Олӧм 27:28 - Коми Библия 2023

²⁸ Енмыс мед сетас тэныд енэжса лысва, мувыв вотӧс, уна нянь да вина.

Олӧм 27:28 Iomraidhean Croise

Олӧм 27:37

Исаак вочавидзис: «Ме пукті сійӧс тэ вылын ыджыднас. Вокъяссӧ сеті сылы кесйӧгӧ. Сеті нянь да вина. Мый ме верма сетны тэныд, пиӧй?»

Олӧм 27:39

Сэк Исаак батьыс шыасис: – Бур вотӧса муяс ылын лоӧны тэнад оланінысь, енэжса лысваыс оз кут кӧтӧдны сійӧс.

Олӧм 45:18

Мед босьтасны ассьыныс батьнысӧ да котырныскӧд локтасны ме дінӧ. Ме сета налы Египет муысь медбурсӧ, и найӧ кутасны овны выя муын.

Олӧм 49:20

Асирлӧн няньыс лоӧ вывті пӧтӧса, ӧксылы кодь сёянӧн кутас йӧзӧс вердны.

Олӧм 49:25

Сійӧ – батьыдлӧн Ен, коді отсалас тэныд, Сійӧ – Ставсӧвермысь, коді бурсиас тэнӧ. Бурсиас енэжвывса бурсиӧмӧн, мупыдӧсса бурсиӧмӧн, морӧс йӧв да мам кынӧм бурсиӧмӧн,

Ӧксыяслӧн 2 небӧг 1:21

Гелву керӧсъяс, тіянӧс мед оз кӧтӧдны лысва да зэр, тіян мед оз лоны вотӧса видз-муяс. Ӧд сэні сімӧ выналӧн сайӧдыс, Сауллысь сайӧдсӧ выйӧн оз нин мавтны.

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 3 небӧг 5:11

А Соломон тӧждысис Хирамлӧн керка вӧсна, могмӧдіс сэні олысьясӧс сёян-юанӧн. Быд во сійӧ мӧдӧдліс Хирамлы кызь сюрс мешӧк шобді да кызь бӧчка олив вый.

2 Каднебӧг 2:10

Тэнад кесйӧгъяслы, кодъяс кутасны пӧрӧдны вӧр, ме сета пӧткӧдчӧм вылӧ кызь сюрс мешӧк шобді, кызь сюрс мешӧк ид, кызь сюрс бат мында вина да кызь сюрс бат мында олив вый».

Псалтыр 104:15

«Энӧ вӧрӧдӧй Менсьым мавтыштӧмаясӧс, Менам пророкъяслы энӧ вӧчӧй лёксӧ».

Псалтыр 133:3

Сионсянь мед бурсиас тэнӧ Господь, енэжсӧ да мусӧ Вӧчысьыс. Ошкӧм.

Псалтыр 36:8

Дугды скӧравнытӧ да эновтчы лёксьӧмысь, эн ыпъяв скӧрлуннад сы выйӧдз, медым вӧчны лёксӧ.

Шусьӧгъяс 19:12

Ӧксылӧн скӧрмӧмыс левлӧн равзӧм кодь, сылӧн бурлуныс турунвыв лысва кодь.

Шусьӧгъяс 3:20

Аслас тӧдӧмлуннас Сійӧ восьтіс пыдӧстӧм йиръяс, кымӧръяслы Сійӧ тшӧктіс разӧдны ва.

Исай 45:8

Енэжсьыс мед зэрӧн киссяс веськыдлуныс, мед сійӧ киссяс кымӧръяссьыс, муыс мед воссяс да ваяс мездӧм, веськыдлуныс мед кутас дзоридзавны. Ме, Господь, вӧча тайӧс.

Еремей 14:22

Мукӧд войтыръяслӧн идолъясыс ӧмӧй вермасны мӧдӧдны зэр? Енэжыс ӧмӧй вермас ачыс кисьтны сувтса зэр? Господьӧй, миян Енмӧй, он ӧмӧй зэрсӧ Тэ мӧдӧд? Тэ вылӧ ми лача кутам, ӧд ставсӧ тайӧс Тэ вӧчан!

Йоиль 2:19

Господь шуас Аслас войтырлы: – Ме сета тіянлы нянь, вина да вый, ті пӧттӧдзныд понданныд сёйны. Водзӧ ог лэдз мукӧд войтырлы янӧдны тіянӧс.

Микей 5:7

Яков рӧдлӧн колясыс лоӧ войтыръяс пӧвстын Господьсянь мӧдӧдӧм лысва кодь, турунсӧ киськалӧм зэр кодь. Найӧ оз нин пондыны видзӧдны морт вылӧ, оз нин пондыны лача кутны йӧз вылӧ.

Закар 8:12

Кӧдзӧмаыс быдмас, виноград пу ваяс вотӧс, муыс сетас быдтас, енэжыс юкталас лысваӧн. Ставсӧ тайӧс Ме сета Аслам коляс войтырлы.

Закар 9:17

Кутшӧм бур да мича йӧзӧн найӧ лоӧны! Муыс сетас нянь да вина, и ныв-зон пондасны дзоридзавны.

Лыд 13:20

Видзӧдалӧй, кутшӧм сэні муыс, бур али лёк. Олӧны-ӧ йӧзыс сиктъясын али изкаръясын?

Лыд 18:12

Ме сета тэныд медбур олив вый, медбур вина да нянь тусь – ставсӧ, мый Израиль пиян вайӧны Меным асланыс медводдза босьтӧмторйысь.

Римӧ 11:17

Быдтӧм олив пуысь кӧ ӧткымын вож чегисны, а тэнӧ, вӧрса олив пу вожӧс, йитісны чегӧминас, и тэ мукӧд вожыскӧд ӧти вужсянь кутін босьтны быдман вынсӧ,

Индӧд 32:2

Велӧдӧмӧй зэр моз киссьӧ, сёрниӧй лысва моз усьӧ, быдмӧгӧс моз юкталӧ, турунӧс моз киськалӧ.

Индӧд 33:13

Ӧсип рӧд йылысь Мӧисей шуис: – Господь мед бурсиас сылысь мусӧ енэжвывса медбур козинъясӧн, лысваӧн да мупытшса ваӧн,

Индӧд 33:28

Израиль повтӧг олӧ, Яковсянь чужысьяс лӧня олӧны сійӧ муас, кӧні быдмӧ уна нянь да визувтӧ вина, кытчӧ енэжсянь лысва лэччӧ.

Индӧд 7:13

Сійӧ пондас радейтны тіянӧс да бурсины тіянӧс, сетас тіянлы уна ныв-пи. Сійӧ бурсиас тіянсянь чужысьясӧс, тіянлысь мувыв быдтастӧ, няньтӧ, винатӧ, олив выйтӧ да ыж-мӧстӧ сійӧ муас, мый тіян батьяслы кыв сетӧмӧн кӧсйысис сетны тіянлы.

Еврейяслы 11:20

Эскӧмӧн Исаак бурсиис Яковӧс да Исавӧс водзӧ олӧмас.

Нав Исус 5:6

Ӧд Израиль войтыр нелямын [кык] во чӧж ветлӧдліс овтӧминті. [Та вӧсна унаӧс абу на вӧлі вундыштӧма.] Египетысь петӧм израильса тышкайӧз эз нин вӧвны ловъяӧсь, ӧд найӧ эз кывзысьны Господьлысь. Господь кыв сетӧмӧн шуліс налы, мый найӧ оз аддзыны мусӧ, кӧні визувтӧ йӧв да ма, мусӧ, мый налӧн батьяслы кыв сетӧмӧн Господь кӧсйысис сетны миянлы.