Олӧм 18:11 - Коми Библия 2023

¹¹ Ӧвраам Сарракӧд вӧліны пӧрысьӧсь нин, ыджыд арлыдаӧсь, и Сарралӧн эз нин вӧв тӧлыссяыс.

Олӧм 18:11 Iomraidhean Croise

Олӧм 17:17

Ӧвраам кымынь уськӧдчис муас, но ас кежас серӧктіс: «Вермас-ӧ сё арӧсалӧн пи чужны, а ӧкмысдас арӧса Сарра кага вайны?»

Олӧм 17:24

Ӧвраамлы вӧлі ӧкмысдас ӧкмыс арӧс, кор сійӧс вӧлі вундыштӧма,

Олӧм 21:7

Сэсся содтіс: «Коді эськӧ вермис шуны Ӧвраамлы, мый Сарра кутас нёньӧдны кага? Но пӧрысьӧ-нэмӧ ме чужті сылы пиӧс».

Олӧм 24:1

Ӧвраам пӧрысьмис, вӧлі ыджыд арлыда нин. Господь быд ногыс бурсиис сійӧс.

Олӧм 24:36

Сарра, менам ыджыдлӧн гӧтырыс, пӧрысь арлыдаӧн нин чужтіс сылы пиӧс. Пиыслы менам ыджыдӧй сетіс став ассьыс озырлунсӧ.

Олӧм 31:35

Ракель шуис аслас батьыслы: «Эн скӧрмы, ыджыдӧй, мый ог вермы сувтны тэ водзӧ. Менам ӧні сійӧ, мый аньяслӧн овлӧ быд тӧлысьӧ». Лаван корсис [чом пасьталаысь], но эз аддзы гортса бӧлбанъяссӧ.

Левит 15:19

Аслас тӧлысся дырйи ань сизим лун чӧж лоӧ пеж. Коді инмӧдчас сы дінӧ, рытӧдзыс лоӧ пеж.

Лука 1:18

Закар юаліс анделлысь: «Кыдзи ме тӧдмала тайӧс? Ачым пӧрысь, дай гӧтырӧй абу нин том».

Лука 1:36

Тэнад рӧдвужыд, ныв-питӧм Елизавета, пӧрысьӧ-нэмӧ квайтӧд тӧлысь нин пиӧн нӧбасьӧ.

Лука 1:7

Челядьыс налӧн эз вӧв, ӧд Елизавета эз вермы вайны кагасӧ, да и кыкнанныс вӧліны нин ыджыд арлыдаӧсь.

Еврейяслы 11:19

Ӧвраам эскис, мый Енмыс вына ловзьӧдны весиг кулӧмысь. Дзик тадзи и артмис. Исаакӧс вӧлі бӧр сетӧма Ӧвраамлы, быттьӧ сійӧ ловзис кулӧмысь.

Нав Исус 13:1

Исус вӧлі ыджыд арлыда нин. Господь шуис сылы: «Тэ пӧрысьмин, а Израиль войтырлы уна му на колӧ босьтны аслыныс: