Олӧм 19:2 - Коми Библия 2023

² «Пыдди пуктанаяс, ме тіян кесйӧг. Локтӧй ме ордӧ. Мыськанныд кокнытӧ, узянныд, а асывнас мунанныд водзӧ». Но найӧ шуисны: «Огӧ, ми ывлаын узям».

Олӧм 19:2 Iomraidhean Croise

Олӧм 18:4

Тіянлы ваясны ва да мыськасны кокнытӧ, сэсся верманныд шойччыштны тайӧ пу улас.

Олӧм 19:1

Рытнас тайӧ кык анделыс локтісны Содомӧ. Карса дзиръя дорын пукаліс Лот. Сійӧ аддзис локтысьясӧс да чеччис найӧс вочаавны. Муӧдзыс копыртчӧмӧн шыасис на дінӧ:

Олӧм 19:3

Лот ёна корис, и найӧ мунісны сыкӧд. Лот дасьтіс сёян, пӧжаліс шомтӧм нянь да вердіс найӧс.

Олӧм 24:31

Лаван шуис: «Лок, мунам миянӧ, Господьлӧн бурсиӧмаыс. Тэныд эм местаыс керкаын, и верблюдъясыдлы эм шойччаніныс».

Олӧм 43:24

Керка кутысь пыртіс вокъясӧс Ӧсиплӧн керкаӧ да вайис налы ва, медым мыськыны кокнысӧ, нӧшта вердіс налысь осёлъяссӧ.

Ӧксыяслӧн 2 небӧг 11:8

Сэсся шуис Урийлы: «Мун гортад, мыськы коктӧ да шойччы». Урий петіс ӧксы керкаысь. Бӧрсяньыс сылы вайисны ӧксысянь козин.

Иов 31:32

Йӧз муысь локтысьӧс эг кольлы ывлаӧ, менам ӧдзӧсӧй пыр вӧлі восьса.

Шусьӧгъяс 25:17

Ёртыд дінӧ помся эн ветлӧдлы, дышӧдан да, мустӧмман сылы.

Сьылан 5:3

– Паськӧмӧс ме пӧрччи нин – выльысь ӧмӧй пасьтасьны? Кокӧс ме мыськи нин – бара ӧмӧй няйтӧсьтны?

Лука 7:44

Аньлань бергӧдчӧмӧн Исус шуис Симонлы: «Аддзан-ӧ тайӧ аньсӧ? Ме локті тэ ордӧ, да тэ Меным ватор эн сет кокӧс мыськыны, а сійӧ синванас киськаліс Менсьым кокӧс да юрсинас чышкаліс.

Иоан 13:5

Кисьтіс дозйӧ ва да кутіс мыськавны велӧдчысьяслысь кокнысӧ да вӧнялӧм чышкӧднас чышкавны.

Ап. уджъяс 16:15

да сійӧ став гортсаыскӧд пыртчис. Сэсся шуис миянлы: «Ті кӧ лыддянныд менӧ Господьлы эскысьӧн, пырӧй менам керкаӧ да олӧй ме ордын». Сійӧ корӧмӧн корис миянӧс ас дорас.

Еврейяслы 13:2

Энӧ вунӧдӧй сибӧдны ветлысь-мунысьясӧс. Тадзи вӧчигӧн ӧткымынӧн сибӧдісны анделъясӧс, весиг асьныс та йылысь эз тӧдны.