Олӧм 10:22 - Коми Библия 2023

²² Симлӧн вӧліны Элам, Ассур, Арфаксад, Луд, Арам [да Кенан] пиян.

Олӧм 10:22 Iomraidhean Croise

Олӧм 10:21

Симлӧн, Яфетлӧн ыджыд вокыслӧн, тшӧтш вӧліны пиян. Сим лои Эверсянь чужысьяслӧн батьӧн.

Олӧм 11:10

Симсянь чужысьяс йылысь. Симлы вӧлі сё арӧс, кор сылӧн чужис Арфаксад. Тайӧ лои ыджыд ойдлӧм бӧрын кык во мысти.

Олӧм 9:26

Сэсся шуис: «Ошкӧм Господьлы, Симлӧн Енлы! Ханаан мед лоас кесйӧгӧн Симлы.

Ӧксыяслӧн 4 небӧг 15:19

Ассурса Пул ӧксы уськӧдчис Израиль му вылӧ. Менаим сетіс Пуллы сюрс талант эзысь, медым мӧдыс отсаліс сылы зумыдмӧдны юралӧмсӧ.

Иов 1:17

Сылӧн сёрнитігӧн локтіс коймӧд юӧртысь да шуис: «Калдея муысь локтісны йӧз куим чукӧрӧн, найӧ уськӧдчисны да босьтісны тэнсьыд верблюдъястӧ, а кесйӧгъястӧ виалісны шыпуртӧн. Сӧмын ме ловйӧн коли, медым юӧртны тэныд».

Исай 11:11

Сійӧ лунӧ Господь бара нюжӧдас Ассьыс кисӧ да бергӧдас Ассьыс коляс войтырсӧ Ассурысь и Египетысь, Патросысь и Эфиопияысь, Эламысь и Сеннарысь, Хаматысь и саридздорса муясысь.

Исай 21:2

сувтіс менам син водзӧ Енсянь повзьӧдана петкӧдчылӧм: ылӧдчысь ылӧдлӧ, бырӧдысь бырӧдӧ. Элам, уськӧдчы на вылӧ! Мидия, кытшав найӧс! Ӧні став ойзӧмыслы Ме пукта пом.

Исай 22:6

Эламса тышкайӧз босьтісны ассьыныс ньӧвъяссӧ, быдлаын тарантасъяс да верзьӧмаяс. Кирса шыпуртаяс лэптӧмаӧсь ассьыныс сайӧднысӧ.

Исай 66:19

Ме петкӧдла налы индысьпас. Кодсюрӧӧс ловйӧн кольӧмаяс пӧвстысь Ме мӧдӧда юӧртны Менам дзирдлун йылысь войтыръяслы Фарсисӧ, Пулӧ да Лудӧ, кӧні лыйсьӧны ньӧввужйысь. Мӧдӧда юӧртысьясӧс тшӧтш Тувалӧ да Яванӧ, ылі саридздорса муясын олысь йӧз дінӧ, кодъяс эз на кывлыны Ме йылысь да эз на аддзывны Менсьым дзирдлунӧс.

Еремей 25:25

юктӧді Зимриысь, Эламысь да Мидияысь ӧксыясӧс,

Езекиль 32:24

Сэні куйлӧ Элам да эламса уна лыда войтыр, ставнысӧ шыпуртӧн виӧма, гӧгӧр дзебанінъяс. Пыдӧстӧминӧ мунісны тайӧ вундыштчытӧм йӧзыс, кодъясысь коркӧ полісны ловъяяслӧн му вылын. А ӧні налы яндзим, найӧ куйлӧны кулӧмаяскӧд му пыдӧсас.

Даниил 8:2

Ме аддзи ачымӧс Суза изкарын, Элам нима ӧксыув муын, Улай ю дорын.

Лыд 23:7

Валаам шуис татшӧм кывъяс: – Арамысь, асыввывса керӧсъясысь, менӧ вайӧдіс Валак, моавса ӧксы. Шуис, лок пӧ да ёр Яковӧс, лёкӧд Израиль войтырӧс.

Лыд 24:22

Но Каин, тэнӧ лоӧ куштӧма, регыд Ассур босьтас тэнӧ пленӧ.

Лука 3:36

Шелах – Кенанлӧн, Кенан – Арфаксадлӧн, Арфаксад – Симлӧн, Сим – Нойлӧн, Ной – Ламеклӧн,

Ап. уджъяс 2:9

Ми ӧд уналаысь воим: Парфияысь, Мидияысь, Эламысь, Месопотамияысь, Иудеяысь, Каппадокияысь, Понтысь, Асияысь,