Олӧм 15:1 - Коми Библия 2023

¹ Тайӧ лоӧмторъясыс бӧрын Ӧврамлы петкӧдчис Господь да шуис: «Эн пов, Ӧврам, Ме – тэнад сайӧдыд. Тэныд вичмас ыджыд тырдон».

Олӧм 15:1 Iomraidhean Croise

Олӧм 15:2

Ӧврам шуис: «Господьӧй Ыджыдӧй! Мый Тэ сетан меным? Менам ныв-пиӧй абу, овмӧсӧн веськӧдлӧ Дамаскысь Элизер».

Олӧм 15:4

Господь шуис сылы: «Оз кесйӧгыдлы, а тэсянь чужысьлы вичмас тэнад овмӧсыд».

Олӧм 21:17

Енмыс кыліс зонкалысь ымзӧмсӧ. Енлӧн андел шыасис Агар дінӧ енэжсянь: «Агар, мый тэкӧд? Эн пов, Енмыс кыліс зонкалысь бӧрдӧмсӧ сэтысянь, кытчӧ тэ сійӧс колин.

Олӧм 22:1

Тайӧ лоӧмторъясыс бӧрын Ӧвраамӧс тӧдмалӧм могысь Ен шыасис: «Ӧвраам!» Ӧвраам вочавидзис: «Ме тані».

Олӧм 22:20

Тайӧ лоӧмторйыс бӧрын Ӧвраамлы юӧртісны, мый Милка, Нахор вокыслӧн гӧтырыс, чужтӧма пиянӧс:

Олӧм 26:24

Сэні войнас сылы петкӧдчис Господь да шуис: «Ме Ӧвраамлӧн, тэнад батьлӧн, Ен. Эн пов, ӧд Ме тэкӧд. Менам Ӧвраам кесйӧг вӧсна Ме бурсиа тэнӧ да содта тэсянь чужысьясӧс».

Олӧм 31:7

А сійӧ кымынысь пӧрйӧдліс менӧ, дасысь удждонӧс вежліс. Но Енмыс эз лэдз сылы меным лёксӧ вӧчны.

Ӧксыяслӧн 2 небӧг 22:3

Енмӧй, Тэ – менам изкыртаыс, Тэ вылӧ ме лача кута. Тэ – менам сайӧдыс, вына Дорйысьыс да Видзысьыс, Тэ – менам дзебсяніныс. Мездысьӧй, Тэ мездін менӧ виысь-дзескӧдысьясысь!

Ӧксыяслӧн 4 небӧг 1:15

Господьлӧн андел шуис Иллялы: «Мун сыкӧд. Эн пов сыысь». Илля муніс тышкакотырӧн веськӧдлыськӧд ӧксы дінӧ.

1 Каднебӧг 28:20

Давид шуис аслас Соломон пиыслы: «Ло зумыд да повтӧм, босьтчы уджӧ! Эн пов, эн майшась, ӧд Господь Ен, менам Енмӧй, тэкӧд. Сійӧ оз коль, оз эновт тэнӧ, но отсалас помавны Господьлысь крам вӧчан уджъяссӧ.

Псалтыр 115:10

Господьлӧн крам йӧрын, Ерусалим кар шӧрын. Аллилуйя!

Псалтыр 142:5

Ме казьтывла важ олӧмӧс, мӧвпала став Тэнад уджъяс йылысь, мый вӧчин Аслад киӧн.

Псалтыр 18:2

Енэжыс висьталӧ Енлӧн дзирдлуныс йылысь, енэжвевтыс юӧртӧ Сылӧн киӧн вӧчӧмторъяс йылысь.

Псалтыр 27:1

Давидлӧн псалом. Господьӧй, ме шыася Тэ дінӧ, Тэ менам Дорйысьӧй. Кор шыася Тэ дінӧ, эн чӧв ов. Тэ кӧ кутан чӧв овны, ме кула.

Псалтыр 3:3

унаӧн сёрнитӧны ме йылысь, Енмыс пӧ оз мезды сійӧс.

Псалтыр 3:4

Но Тэ, Господьӧй, менам сайӧдыс, ме ошка Тэнӧ. Тэ кыпӧдан менсьым юрӧс.

Псалтыр 5:12

Тэ вылӧ лача кутысьяс мед нимкодясясны, найӧ мед помтӧг гажӧдчасны. Тэ доръян найӧс, кодъяслы муса Тэнад нимыд, и найӧ кутасны ошйысьны Тэӧн.

Псалтыр 58:11

Менам Енмӧй бур сьӧлӧма ме дінӧ, Сійӧ нуӧдӧ менӧ. Енмыс сетас меным аддзыны, мый лоас менӧ мустӧмтысьяскӧд.

Псалтыр 84:11

Буралӧмыс да збыльыс паныдасясны, веськыдлуныс да лӧньлуныс окыштчасны.

Псалтыр 84:9

Ме кывза, мый висьталас Господь Ен. Сійӧ кӧсйысьӧ сетны лӧнь олӧм Аслас эскана войтырлы. Сӧмын найӧ мед бӧр оз сетчыны мывкыдтӧм оласногас.

Псалтыр 91:4

ошкыны Тэнӧ арфаӧн да гуслиӧн, дас струнаа ворсанторйӧн.

Петӧм 14:13

Мӧисей шуис войтырыслы: «Энӧ полӧй. Сулалӧй да видзӧдӧй, кыдзи Господь талун мездас тіянӧс. Египетса йӧзӧс, кодъясӧс ті ӧні аддзанныд, сэсся онӧ нин аддзылӧй.

Шусьӧгъяс 11:18

Лёк вӧчысьлӧн удждоныс – ылӧг, а коді веськыдлун кӧдзӧ, вундас збыльсӧ.

Шусьӧгъяс 30:5

Енмыслӧн быд кыв сӧстӧм. Сійӧ дорйӧ быдӧнӧс, коді лача кутӧ Сы вылӧ.

Исай 35:4

Полысь сьӧлӧмаяслы шуӧй: «Лоӧй зумыдӧсь, энӧ полӧй! Тіян Енныд локтас да водзӧсӧн мынтысяс, Енмыс водзӧс перъяс тіян вӧсна. Сійӧ локтас да мездас тіянӧс».

Исай 40:10

Со, ыджыд вынӧн локтӧ Господь Ыджыдыс, Сійӧ веськӧдлӧ вына кинас. Сыкӧд ставыс, мый Сійӧ шедӧдіс, Сылӧн син водзын ставыс, мый Сійӧ Аслыс босьтіс.

Исай 41:10

Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.

Исай 41:14

Эн пов, Яков-номыр, этша лыда Израиль, Ме отсала тэныд, – висьталӧ Господь, тэнад Мездысь, Израильлӧн вежа Ен. –

Исай 43:1

Господь, коді вӧчис тэнӧ, Яков, коді вӧчис тэнӧ, Израиль, ӧні тадзи висьталӧ: – Эн пов, Ме ньӧби тэнӧ, чукӧсті тэнӧ нимнад, тэ – Менам.

Исай 43:5

Эн пов, Ме тэкӧд! Асыввывсянь Ме вайӧда тэсянь чужысьясӧс, рытыввывсянь чукӧрта тэнсьыд войтыртӧ.

Исай 44:2

Тэнӧ вӧчысь да тэнӧ артмӧдысь, мам кынӧмсяньыд тэныд отсалысь Господь тадзи висьталӧ: – Яков, Менам кесйӧгӧй, эн пов, Ешурун, [Израиль,] Ме бӧрйи тэнӧ.

Исай 44:8

Энӧ полӧй да энӧ майшасьӧй! Ме ӧд важысянь нин тіянлы висьталі, водзысянь юӧрті, мый лоӧ. Ті ӧд тӧданныд, мый Ме – Енмыс. Эм-ӧ Ме кындзи мӧд Енмыс? Мӧд зумыд изйыс абу, мӧдӧс Ме ог тӧд.

Исай 51:12

– Ме, Ме – тэнӧ Бурӧдысьыс! Мыйла тэ полан мортысь, кодлӧн олӧмыс дженьыд, кодлӧн олан лунъясыс турунлӧн кодь?

Еремей 39:17

Но сійӧ лунӧ Ме мезда тэнӧ, – висьталӧ Господь, – тэнӧ оз ло сетӧма сійӧ йӧзыслӧн киӧ, кодъясысь тэ полан.

Бӧрданкыв 3:24

Менам эм Господь, – висьталӧ сьӧлӧмӧй, – та вӧсна ме Сы вылӧ лача кута.

Езекиль 1:1

Комынӧд воӧ нёльӧд тӧлысьлӧн витӧд лунӧ, кор ме вӧлі Кевар ю бокын пленӧ босьтӧмаяс пӧвстын, енэжыс воссис, и ме аддзылі Енсянь петкӧдчылӧм.

Езекиль 11:24

Лов кыпӧдіс менӧ да бӧр нуӧдіс Калдея муӧ пленӧ босьтӧмаяс дінӧ. Тайӧс меным Ен Лов петкӧдліс. Сэсся петкӧдчылӧмыс вошис менам син водзысь.

Езекиль 3:4

Сійӧ шуис меным: «Морт пиӧй, мун Израиль войтыр дінӧ да висьтав налы Менсьым кывйӧс.

Лыд 12:6

Господь шуис: «Кывзӧй Менсьым кывъясӧс. Эм кӧ тіян пӧвстын Менам пророк, сылы Ме восся петкӧдчылӧм пыр да сёрнита сыкӧд вӧтас.

Лыд 18:20

Господь шуис Ааронлы: «Израиль муысь пайсӧ тэныд оз ло сетӧма. Ме – тэнад пайыс да тэнад юкӧныс.

Лыд 24:4

коді кылӧ Енлысь кывъяссӧ, аддзӧ Ставсӧвермысьсянь петкӧдчылӧмъяс, кымынь усьлӧ да восьса синмӧн аддзӧ.

Матвей 28:5

Андел шыасис аньяс дінӧ: «Энӧ полӧй. Ме тӧда, ті корсянныд тувъявлӧм Исусӧс.

Матвей 8:26

Исус шуис: «Мыйла ті сэтшӧм полысьӧсь, этша эскысьяс?» Сэсся Исус чеччис, ӧлӧдіс тӧвсӧ да васӧ, и вӧвлытӧм чӧв-лӧнь пуксис.

Лука 1:13

Андел шуис: «Эн пов, Закар! Енмыс кылӧма тэнсьыд кевмӧмтӧ. Елизавета гӧтырыд чужтас тэныд пи. Пукты сылы Иоан ним.

Лука 1:30

Андел шуис сылы: «Эн пов, Мария, тэныд вичмис Енсянь буралӧм.

Лука 12:32

Эн пов, ичӧт чукӧр! Ӧд тіян Батьныд шуис сетны тіянлы Юралӧм.

Ап. уджъяс 10:22

Найӧ висьталісны: «Миянӧс мӧдӧдіс Корнилий, сё тышкамортӧн веськӧдлысьным. Сійӧ веськыда олысь да Енмысь полысь морт, иудей войтыр сійӧс пыдди пуктӧ. Вежа андел тшӧктӧма сылы корны тэнӧ гортас, мед кывзыны тэнсьыд висьталӧмтӧ».

1 Коринфӧ 3:22

Павел-ӧ, Аполос-ӧ, Кифа-ӧ, муюгыдыс-ӧ, олӧмыс-ӧ, кулӧмыс-ӧ, ӧніяыс-ӧ, локтанаыс-ӧ – ставыс тайӧ тіян.

Индӧд 18:2

Левий чужанкотырлы вокъясыс пӧвстын мусӧ абу сетӧма. Налӧн пайыс – Господь, кыдзи Сійӧ кӧсйысис налы.

Индӧд 31:6

Лоӧй зумыдӧсь да повтӧмӧсь! Энӧ полӧй наысь, ӧд Господь, тіян Енныд, Ачыс мунас тіянкӧд. Сійӧ оз коль да оз эновт тіянӧс».

Еврейяслы 1:1

Енмыс важысянь унаысь да уна ногӧн шыасьліс миян батьяс дінӧ пророкъяс пыр.

Восьтӧм 1:17

Сійӧс аддзӧм бӧрын ме кулӧм морт моз уси Сылӧн кок улӧ. Но Сійӧ пуктіс ме вылӧ веськыд кисӧ да шуис: «Эн пов, Ме эм Медводдзаыс и Медбӧръяыс.

Руфа 2:12

Тэнад бур вӧчӧмысь мед тырвыйӧ мынтысяс тэныд Господь, Израильлӧн Ен, кодлӧн борд улӧ тэ пырин, медым аддзыны аслыд дорйӧм».

Ӧксыяслӧн 1 небӧг 15:10

Сэки Самуиллы вӧлі Господьсянь кыв:

Ӧксыяслӧн 1 небӧг 9:9

«Бур, – шуис Саул, – ветлам». Сэсся найӧ мунісны сійӧ карас, кӧні оліс Енлӧн морт. Кар дінӧ матыстчигӧн найӧ паныдасисны вала мунысь нывъяскӧд. Нывъяслысь юалісны, тані-ӧ тӧдысь-аддзысьыс олӧ. Войдӧр Израильын морт кӧ кӧсйис мыйкӧ юавны Енлысь, сійӧ шуліс, ветлам пӧ тӧдысь-аддзысь дінӧ, ӧд пророкъясӧс шулісны тӧдысь-аддзысьясӧн.