Ӧксыяслӧн 4 небӧг 21:3 - Коми Библия 2023

³ Манассей выльысь вӧчис вись ваян мылькъяс, кодъясӧс бырӧдліс Езекей батьыс. Лэптіс Вааллы висьпуктанінъяс, израильса Ахав ӧксы моз сувтӧдіс юрбитан пуяс, юрбитіс енэжвыв вынъяслы.

Ӧксыяслӧн 4 небӧг 21:3 Iomraidhean Croise

Ӧксыяслӧн 3 небӧг 18:21

Илля матыстчис войтырыс дінӧ да шуис: «Дыр-ӧ на ті кутанныд чотны кыкнан кокнаныд? Господь кӧ эм Ен, кывзысьӧй Сылысь, Ваал кӧ енмыс, сылысь кывзысьӧй». Войтырыс чӧв оліс.

Ӧксыяслӧн 3 небӧг 18:26

Найӧ босьтісны ӧшкӧс да начкисны сійӧс. Сэсся асывсяньыс луншӧрӧдзыс найӧ горзісны: «Ваал! Кыв миянӧс!» Найӧ весиг чеччалісны висьпуктанін гӧгӧр, но некод эз вочавидз.

Ӧксыяслӧн 4 небӧг 13:6

Но найӧ эз эновтчыны Еровам рӧдлӧн мыжъяссьыс, мыйӧн Еровам коркӧ кежӧдіс Израиль войтырӧс мыжас. Найӧ водзӧ вӧчисны тайӧ мыжъяссӧ, и Самарияын век на сулаліс юрбитан пу.

Ӧксыяслӧн 4 небӧг 17:16

Найӧ кежисны Господьлӧн, асланыс Енлӧн, тшӧктӧмъясысь, вӧчисны аслыныс кык зарни ӧшкӧс, сувтӧдісны юрбитан пуяс, юрбитісны енэжвыв вынъяслы да Вааллы.

Ӧксыяслӧн 4 небӧг 18:22

Гашкӧ, ті шуанныд, мый Господь Енныд вылӧ лачанытӧ кутанныд? Но эз ӧмӧй Сылысь вись ваян мылькъяссӧ да висьпуктанінъяссӧ бырӧд Езекей? Эз ӧмӧй сійӧ тшӧкты Иуда войтырлы да Ерусалимын олысьяслы юрбитны сӧмын ӧти висьпуктанін водзын, мый сулалӧ Ерусалимын?”»

Ӧксыяслӧн 4 небӧг 18:4

Сійӧ бырӧдіс вись ваян мылькъяс, жугліс юрбитан изъяс да пӧрӧдіс юрбитан пуяс. Жугӧдіс-пазӧдіс ыргӧн змейӧс, кодӧс коркӧ вӧчліс Мӧисей. Ӧд тайӧ Нехуштан нима ыргӧн змейлы израильсаяс тайӧ кадӧдзыс пыр на сотісны висьяс.

Ӧксыяслӧн 4 небӧг 8:18

Иорам ветліс израильса ӧксыяслӧн туйӧд. Сылӧн гӧтырыс вӧлі Ахавлӧн нылыс, та вӧсна Ахав рӧд моз сійӧ вӧчис Господь водзын шогмытӧмсӧ.

Ӧксыяслӧн 4 небӧг 8:27

Ахазий ветліс Ахав рӧдлӧн туйӧд. Сылӧн мамыс вӧлі Ахав рӧдысь, и Ахав рӧд моз Ахазий вӧчис Господь водзын шогмытӧмсӧ.

2 Каднебӧг 32:12

Эз ӧмӧй Езекей бырӧд тіян Енлысь вись ваян мылькъяссӧ да висьпуктанінъяссӧ? Эз ӧмӧй сійӧ тшӧкты Иуда войтырлы да Ерусалимын олысьяслы юрбитны сӧмын ӧти висьпуктанін водзын да сы вылын сотны висьяс?

2 Каднебӧг 34:3

Аслас кӧкъямысӧд ӧксыалан воӧ, кор сійӧ вӧлі дзик на том, сійӧ кутіс корсьны аслас Давид пӧльлысь Енсӧ. А дас кыкӧд веськӧдлан воӧ сійӧ пондіс сӧстӧммӧдны Иуда му да Ерусалим кар. Сійӧ бырӧдіс вись ваян мылькъяс, юрбитан пуяс, идолъясӧс да бӧлбанъясӧс.

Иов 31:26

Шонділысь дзирдалӧмсӧ, тӧлысьлысь пӧртмасьӧмсӧ аддзигӧн

Исай 65:11

А тіянӧс, кодъяс эновтінныд Менӧ, Господьӧс, вунӧдінныд Менсьым вежа керӧсӧс, кодъяс дасьтанныд пызан Гад идоллы, тыртанныд вина чаша Мени идоллы,

Еремей 7:30

Иуда войтыр вӧчис Менам син водзын шогмытӧмсӧ, – висьталӧ Господь. – Найӧ сувтӧдісны ассьыныс зывӧк идолъяснысӧ сійӧ керкаас, мый сиӧма Менам нимлы, да пежалісны тайӧ керкасӧ.

Микей 6:16

Ті вӧчанныд Омрилӧн тшӧктӧмъяс серти, оланныд Ахав рӧд моз, ветланныд налӧн лёк туйӧд. Та вӧсна Ме кушта карнытӧ, сэні олысьясӧс серамвыв лэпта. Менам войтырӧй вӧсна ті кутанныд нуны янӧдӧмсӧ.

Индӧд 16:21

«Господьлы, асланыд Енлы, кыпӧдӧм висьпуктанінкӧд орччӧн энӧ сувтӧдӧй юрбитан пуяс.

Индӧд 17:2

Господьӧн, тіян Енмӧн, сетӧм карын кӧ айлов либӧ ань вӧчас Господь Енныд водзын шогмытӧмсӧ – торкас йитӧдсӧ, мый Сійӧ кӧрталіс тіянкӧд,

Индӧд 17:3

кутас кесъявны-юрбитны мукӧд енъяслы, шонділы, тӧлысьлы да кодзувъяслы, мыйысь Господь ӧлӧдіс тіянӧс –

Индӧд 20:18

Но онӧ кӧ бырӧдӧй найӧс, найӧ велӧдасны тіянӧс быдпӧлӧс зывӧкторйӧ, мый найӧ вӧчӧны асланыс енъяслы юрбитігӧн. Тадзи ті асланыд Господь Енлы паныд мыж вӧчанныд.

Индӧд 4:19

Кор ті видзӧдланныд енэжас да аддзанныд шондісӧ, тӧлысьсӧ да кодзувъяссӧ – став енэжвыв вынсӧ, энӧ ылалӧй, энӧ юрбитӧй-кесъялӧй налы. Господь, тіян Енныд, лэдзис мукӧд войтыръяслы юрбитны налы.