Ӧксыяслӧн 1 небӧг 8:8 - Коми Библия 2023

⁸ Сійӧ кадсяньыс, кор Ме петкӧді найӧс Египетысь, найӧ унаысь эновтлісны Менӧ да юрбитлісны мукӧд енъяслы. Найӧ ӧнӧдз тадзи вӧчӧны. Кыдзи найӧ вӧчисны Мекӧд, тадзи вӧчӧны и тэкӧд.

Ӧксыяслӧн 1 небӧг 8:8 Iomraidhean Croise

Псалтыр 78:8

Эн пукты миян вылӧ батьяснымлысь мыжъяссӧ, тэрмась петкӧдлыны миянлы Ассьыд бурлунтӧ, ӧд ми дзикӧдз жебмим.

Петӧм 16:3

«Бурджык миянлы вӧлі кувны Египет муын Господьлӧн ки помысь, – шуасисны Израиль пиян. – Сэні миян вӧліны яй тыра пӧртъяс, и няньсӧ ми пӧттӧдз сёйлім. А ӧні ті вайӧдінныд татчӧ овтӧминас, медым став тайӧ войтырыс тшыгйысла куліс».

Петӧм 17:2

Войтырыс шуасис Мӧисей вылӧ, корис ва. Мӧисей шуис: «Мыйла ті шуасянныд ме вылӧ? Мыйла дӧзмӧданныд Господьӧс?»

Петӧм 32:1

Войтырыс аддзис, мый Мӧисей дыр эз кут лэччыны керӧс вылысь. Найӧ локтісны Аарон дінӧ, кытшалісны сійӧс да шуисны: «Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь».

Еремей 34:14

сизимӧд вонас лэдзны вӧля вылӧ ассьыныс еврей вокъяснысӧ, кодъяс асьнысӧ вузалісны кесйӧг пыдди. Татшӧм мортыс мед кесъялас квайт во, а сэсся сійӧс колӧ лэдзны вӧля вылӧ. Но тіян батьясныд эз кывзыны Менӧ, эз сибӧдны Менсьым кывъясӧс.

Езекиль 2:3

Сійӧ шуис меным: «Морт пиӧй, Ме мӧдӧда тэнӧ Израиль пиян дінӧ, кывзысьтӧм йӧз дінӧ, кодъяс эновтісны Менӧ. Асланыс батьяс моз найӧ пыр на Меным паныд кыпӧдчӧны.

Лыд 16:41

Мӧд луннас став Израиль войтыр шуасис Мӧисей да Аарон вылӧ: «Ті виинныд Господьлысь войтырсӧ!»

Индӧд 9:24

Мыйта тӧда тіянӧс, ті пыр кыпӧдчинныд Господьлы паныд.

Ёрдысьяс 13:1

Израиль войтыр бара кутіс вӧчны Господь водзын шогмытӧмсӧ. Таысь Господь сетіс найӧс филистимсаяс киӧ нелямын во кежлӧ.

Ёрдысьяс 2:20

Господь скӧрмис Израиль войтыр вылӧ да шуис: «Сыысь, мый тайӧ войтырыс торкис Менсьым йитӧдӧс, мый Ме кӧрталі налӧн батьяскӧд, да дугдіс кывзысьны Менсьым,

Ёрдысьяс 4:1

Эхудлӧн кулӧм бӧрын Израиль пиян бара кутісны вӧчны Господь водзын шогмытӧмсӧ.

Ёрдысьяс 6:1

Израиль пиян бара вӧчисны Господь водзын шогмытӧмсӧ. Таысь Господь сетіс найӧс мадиансаяс киӧ сизим во кежлӧ.

Ӧксыяслӧн 1 небӧг 8:7

Господь шуис Самуиллы: «Вӧч ставсӧ налӧн корӧм серти. Найӧ оз тэнӧ ӧтдортны, а Менӧ, медым Ме эг вӧв налӧн ӧксыӧн.

Ӧксыяслӧн 1 небӧг 8:9

Вӧч налӧн корӧм серти. Но ӧлӧд найӧс да висьтав, мый вӧчас налы ӧксы, коді кутас ыджыдавны на вылын».