны ӧтчыдысь, сэсся лоӧ мыждӧм.