Ӧксыяслӧн 4 небӧг 10:5 - Коми Библия 2023

⁵ Ӧксы керкаӧн веськӧдлысь, карса юралысь, юрнуӧдысьяс да ӧксылысь пиянсӧ видзысьяс ыстісны Ехулы воча юӧр: «Ми – тэнад кесйӧгъяс, и вӧчам ставсӧ, мый тэ тшӧктан. Ми некодӧс ӧксыӧ огӧ пуктӧй. Вӧч, кыдзи тэ кӧсъян».

Ӧксыяслӧн 4 небӧг 10:5 Iomraidhean Croise

Ӧксыяслӧн 3 небӧг 20:32

Шогалан паськӧмӧн да сьыліас кӧвъяс ӧшлӧмӧн арамейяс локтісны израильса ӧксы дінӧ да шуисны: «Тэнад Бен-Хадад кесйӧгыд корӧ, мед тэ ловйӧн колин сійӧс». Ӧксы юаліс: «Сійӧ ӧмӧй ловъя на? Сійӧ менам вок».

Ӧксыяслӧн 3 небӧг 20:4

Израильса ӧксы вочавидзис: «Мед лоас тэнад шуӧмыд серти, ӧксыӧй-ыджыдӧй. Ме да ставыс, мый менам эм, лоӧ тэнад».

Ӧксыяслӧн 4 небӧг 10:6

Еху ыстіс налы мӧд гижӧд. Сэні гижис: «Ті кӧ ме дор да дасьӧсь кывзысьны менсьым, сідзкӧ, аски тайӧ кадас локтӧй ме дінӧ Изреельӧ да вайӧй ӧксы пиянлысь керыштӧм юръяссӧ». Ӧксылысь сизимдас писӧ видзисны-быдтісны карса нималана йӧз.

Ӧксыяслӧн 4 небӧг 18:14

Иудаса Езекей ӧксы ыстіс Лакишӧ ассурса ӧксылы юӧр: «Ме мыжа тэ водзын. Кута мынтыны тэныд вот, мыйта шуан, сӧмын дугды дзескӧдны менӧ». Ассурса ӧксы тшӧктіс иудаса Езекей ӧксылы мынтыны куимсё талант эзысь да комын талант зарни.

Еремей 27:17

Энӧ кывзӧй найӧс, а кесъялӧй вавилонса ӧксылы, и ті ловйӧн колянныд. Мыйла тайӧ карыслы лоны из чукӧрӧн?

Лыд 11:12

Ме ӧмӧй новлӧдлі найӧс кынӧмын, ме ӧмӧй чужті найӧс? Мыйла Тэ пуктін менӧ кага видзысьӧ, пуктін моздорын новлӧдлыны тайӧ войтырсӧ? Мыйла Тэ тшӧктін менӧ нуны найӧс муӧ, мый йылысь кыв сетін налӧн батьяслы?

Иоан 12:26

Меным кесъялысь мед локтӧ Ме бӧрся. Кӧні Ме лоа, сэні тшӧтш лоӧ Менам кесъялысьӧй. И Меным кесъялысьӧс Батьӧй бурӧ пуктас.

Нав Исус 9:11

Та вӧсна миян юрнуӧдысьяс да став олысьыс тшӧктісны миянлы: ”Босьтӧй туйӧ сёян да петӧй налы воча. Шуӧй налы, ми пӧ тіян кесйӧгъяс, корам, кӧрталӧй миянкӧд йитӧд”.

Нав Исус 9:8

Найӧ вочавидзисны: «Ми – тэнад кесйӧгъяс». Исус юаліс налысь: «Кодъяс ті? Кытысь локтінныд?»