Олӧм 16:12 - Коми Библия 2023

¹² Йӧз пӧвстын тэнад пиыд лоас вӧлявывса осёл кодь, сійӧ лэптас кисӧ быдӧн вылӧ, и сы вылӧ быдӧн кисӧ лэптас. Сійӧ овны кутас вокъясыскӧд зыксьӧмӧн».

Олӧм 16:12 Iomraidhean Croise

Олӧм 21:20

Енмыс пыр вӧлі зонкакӧд. Сійӧ быдмис да оліс овтӧминын, лои ньӧввужйысь лыйсьысьӧн.

Олӧм 25:18

Измаилсянь чужысьяслӧн оланіныс вӧлі Хавиласянь Шурӧдз. Шур вӧлі Египетсянь асыввылын Ассурлань. Найӧ олісны ӧта-мӧдныскӧд зыксьӧмӧн.

Олӧм 27:40

Шыпурт помысь тэ кутан овны, аслад вокыдлы кутан кесъявны. Но воас кад, тэ сылы паныд кыпӧдчан, голя вывсьыд сылысь сийӧссӧ шыбитан.

Олӧм 37:25

Сёйны пуксиганыс вокъяс аддзисны, мый налань локтӧны верблюдъяс. Тайӧ измаил войтыр нуисны Галаадсянь Египетӧ чӧскыд дука сиръяс, мавтасъяс да ладан.

Иов 11:12

Вежӧртӧм морт вежӧрсялас, кор вӧлявывса осёл пӧрас мортӧ.

Иов 24:5

Овтӧминса осёлъяс моз гӧльяс ветлӧны, ласта вылысь кынӧмпӧт корсьӧны, медым вердны ныв-пинысӧ.