Ӧксыяслӧн 4 небӧг 17:2 - Коми Библия 2023

² Осий вӧчис Господь водзын шогмытӧмсӧ, но эз сы мында, мыйта вӧчисны сыӧдз вӧвлӧм израильса ӧксыяс.

Ӧксыяслӧн 4 небӧг 17:2 Iomraidhean Croise

Ӧксыяслӧн 3 небӧг 16:25

Омри вӧчис Господь водзын шогмытӧмсӧ. Сыӧдз вӧвлӧм ӧксыяс дорысь сійӧ ёна унджык на лёксӧ вӧчис.

Ӧксыяслӧн 3 небӧг 16:30

Ахав вӧчис Господь водзын шогмытӧмсӧ ёна унджык на сыӧдз вӧвлӧм ӧксыяс дорысь.

Ӧксыяслӧн 4 небӧг 10:31

Но Еху эз зіль став сьӧлӧмсяньыс овны Господьлӧн, Израиль Енлӧн, Индӧд серти. Еху эз эновтчы сійӧ мыжъяссьыс, мыйӧн Еровам коркӧ кежӧдіс Израиль войтырӧс мыжас.

Ӧксыяслӧн 4 небӧг 13:11

Израильса Йоас ӧксы вӧчис Господь водзын шогмытӧмсӧ, эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас.

Ӧксыяслӧн 4 небӧг 13:2

Иохаз вӧчис Господь водзын шогмытӧмсӧ, вӧчис сійӧ жӧ мыжъяссӧ, мыйӧн Неватлӧн Еровам пиыс коркӧ кежӧдіс Израиль войтырӧс мыжас. Иохаз эз эновтчы тайӧ мыжъяссьыс.

Ӧксыяслӧн 4 небӧг 15:18

Менаим вӧчис Господь водзын шогмытӧмсӧ. Став олан лунъяс чӧжыс Менаим эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас.

Ӧксыяслӧн 4 небӧг 15:24

Пекахий вӧчис Господь водзын шогмытӧмсӧ, эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас.

Ӧксыяслӧн 4 небӧг 15:9

Батьясыс моз Закар вӧчис Господь водзын шогмытӧмсӧ, эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас.

Ӧксыяслӧн 4 небӧг 17:1

Иудаса Ахаз ӧксылӧн дас кыкӧд веськӧдлан воӧ Израиль муын ӧксыӧ пуксис Элайлӧн Осий пиыс. Ӧкмыс во чӧж сійӧ юраліс Самария карын.

Ӧксыяслӧн 4 небӧг 17:3

Ассурса Салманассар ӧксы тышӧ петіс Осийлы паныд. Осий шедіс Салманассар кипод улӧ и кутіс мынтыны сылы вот.

Ӧксыяслӧн 4 небӧг 21:2

Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Ӧксыяслӧн 4 небӧг 3:2

Иорам вӧчис Господь водзын шогмытӧмсӧ, но эз сы мында, мыйта вӧчисны бать-мамыс. Иорам жугліс-бырӧдіс Вааллы вӧчӧм юрбитан из, мый сувтӧдліс сылӧн батьыс.