Олӧм 28:18 - Коми Библия 2023

¹⁸ Асывводзнас Яков босьтіс изсӧ, мый вылын юрсӧ пуктӧмӧн узис, сувтӧдіс сійӧс вежа пас пыдди да кисьтіс сы вылӧ олив вый.

Олӧм 28:18 Iomraidhean Croise

Олӧм 21:14

Ӧвраам чеччис водз асывнас, босьтіс нянь да кучик дозйын ва, ӧшӧдіс нопсӧ Агарлы пельпом вылас да ыстіс сійӧс пиыскӧд. Агар муніс да вошис Бер-Шева овтӧминын.

Олӧм 22:3

Ӧвраам чеччис водз, босьтіс осёлсӧ, кык кесйӧгӧс да Исаак писӧ. Сэсся поткӧдліс пес, медым вайны сотан вись, да мӧдӧдчис сэтчӧ, кытчӧ тшӧктіс сылы Ен.

Олӧм 28:11

Шонді пуксьӧм бӧрын сувтіс шойччыны, босьтіс из, пуктіс юр улас да водіс.

Олӧм 31:13

Ме Ен, коді петкӧдчи тэныд Вефильын. Сэні тэ кисьтін вый вежа из вылӧ да кыв сетін Меным. Ӧні тэ чеччы, пет тайӧ мусьыс да бӧр мун аслад чужанінӧ. [Ме лоа тэкӧд.]”»

Олӧм 31:45

Яков босьтіс из да пуктіс сійӧс казьтыланпас пыдди.

Олӧм 35:14

Яков сувтӧдіс сэтчӧ из, кисьтіс из вылас вина вись да олив вый.

Олӧм 35:20

Ракельлӧн гу вылӧ Яков пуктіс казьтылан из. Сійӧ ӧнӧдз сэні сулалӧ.

Ӧксыяслӧн 2 небӧг 18:18

Ловъя дырйиыс на Авессалом сувтӧдіс аслыс Ӧксы ковтысӧ казьтылан из. Сійӧ шуліс, менам пӧ абу пиӧй, коді эськӧ водзӧ видзис менсьым нимӧс. Изсӧ нимтіс аслас нимӧн. Ӧнӧдз тайӧ казьтылан изйыс шусьӧ ”Авессаломлы из”.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Исай 19:19

Сійӧ лунӧ Египет шӧрын кутас сулавны Господьлы висьпуктанін, а му вежтасас – Господьлӧн вежа из.

Лыд 7:1

Вежа чом сувтӧдӧм бӧрын Мӧисей мавтыштіс да вежӧдіс вежа чомсӧ да вежаинса став дозмук-кӧлуйсӧ, тшӧтш висьпуктанінсӧ став дозмук-кӧлуйнас.

Нав Исус 4:9

Нӧшта дас кык из Исус сувтӧдіс Йӧрдан ю шӧрӧ, кӧні сулалісны [Господьлысь] Йитӧд куд нуысь попъяс. Ӧнӧдз тайӧ изъясыс сэнӧсь.

Ӧксыяслӧн 1 небӧг 7:12

Самуил босьтіс из да сувтӧдіс сійӧс Миспа да Шен каръяс костӧ. Самуил сетіс изйыслы Эвен-Эзер ним да шуис, тайӧ местаӧдзыс пӧ Господь отсаліс миянлы.