Олӧм 10:19 - Коми Библия 2023

¹⁹ Ханаансаяслӧн муыс вӧлі паськӧдчӧма Сидонсянь Герарлань, Газаӧдз, сэсянь водзӧ – Содомлань, Гоморалань, Адмалань да Севоимлань, Лашаӧдз.

Олӧм 10:19 Iomraidhean Croise

Олӧм 10:18

арвадейяс, чемарейяс да хаматъяс. Бӧрынджык ханаанса чужанкотыръяс разалісны.

Олӧм 10:20

Тайӧ ставныс – Хамсянь чужысьяс асланыс чужанкотыр, кыв, му да войтыр сертиныс.

Олӧм 14:2

петісны тышӧ содомса Бер ӧксылы, гомораса Бирша ӧксылы, адмаса Шинав ӧксылы, севоимса Шемевер ӧксылы да беласа, мӧд ногӧн цоарса, ӧксылы паныд.

Олӧм 14:3

Тайӧ вит ӧксыыс чукӧртчисны асланыс тышкайӧзкӧд Сиддим ковтысӧ, ӧні сэні Сола саридз.

Олӧм 18:20

Господь шуис: «Содомсянь да Гоморасянь ыджыд горзӧм кылӧ, сэні олысьясыс вывті уна мыж вӧчисны.

Олӧм 20:1

Ӧвраам мӧдӧдчис лунвывлань, овмӧдчис Кадеш да Шур костӧ, а сэсся мыйтакӧ оліс Герар карын.

Олӧм 26:1

Му вылын йӧзыс Ӧвраам кадӧ моз бара кутісны тшыгъявны. Исаак мӧдӧдчис Герарӧ филистимса Авимелек ӧксы дінӧ.

2 Каднебӧг 14:12

Аса да иудаса тышкайӧз водзын Господь пасьвартіс эфиопияса тышкайӧзӧс, и найӧ пышйисны.

2 Каднебӧг 14:13

Аслас тышкайӧзкӧд Аса вӧтчис на бӧрся Герар карӧдз. Эфиопияысь локтӧм йӧзыс кулісны, эз коль на пӧвстысь весиг ловъя морт, ӧд Господь Аслас тышкайӧзкӧд пасьвартіс найӧс. Иудаса тышкайӧзлы вичмис тышын зэв уна шедӧдӧмтор.

Иов 38:20

Тэ ӧмӧй пемыдсӧ бӧр нуӧдан оланінас, тэ ӧмӧй тӧдан туйсӧ сылӧн керка дінӧ?

Исай 23:11

Господь нюжӧдіс Ассьыс кисӧ саридз весьтӧ да пыркнитіс войтыръясӧс. Господь тшӧктіс жугӧдны Ханаанлысь изкаръяссӧ.

Исай 23:4

Яндысь, Сидон кар! Тэныд, саридздорса изкарлы, саридз тадзи висьталӧ: «Ме эг тӧдлы чужтан дойяс, эг чужтывлы, эг быдтывлы пиянӧс, эг туйдӧдлы нывъясӧс».

Еремей 25:20

юктӧді сорласьӧм войтыръясӧс, Уц да Филистим муясысь ӧксыясӧс, филистимса Аскалон, Газа да Экрон каръясын олысьясӧс, тшӧтш Азот карын ловйӧн кольӧмаясӧс.

Еремей 47:1

Сыӧдз, кор фараон эз на пазӧд Газа кар, филистимсаяс йылысь Еремей пророклы вӧлі Господьсянь кыв:

Езекиль 28:21

«Морт пиӧй, бергӧд чужӧмтӧ Сидонлань да пророкав сылы паныд.

Осий 11:8

Верма-ӧ Ме эновтны тэнӧ, Ефрем? Верма-ӧ Ме кольны тэнӧ, Израиль? Верма-ӧ эновтны тэнӧ Адмаӧс моз, вӧчны тэкӧд Севоимкӧд моз? Менам сьӧлӧмӧй небзьӧ, Менам пытшкӧсӧй нормӧ.

Ап. уджъяс 8:26

Господьлӧн андел шуис Филиплы: «Луншӧр кадӧ чеччы да мун Ерусалимысь Газаӧ мунан эновтӧм туй вылӧ».

Индӧд 2:23

Аввейяс олісны Газаӧдз паськӧдчӧм сиктъясын, но Кафторысь петӧм войтыр бырӧдіс найӧс да овмӧдчис налӧн муӧ».

Индӧд 32:8

Кор Медвылыссаыс юкліс войтыръяслы му, кор разӧдіс-овмӧдіс йӧзсӧ му пасьтала, Сійӧ индіс мудоръяс Израиль пиян лыд серти.

Нав Исус 19:28

тшӧтш Эврон, Рехов, Хаммон да Кана каръяс. Мудорыс мунӧ ыджыд Сидон карӧдз,

Ёрдысьяс 16:1

Ӧтчыд Самсон локтіс Газа карӧ, аддзис сэні кырсалысь аньӧс да пырис сы ордӧ.

Ёрдысьяс 6:4

сувтӧдӧны сэтчӧ ассьыныс чомъяснысӧ, нырӧны-талялӧны да куштӧны налысь мувыв быдтассӧ весиг Газа кар дорӧдз. Найӧ кольлісны Израиль войтырӧс сёянтӧг, мырддьывлісны налысь ыжъяссӧ, ӧшъяссӧ да осёлъяссӧ.

Ӧксыяслӧн 1 небӧг 13:18

мӧд тышкакотырыс веськӧдчис Бет-Хоронлань, а коймӧд тышкакотырыс муніс Цевоим ковтысӧ нуӧдан туйӧд овтӧминлань.