Олӧм 12:1 - Коми Библия 2023

¹ Господь шуис Ӧврамлы: «Коль ассьыд мутӧ, рӧдвужтӧ да бать керкатӧ. Ме инда тэныд му – сэтчӧ мун.

Олӧм 12:1 Iomraidhean Croise

Олӧм 15:7

Господь шуис Ӧврамлы: «Ме Господь, коді петкӧдіс тэнӧ Калдея Урысь, медым сетны тайӧ мусӧ тэныд».

Олӧм 20:13

Кор Ен тшӧктіс меным петны бать керкаысь да ветлыны муясӧд, ме кори гӧтырӧс вӧчны меным буртор – шуны менӧ аслас вокӧн быдлаын, кытчӧ ми воам».

Олӧм 24:38

а муна сылӧн бать керкаӧ рӧдвуж дінас да сэтысь вая пиыслы гӧтырсӧ.

Олӧм 24:4

но мунан менам чужанінӧ рӧдвужӧй дінӧ да сэтысь ваян пиӧйлы гӧтырсӧ».

Олӧм 24:7

Господь, енэжыслӧн [да муыслӧн] Ен, коді петкӧдіс менӧ бать керкаысь да чужан муысь, коді сёрнитіс мекӧд да кыв сетіс, мый тайӧ мусӧ сетас [меным да] месянь чужысьяслы, мӧдӧдас Ассьыс анделсӧ тэ водзын, и тэ сэтысь ваян Исаак пиӧйлы гӧтырсӧ.

Олӧм 26:2

Господь петкӧдчис Исааклы да шуис: «Эн мун Египетӧ, а ов сійӧ муас, кӧні Ме тшӧкта.

Неемий 9:7

Тэ – Господь Ен. Тэ бӧрйин Ӧврамӧс, петкӧдін сійӧс Калдея Урысь, сетін сылы Ӧвраам ним.

Исай 37:12

Мукӧд войтыръясӧс ӧмӧй мездісны налӧн енъясыс? Менам батьяс бырӧдісны налысь Гозан, Харан да Рецеф каръяс, тшӧтш Телассар муысь Эден карын олысьясӧс.

Исай 41:9

Ме босьті тэнӧ му помсьыс, чукӧсті тэнӧ медылі муясысь. Ме шуи тэныд: «Тэ – Менам кесйӧгӧй, Ме бӧрйи тэнӧ и ог ӧтдорт тэнӧ!»

Исай 51:2

Видзӧдлӧй Ӧвраам батьныд вылӧ да тіянӧс чужтысь Сарра вылӧ. Кор Ме чукӧсті Ӧвраамӧс, сійӧ вӧлі ныв-питӧм на, но Ме бурсии сійӧс, рӧдмӧді сысянь уна чужысьӧс.

Езекиль 33:24

«Морт пиӧй, Израиль муын пазӧдӧм каръясӧ кольӧм йӧзыс шуӧны, Ӧвраамлы пӧ вӧлі вичмӧдӧма нин тайӧ мусӧ, кор сылӧн пиыс эз на вӧв. Ми пӧ унаӧсь, и миянлы сетӧма тайӧ мусӧ.

Лыд 10:30

Но Ховав вочавидзис: «Ме ог мун. Ме муна аслам муӧ, аслам чужанінӧ».

2 Коринфӧ 6:17

Сідзкӧ: – Петӧй на пӧвстысь да ылыстчӧй наысь, – висьталӧ Господь. – Энӧ инмӧдчӧй пежас, сэки Ме сибӧда тіянӧс.

Еврейяслы 11:8

Эскӧм вӧсна Ӧвраам кывзысис Енмыслысь да муніс кӧсйысьӧм муӧ. Сійӧ эз тӧд, кытчӧ мунӧ, но муніс.

Восьтӧм 18:4

Сэсся ме кылі енэжысь мӧд гӧлӧс шы. Сійӧ шуис: – Войтырӧй Менам, петӧй тайӧ карсьыс, медым энӧ ӧтувтчӧй сылӧн мыж вӧчӧмас, медым сійӧс моз эз су тіянӧс бырӧдӧмыс.