Олӧм 24:15 - Коми Библия 2023

¹⁵ Кесйӧглӧн кевмысигкості локтіс Ревекка, Бетуэллӧн нылыс. Бетуэл вӧлі Нахорлӧн да Милкалӧн пи, а Нахор вӧлі Ӧвраамлӧн вок. Ревеккалӧн пельпом вылас вӧлі гырнич доз.

Олӧм 24:15 Iomraidhean Croise

Олӧм 11:27

Терахсянь чужысьяс йылысь. Терахлӧн чужисны Ӧврам, Нахор да Харан. Харанлӧн чужис Лот.

Олӧм 11:29

Ӧврам да Нахор гӧтрасисны. Ӧврамлӧн гӧтырыс вӧлі Сара, а Нахорлӧн – Милка, Харанлӧн нылыс. Харан вӧлі Милкалӧн да Искалӧн бать.

Олӧм 21:14

Ӧвраам чеччис водз асывнас, босьтіс нянь да кучик дозйын ва, ӧшӧдіс нопсӧ Агарлы пельпом вылас да ыстіс сійӧс пиыскӧд. Агар муніс да вошис Бер-Шева овтӧминын.

Олӧм 24:14

Ме кора ӧти нывлысь, мед доровтас гырнич дозсӧ да сетас васӧ юыштны. Шуас кӧ сійӧ: ”Ю, ме верблюдъястӧ [пӧттӧдзныс] юктала”, сідзкӧ, тайӧ дзик сійӧ нылыс, кодӧс Тэ индін Аслад Исаак кесйӧглы. Та серти ме тӧдмала, мый Тэ бур сьӧлӧма Ӧвраам ыджыдӧй дінӧ».

Олӧм 24:24

Ныв вочавидзис: «Ме – Бетуэллӧн нылыс, а Бетуэл – Милкалӧн да Нахорлӧн пи».

Олӧм 24:45

Тадзи менам кевмысигкості локтіс Ревекка, пельпом вылас сылӧн вӧлі гырнич доз. Сійӧ лэччис юкмӧс дорӧ да гумовтіс ва. Ме кори юыштны васӧ.

Олӧм 25:20

Исааклы вӧлі нелямын арӧс, кор сійӧ босьтіс гӧтырӧ Бетуэллысь Ревекка нывсӧ, Лаванлысь чойсӧ. Найӧ вӧліны Месопотамияын олысь арамейяс.

Олӧм 29:5

«Тӧданныд-ӧ ті Нахорлысь Лаван писӧ?» – юаліс Яков. Найӧ шуисны: «Тӧдам».

Олӧм 29:9

Сёрнитігкостіныс Ракель вайӧдіс ыжъясӧс, ӧд сійӧ видзис батьыслысь ыжъяссӧ.

Псалтыр 34:15

А кор ме крукасьлі, найӧ ӧтув чукӧртчӧмӧн нимкодясисны. Ӧтвыв сёрнитчӧмӧн найӧ дугдывтӧг лёкӧдісны менӧ, и мыйысь – ог тӧд,

Псалтыр 65:2

Сьылӧмӧн ошкӧй Сылысь нимсӧ, кыпӧдӧй Сылы ошкӧмсӧ да нимӧдӧмсӧ.

Петӧм 2:16

Сэтчӧ локтісны мадианса поплӧн сизимнан нылыс [кодъяс видзисны Иофор батьныслысь ыжъяссӧ]. Найӧ гумлалісны юкмӧсысь ва да тыртісны воръяссӧ, кытысь юисны батьныслӧн ыжъясыс.

Шусьӧгъяс 31:27

Гортас ставыс сылӧн син улас, дась нянь вылын сійӧ оз ов.

Исай 58:9

Тэ шыасян Господь дінӧ, и Сійӧ кылас тэнӧ, тэ чукӧстан Сійӧс отсӧг вылӧ, и Сійӧ шуас: «Ме тані». Бырӧдан кӧ ас пӧвстсьыд быдпӧлӧс сьӧктӧдан сийӧс, дугдан кӧ мӧд вылӧ индавны чуньнад да паськӧдны лёк сёрнияс,

Исай 65:24

Найӧ оз на удитны шыасьны Ме дінӧ, а Ме налы вочавидза нин. Найӧ пондасны на висьтавны, а Ме найӧс кыла нин.

Руфа 2:17

Рытӧдзыс Руфа ӧктіс шепсӧ видз-му вылысь. Сэсся став ӧктӧмасӧ вартіс, и сылӧн лои ефа мында ид.

Руфа 2:2

Моавса Руфа шыасис Ноеминь дорӧ: «Позяс-ӧ меным видз-му вылӧ петавны? Лэдзасны кӧ, усьласьӧм шепсӧ ӧктышта». Ноеминь вочавидзис: «Ветлы, нылӧй».