Олӧм 28:13 - Коми Библия 2023

¹³ Господь сулаліс сэні да шуис: «Ме Господь, тэнад Ӧвраам батьлӧн Ен да Исааклӧн Ен. [Эн пов.] Мусӧ, кӧні тэ куйлан, Ме сета тэныд да тэсянь чужысьяслы.

Олӧм 28:13 Iomraidhean Croise

Олӧм 12:7

Сэні Ӧврамлы петкӧдчис Господь да шуис: «Тайӧ мусӧ Ме сета тэсянь чужысьяслы». Ӧврам сувтӧдіс висьпуктанін Господьлы, коді петкӧдчис сылы.

Олӧм 13:15

Тайӧ мусӧ, мый тэ аддзан, Ме сета тэныд да тэсянь чужысьяслы пыр кежлӧ.

Олӧм 13:17

Чеччы, кытшовт тайӧ мусӧ кузьтанас и пасьтанас, ӧд сійӧс Ме сета тэныд [да тэсянь чужысьяслы пыр кежлӧ]».

Олӧм 15:1

Тайӧ лоӧмторъясыс бӧрын Ӧврамлы петкӧдчис Господь да шуис: «Эн пов, Ӧврам, Ме – тэнад сайӧдыд. Тэныд вичмас ыджыд тырдон».

Олӧм 15:18

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ,

Олӧм 26:24

Сэні войнас сылы петкӧдчис Господь да шуис: «Ме Ӧвраамлӧн, тэнад батьлӧн, Ен. Эн пов, ӧд Ме тэкӧд. Менам Ӧвраам кесйӧг вӧсна Ме бурсиа тэнӧ да содта тэсянь чужысьясӧс».

Олӧм 26:3

Кольччы татчӧ. Ме бурсиа тэнӧ да лоа тэкӧд. Тэныд да тэсянь чужысьяслы сета ставнас тайӧ мусӧ, збыльмӧда Ӧвраам батьыдлы сетӧм кывйӧс.

Олӧм 28:4

Мед Сійӧ бурсиас тэнӧ да тэсянь чужысьясӧс менам Ӧвраам батьлӧн бурсиӧмӧн, медым тэныд вуджас муыс, кӧні тэ олан локтысь морт моз, ӧд тайӧ мусӧ Ен сетіс Ӧвраамлы».

Олӧм 31:13

Ме Ен, коді петкӧдчи тэныд Вефильын. Сэні тэ кисьтін вый вежа из вылӧ да кыв сетін Меным. Ӧні тэ чеччы, пет тайӧ мусьыс да бӧр мун аслад чужанінӧ. [Ме лоа тэкӧд.]”»

Олӧм 31:42

Эз кӧ вӧв мекӧд батьӧйлӧн Енмыс, Ӧвраамлӧн Енмыс, кодысь тшӧтш Исаак полӧ, тэ эськӧ ыстін менӧ куш киӧн. Енмыс аддзис менсьым мырсьӧмӧс да сьӧкыдалӧмӧс, та вӧсна дорйис менӧ войнас».

Олӧм 31:5

Налы шуис: «Батьныдлӧн чужӧм сертиыс ме казялі, мый сійӧ кутіс мустӧмтны менӧ. Но менам батьӧйлӧн Енмыс мекӧд.

Олӧм 31:53

Миян костын ёрдысьыс Ӧвраамлӧн да Нахорлӧн Ен, налӧн батьлӧн Ен». Яков кыв сетіс Ен водзын, кодысь поліс сылӧн Исаак батьыс.

Олӧм 32:10

Тэнад буралӧмыд ыджыд, Тэ уна бурсӧ вӧчин меным, Аслад кесйӧглы. Ме ог сулав та доныс! Йӧрдан ю вуджигӧн менам вӧлі сӧмын бедь, а ӧні, бӧрсӧ локтігӧн, меным ковмис ыджыд овмӧсӧс кык пельӧ юкны.

Олӧм 32:9

Яков кевмысис: «Господьӧй, Ӧвраам батьлӧн Ен да Исаак батьлӧн Ен! Тэ тшӧктін меным бергӧдчыны аслам муӧ, аслам чужанінӧ, и кӧсйысин бур вӧчны меным.

Олӧм 35:1

Ен шуис Яковлы: «Чеччы, мун Вефильӧ да овмӧдчы сэтчӧ. Сувтӧд Меным висьпуктанін, ӧд Ме петкӧдчи тэныд, кор тэ пышйин Исав воксьыд».

Олӧм 35:12

Мусӧ, мый Ме кӧсйыси сетны Ӧвраамлы да Исааклы, Ме сета тэныд да тэсянь чужысьяслы.

Олӧм 35:15

Енкӧд сёрнитанінсӧ Яков нимтіс Вефильӧн.

Олӧм 35:17

Ракельлӧн мырсигӧн гӧгиньыс шуис сылы: «Эн пов, тэнад бара на пи».

Олӧм 46:3

Ен шуис: «Ме – Ен, тэнад батьлӧн Ен. Эн пов мунны Египетӧ. Сэні Ме сета тэсянь чужны унасьыс-уна войтырлы.

Олӧм 48:3

Яков шуис Ӧсиплы: «Ставсӧвермысь Ен петкӧдчис меным Ханаанса Лузын да бурсиис менӧ.

1 Каднебӧг 16:16

Энӧ вунӧдӧй Сылысь Ӧвраамкӧд кӧрталӧм йитӧдсӧ, Исааклы сетӧм кывсӧ.

1 Каднебӧг 16:18

Сійӧ шуис: «Ме сета тэныд Ханаан му, вичмӧда сійӧс тэныд».

Псалтыр 105:11

Ваыс вевттис дзескӧдысьясӧс, весиг ӧти на пиысь ловйӧн эз коль.

Петӧм 2:24

Ен кыліс ойзӧмсӧ налысь да уськӧдіс тӧд вылас Ассьыс йитӧдсӧ, мый Сійӧ кӧрталіс Ӧвраамкӧд, Исааккӧд да Яковкӧд.

Петӧм 3:6

Ен нӧшта шуис: «Ме тэнад батьлӧн Ен, Ӧвраамлӧн Ен, Исааклӧн Ен да Яковлӧн Ен». Мӧисей тупкис чужӧмсӧ, ӧд поліс видзӧдны Ен вылӧ.

Петӧм 4:5

Господь шуис: «Вӧч тайӧс, мед найӧ эскасны, мый збыльысь тэныд петкӧдчис Господь, налӧн батьяслӧн Ен – Ӧвраамлӧн Ен, Исааклӧн Ен да Яковлӧн Ен».

Петӧм 6:4

Ме кӧрталі накӧд йитӧд, кӧсйыси сетны налы Ханаан му, кӧні найӧ вӧліны ветлысь-мунысьяс.

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.

Езекиль 28:25

Господь Ыджыдыс тадзи висьталӧ: Ме чукӧрта Израиль войтырӧс мукӧд войтыръяс пӧвстысь, кытчӧ найӧс вӧлі разӧдӧма. Та пыр Ме петкӧдла Ассьым вежалунӧс мукӧд войтыръяслӧн син водзын. Израиль войтыр пондас овны аслас муын, мый Ме сеті Аслам Яков кесйӧглы.

Амос 7:7

Со мый петкӧдліс меным Господь Ыджыдыс. Сійӧ сулаліс карса стен вылын, киас кутіс изъя кӧв.

Матвей 22:32

”Ме Ӧвраамлӧн Ен, Исааклӧн Ен да Яковлӧн Ен”? Енмыс абу кулӧмаяслӧн Ен, Сійӧ ловъяяслӧн Ен».

Ап. уджъяс 7:5

Енмыс эз сет Ӧвраамлы татысь весиг кок пыдӧс пасьта му. Но кор Ӧвраам вӧлі ныв-питӧм на, Енмыс кӧсйысис сетны сылы да сысянь чужысьяслы мусӧ.

Индӧд 1:8

Тайӧ мусӧ Ме сета тіянлы. Ме, Господь, кыв сетӧмӧн кӧсйыси сетны сійӧс тіян батьяслы – Ӧвраамлы, Исааклы, Яковлы да насянь чужысьяслы. Мунӧй да босьтӧй сійӧс”.

Индӧд 34:4

Господь шуис сылы: «Тайӧ му йылысь Ме кыв сетлі Ӧвраамлы, Исааклы да Яковлы, мый сета сійӧс насянь чужысьяслы. Ме петкӧдлі сійӧс тэныд, но сэтчӧ тэ он пыр».

Индӧд 9:5

Ті мунанныд босьтны налысь мусӧ онӧ асланыд веськыдлун вӧсна да сӧстӧм сьӧлӧмныд вӧсна, но Господь, тіян Енныд, вӧтлӧ найӧс тіян водзысь налӧн пеж олӧм вӧсна. Тадзи Господь збыльмӧдӧ Ӧвраамлы, Исааклы да Яковлы, тіян батьяслы, сетӧм кывсӧ.

Еврейяслы 11:16

Но найӧ кӧсйисны овмӧдчыны бурджык муӧ – енэжӧ. Та вӧсна Енмыс оз яндысь шуны Асьсӧ налӧн Енмӧн, ӧд Сійӧ дасьтіс налы кар.