Олӧм 18:14 - Коми Библия 2023

¹⁴ Но эм-ӧ мыйкӧ Господьлы вермытӧмыс? Индӧм кадӧ во мысти Ме бара вола тэ ордӧ. Сэки Сарраыдлӧн лоас пи».

Олӧм 18:14 Iomraidhean Croise

Олӧм 17:16

Ме бурсиа сійӧс да сета сылы чужтыны тэныд пиӧс. Бурсиа Сарраӧс, и сысянь чужасны войтыръяс да войтыръяслӧн ӧксыяс».

Олӧм 17:21

Но йитӧдсӧ кӧртала Исааккӧд, кодӧс локтан воӧ тайӧ каднас чужтас тэныд Сарра».

Олӧм 18:10

Ӧти на пиысь шуис: «Дзик тайӧ кадас во мысти ме бара вола тэ ордӧ. Сэки Сарра гӧтырыдлӧн лоас пи». Сарра вӧлі сёрнитысьлӧн мыш саяс, чомйысь петанін дорын, и кыліс тайӧс.

Олӧм 18:13

Господь юаліс Ӧвраамлысь: «Мыйла Сарраыд [ас пытшкас] серӧктіс да шуис, збыльысь ӧмӧй верма чужтыны пӧрысьӧ-нэмӧ?

Олӧм 18:15

Сарра повзьӧмысла шуис: «Ме эг серав». Но Господь шуис: «Тэ серӧктін».

Олӧм 21:1

Господь эз вунӧд Сарраӧс. Ассьыс кӧсйысьӧмсӧ Сійӧ збыльмӧдіс.

Олӧм 21:2

Сарра кынӧмасис да индӧм кадӧ пӧрысьмӧм Ӧвраамлы чужтіс пиӧс.

Ӧксыяслӧн 4 небӧг 4:16

Елисей шуис сылы: «Локтан воӧ тайӧ кадас тэ кутан кутны ки вылад ассьыд питӧ». «Ыджыдӧй, Енлӧн мортӧй, эн пӧрйӧдлы менӧ, ассьыд кесйӧгтӧ», – шуис ань.

Иов 36:5

Енмыс некодӧс оз увтырт, Сійӧ мывкыд да ыджыд вына.

Иов 42:2

– Ме тӧда, мый Тэ ставсӧ верман, Тэнӧ некод оз вермы кутны Аслад шуӧм серти вӧчӧмысь.

Псалтыр 90:13

Яда змей вылӧ тувччан, талялан левӧс да гундырӧс.

Псалтыр 93:1

Господьӧй, Тэ – водзӧс перйысь Ен. Водзӧс перйысь Енмӧй, петкӧдчы дзирдлуннад!

Псалтыр 95:3

Висьтавлӧй войтыръяслы Сылӧн дзирдлуныс йылысь, быд войтырлы – Сылӧн шензьӧдана уджъясыс йылысь.

Исай 50:2

Мыйла некод эз вӧв, кор Ме волі тіян дінӧ? Мыйла некод эз вочавидз, кор Ме чуксалі тіянӧс? Менам киӧй ӧмӧй дженьдаммис, Ме ӧмӧй вынтӧмми, медым мездыны тіянӧс? Менам ӧлӧдӧмысь саридз косьмӧ, юяс лоӧны косінӧн, сэні ватӧмысла чериыс сісьмӧ, горш косьмӧмысла кулӧ.

Еремей 32:17

– Господьӧй Ыджыдӧй! Аслад ыджыд вынӧн да нюжӧдӧм киӧн Тэ вӧчин енэжсӧ и мусӧ, Тэныд нинӧм абу вермытӧмыс!

Еремей 32:27

«Ме – Господь, став ловъя олысьыслӧн Ен. Эм-ӧ мыйкӧ Меным вермытӧмыс?

Даниил 6:20

Гу дорӧ матыстчигӧн сійӧ нориник гӧлӧсӧн шыасис Даниил дінӧ: «Даниил, ловъя Енлӧн кесйӧг! Вермис-ӧ Тэнад Енмыд, кодлы тэ дугдывтӧг кесъялан, мездыны тэнӧ левъясысь?»

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

Закар 8:6

Господь Саваоф тадзи висьталӧ: коляс войтырлы талун сьӧкыд эскыны, мый тадзи вермас лоны, но Меным абу сьӧкыд тайӧс вӧчны, – висьталӧ Господь Саваоф.

Лыд 11:23

Господь шуис Мӧисейлы: «Менам киӧй ӧмӧй оз вермы отсавны? Талун тэ аддзан, инас-ӧ Менам кывйӧй».

Матвей 14:31

Исус дзик пыр нюжӧдіс кисӧ Петырлы, кутіс сійӧс да шуис: «Этша эскысьӧй, мыйла падъялан?»

Матвей 19:26

На вылӧ видзӧдлӧмӧн Исус шуис: «Мортлы тайӧ вермытӧмтор, но Енмыслы ставыс вермана».

Матвей 3:9

Энӧ лысьтӧй мӧвпавны, мый тіян батьныд Ӧвраам. Висьтала тіянлы: тайӧ изъясысь Ен вермӧ вӧчны Ӧвраамлы ныв-писӧ.

Марк 10:27

На вылӧ видзӧдлӧмӧн Исус шуис: «Мортлы тайӧ вермытӧмтор, но абу Енлы. Енмыслы ставыс вермана».

Лука 1:13

Андел шуис: «Эн пов, Закар! Енмыс кылӧма тэнсьыд кевмӧмтӧ. Елизавета гӧтырыд чужтас тэныд пи. Пукты сылы Иоан ним.

Лука 1:18

Закар юаліс анделлысь: «Кыдзи ме тӧдмала тайӧс? Ачым пӧрысь, дай гӧтырӧй абу нин том».

Лука 1:37

Енлы нинӧм вермытӧмыс абу».

Лука 8:50

Исус кыліс тайӧс да шуис Яирлы: «Эн пов, сӧмын эскы, и нылыд ловъя лоас».

Римӧ 4:21

Ӧвраам зумыда эскис, мый Енмыс вына пӧртны олӧмӧ Ассьыс кӧсйысьӧмсӧ.

Ефесӧ 3:20

Ошкӧм Енлы! Аслас вынӧн Сійӧ уджалӧ миян пытшкын да вӧчӧ ёна унджык миян корӧм да мӧвпалӧм дорысь.

Индӧд 30:3

сэки Господь, тіян Енныд, бурсьӧлӧмтчас тіян дінӧ да вайӧдас тіянӧс пленысь. Господь, тіян Енныд, чукӧртас тіянӧс мукӧд войтыръяс пӧвстысь, кытчӧ разӧдліс тіянӧс.

Индӧд 7:21

Энӧ полӧй наысь, ӧд тіянкӧд Господь, тіян Енныд. Сійӧ ыджыд да повзьӧдана Ен.

Филипӧ 3:21

Енмыс сетіс Сылы вын веськӧдлыны ставнас. Тайӧ выннас Кристос вежас миянлысь кулана вир-яйнымӧс да сетас миян вир-яйлы Ассьыс дзирдлунсӧ.

Филипӧ 4:13

Ставсӧ верма менӧ ёнмӧдысь Исус Кристоскӧд!

Еврейяслы 11:19

Ӧвраам эскис, мый Енмыс вына ловзьӧдны весиг кулӧмысь. Дзик тадзи и артмис. Исаакӧс вӧлі бӧр сетӧма Ӧвраамлы, быттьӧ сійӧ ловзис кулӧмысь.

Ёрдысьяс 13:3

Господьлӧн андел петкӧдчис Манойлӧн гӧтырыслы да шуис: «Ӧнӧдз тэ эн вермы сьӧктыны, но тэ сьӧктан да чужтан пиӧс.

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».