Олӧм 17:10 - Коми Библия 2023

¹⁰ Менам йитӧдӧй тіянкӧд да тіянсянь чужысьяскӧд мед вӧлі вына, тіянлы колӧ вундыштны став айуловнытӧ.

Олӧм 17:10 Iomraidhean Croise

Олӧм 17:11

Вундыштӧй аймортлысь чильган йывсьыс кучикторсӧ. Тайӧ лоӧ Ме да тіян костын кӧрталӧм йитӧдлӧн пасӧн.

Олӧм 17:23

Дзик сійӧ лунӧ Ӧвраам вундыштіс Измаил писӧ да аслас керкаын олысь став айуловсӧ, кодъяс сы ордын чужисны, и кодъясӧс ньӧбис эзысь вылӧ. Сійӧ вӧчис ставсӧ Енлӧн тшӧктӧм серти.

Олӧм 17:27

тшӧтш Ӧвраам ордын олысь став айуловыс, кодъяс сы ордын чужисны и кодъясӧс вӧлі ньӧбӧма мукӧд войтыр пӧвстысь.

Олӧм 21:4

Кӧкъямысӧд луннас Ӧвраам вундыштіс Исааклысь чильган йывсьыс кучикторсӧ, кыдзи тшӧктыліс сылы Ен.

Олӧм 34:15

Ті кӧ лоанныд миян кодьӧсь, миян моз вундыштанныд став айуловнытӧ, сэки ми воам ӧти кывйӧ тіянкӧд [да кутам овны тіянкӧд].

Олӧм 34:22

Найӧ кӧсйысисны овны миян пӧвстын да лоны ӧти войтырӧн, миян кӧ став айуловыс на моз вундыштчас.

Петӧм 12:48

Овмӧдчас кӧ тэ ордӧ йӧз муысь локтысь да кӧсъяс пасйыны Господьлы сиӧм Ыджыд лун, медводз сылӧн котырысь став айуловсӧ колӧ вундыштны. Сӧмын та бӧрын йӧз муысь локтысьыс вермас пасйыны Ыджыд лун, ӧд сійӧ лоӧ тіянлы ас морт кодь. Но вундыштчытӧм морт мед оз сёй ыджыдлунся баляӧс.

Петӧм 4:25

Сэки Сеппора босьтіс ёсь из да вундыштіс пиыслысь чильган йывсьыс кучикторсӧ, сэсся инмӧдчыліс сыӧн Мӧисейлы коквож костас шуӧмӧн: «Вир пыр тэ меным верӧспу».

Еремей 4:4

Иудаын да Ерусалимын олысьяс, вундыштчӧм пыр сиӧй асьнытӧ Господьлы, вундыштӧй ассьыныд сьӧлӧмнытӧ, медым тіян лёк вӧчӧмныд вӧсна Менам скӧрлунӧй эз ыпнит би моз, и сійӧс кусӧдны некод эз вермы.

Иоан 7:22

Мӧисей тшӧктіс тіянлы вундыштчыны. Дерт, тайӧ тшӧктӧмыс абу Мӧисейсянь, а батьяссяньныд. Ті весиг шойччан лунӧ вундыштанныд мортсӧ.

Ап. уджъяс 7:8

Ен кӧрталіс Ӧвраамкӧд йитӧд, кодӧс вынсьӧдіс вундыштчӧмӧн. Ӧвраамлӧн чужис Исаак, кӧкъямысӧд луннас Ӧвраам вундыштіс сійӧс. Исаак вундыштіс Яковӧс, а Яков вундыштіс ассьыс дас кыкнан писӧ, миянлысь батьяснымӧс.

Римӧ 2:28

Иудейыд абу сійӧ, коді чужӧма иудейӧн, вундыштчӧмыд абу яй вылад вундыштӧм пас.

Римӧ 3:25

Енмыс сетіс Кристосӧс мыж вештан вись пыдди, Сылӧн вирыс мездӧ быдӧнӧс эскӧм пыр. Терпитӧмнас Ен петкӧдліс Ассьыс веськыдлунсӧ: прӧститіс йӧзлысь важся мыжъяссӧ. Ӧні Енмыс петкӧдлӧ Ассьыс веськыдлунсӧ сыын, мый Сійӧ Ачыс веськыд да вӧчӧ веськыдӧн Исуслы эскысьясӧс.

Римӧ 3:28

Ми аддзам, мый мортсӧ веськыднас вӧчӧ эскӧмыс, а оз Индӧд серти уджъясыс.

Римӧ 3:30

Енмыс ӧти. Вундыштчӧмаӧс и вундыштчытӧмӧс Сійӧ вӧчӧ веськыдӧн эскӧм пыр.

Галатӧ 3:28

Иудей-ӧ тэ либӧ грек, кесйӧг-ӧ либӧ мездлуна морт, айлов-ӧ либӧ ань – Исус Кристос пытшкын торъялӧмыс абу.

Галатӧ 6:12

Найӧ, кодъяс кӧсйӧны шогмыны йӧзлы, тшӧктӧны тіянӧс вундыштчыны сӧмын сы могысь, медым найӧс эз вӧтлыны Кристос крест вӧсна.

Ефесӧ 2:11

Кутӧй тӧд выланыд, мый ті чужӧмсяньныд вӧлінныд ентӧдтӧмъясӧн да вундыштчытӧмъясӧн. Тадзи нимтылісны тіянӧс иудейяс, вундыштчӧмаяс, кодъясӧс вӧлі морт вундыштӧ.

Индӧд 10:16

Вундыштӧй ассьыныд сьӧлӧмнытӧ да водзӧ энӧ асныралӧй.

Индӧд 30:6

Господь, тіян Енныд, вундыштас тіянлысь да тіянсянь чужысьяслысь сьӧлӧмсӧ, медым ті радейтінныд Господьӧс, ассьыныд Ентӧ, став сьӧлӧмнад да став олӧмнад. Сэки ті кутанныд овны,

Филипӧ 3:3

Збыль вундыштчӧмаясыс – тайӧ ми, ӧд ми кесъялам Енлы Сылӧн Лов нуӧдӧм улын. Ми ошйысям Исус Кристосӧн, огӧ ас выланым лача кутӧй,

Нав Исус 5:2

Сійӧ кадас Господь шуис Исуслы: «Вӧч изйысь [ёсь] пуртъяс да мӧдысь вундышт Израиль пиянӧс».

Нав Исус 5:4

[Египетысь петӧм бӧрын овтӧминті мунігкості чужӧм Израиль пиян вӧліны вундыштчытӧмӧсь.] Исус вундыштіс став айуловсӧ, ӧд Египетысь петӧм бӧрын ставныс, кодъяс вермисны петны тышӧ, овтӧминын кулалісны.