34 Ӧвраам оліс Филистим муын уна во чӧж на.
Ӧвраам мӧдӧдчис лунвывлань, овмӧдчис Кадеш да Шур костӧ, а сэсся мыйтакӧ оліс Герар карын.
Ӧвраам бӧр локтіс кесйӧгъяс дінас, и найӧ мӧдӧдчисны Бер-Шеваӧ, кӧні олісны.
Тэ водзын ми батьясным моз йӧз муысь локтысьяс. Му вылас миян олан лунъясным вуджӧр кодь, миянлы нинӧм вылӧ лачанымӧс кутны.
Господьӧй, эн тупкы меысь Ассьыд бурлунтӧ. Тэнад буралӧмыд да збыльыд мед дугдывтӧг видзасны менӧ.
Тайӧ эскысьясыс эз удитны босьтны Енсянь кӧсйысьӧмасӧ, но найӧ помӧдз видзисны эскӧмсӧ. Найӧ сӧмын ылісянь аддзылісны Енсянь кӧсйысьӧмасӧ да нимкодясисны сыӧн. Ас йывсьыныс найӧ шуалісны, ми пӧ тайӧ му вылас ветлысь-мунысьяс.
Эскӧмӧн Ӧвраам овмӧдчис кӧсйысьӧм муӧ да локтысь моз оліс сэні чомъясын. Сы моз олісны чомъясын Исаак да Яков, кодъяслы тшӧтш вӧлі сетӧма Енлысь кӧсйысьӧмсӧ.
Мусаяс, тайӧ му вылас ті ветлысь-мунысьяс кодьӧсь. Ёна кора тіянӧс: энӧ кывзысьӧй асланыд вир-яйлӧн лёк кӧсйӧмъяслысь, ӧд найӧ тышкасьӧны тіян ловкӧд.
