Ӧксыяслӧн 1 небӧг 9:26 - Коми Библия 2023

²⁶ Садьмисны найӧ водз асывнас, шонді петігас на. Самуил горӧдіс керка вевт вылын узьысь Сауллы: «Чеччы. Ме колльӧда тэнӧ». Саул чеччис, и найӧ ӧтлаын мӧдӧдчисны.

Ӧксыяслӧн 1 небӧг 9:26 Iomraidhean Croise

Олӧм 19:14

Лот петіс да шуис аслас зятьпуяслы: «Петӧй тайӧ карсьыс, ӧд Господь бырӧдас сійӧс». Но найӧ эз эскыны сылы.

Олӧм 44:4

Найӧ петісны карысь. Кор найӧ вӧліны неылын на, Ӧсип шуис керка кутысьлы: «Мун суӧд тайӧ йӧзсӧ да шу налы: ”Мыйла ті бурсьыс мынтысинныд лёкӧн? [Мыйла гусялінныд эзысь дозмуксӧ?]

Нав Исус 7:13

Чеччы! Вежӧд войтыртӧ да висьтав налы, мед асывводз кежлас вежӧдасны-сӧстӧммӧдасны асьнысӧ, ӧд Господь, Израильлӧн Ен, тадзи висьталӧ: Израиль войтыр, тіян пӧвстын эмӧсь ёрӧм улӧ веськалӧмаяс. Кытчӧдз онӧ бырӧдӧй найӧс ас пӧвстсьыныд, вӧрӧгнытӧ онӧ вермӧй.

Ёрдысьяс 19:28

Сійӧ шуис кесйӧг-гӧтырыслы: «Чеччы! Мунам!» Но гӧтырыс эз вочавидз сылы. [Сійӧ вӧлі кулӧма.] Левит босьтіс шойсӧ да пуктіс осёл вылас, сэсся мӧдӧдчис туйӧ.

Ӧксыяслӧн 1 небӧг 9:25

Сэсся вись ваян мыльк вылысь найӧ бӧр лэччисны карас. Самуил да Саул пукалісны керка вевт вылын да сёрнитісны. [Сауллы вольсалісны, и сійӧ узис сэні.]

Ӧксыяслӧн 1 небӧг 9:27

Кар помас воигӧн Самуил шуис Сауллы: «Шу кесйӧгыдлы, мед водзӧ мунас». Кесйӧг муніс водзӧ. Сэки Самуил шуис: «Саул, сувтыштлы. Ме висьтала тэныд, мый шуис Ен».