Ӧксыяслӧн 1 небӧг 4:3 - Коми Библия 2023

³ Кор израильса тышкайӧз бӧр косісны асланыс чукӧртчанінӧ, израильса юрнуӧдысьяс шуисны: «Мый понда Господь талун лэдзис филистимсаяслы вермыны миянӧс? Мунамӧй да ваямӧй Силом карысь Господьлысь Йитӧд кудсӧ. Кудйыс кӧ лоӧ миян ордын, сійӧ мездас миянӧс вӧрӧг киысь».

Ӧксыяслӧн 1 небӧг 4:3 Iomraidhean Croise

Ӧксыяслӧн 2 небӧг 15:25

Ӧксы шуис Садоклы: «Бӧр нуӧй Енлысь кудсӧ Ерусалимӧ [мед сійӧ сулалас аслас местаын]. Господь кӧ лоӧ бур сьӧлӧма ме дінӧ, Сійӧ бӧр вайӧдас менӧ да сетас меным аддзыны Ассьыс кудсӧ аслас местаысь.

1 Каднебӧг 17:1

Кор Давид оліс аслас ыджыд керкаын, сійӧ шуис Нафан пророклы: «Кывзы, ме ачым ола сус пуысь вӧчӧм керкаын, а Господьлӧн Йитӧд кудйыс сулалӧ чомйын».

Псалтыр 74:1

Сьылысьясӧн веськӧдлысьлы. Сьылӧны ”Эн бырӧд” шылад улӧ. Асафлӧн псалом. Сьыланкыв.

Псалтыр 74:11

Сійӧ чегъялас Ентӧг олысьяслысь сюръяссӧ, а веськыда олысьясӧс вылӧ кыпӧдас.

Исай 50:1

Господь тадзи висьталӧ: – Кӧні тіян мамныдлӧн торйӧдчан гижӧдыс, Ме кӧ эновті сійӧс? Меным водзӧсӧн сетысьяс пӧвстысь кодлы Ме вузалі тіянӧс? Тіянӧс вузалӧма асланыд мыжъясныд вӧсна, лёк вӧчӧмныд вӧсна вӧтлӧма тіянлысь мамнытӧ.

Исай 58:3

Найӧ шуӧны: «Ми видзалам, но Тэ он аддзы тайӧс, ми раммӧдам асьнымӧс, но Тэ он тӧд та йылысь!» Асланыд видзалігӧн ті вӧчанныд, мый кӧсъянныд, сьӧкыд уджӧн ті дзескӧданныд тіянлы уджалысьясӧс.

Исай 59:1

Господьлӧн киыс эз дженьдаммы, медым мездыны, Сылӧн пельыс эз сьӧктаммы, медым кывны.

Исай 59:2

Но тіян лёк вӧчӧмъясныд торйӧдісны тіянӧс Енсьыныд, тіян мыжъясныд вӧсна Сійӧ бергӧдчис тіянысь да оз кывзы.

Еремей 3:16

Кор ті соданныд да рӧдманныд тайӧ му вылас, – висьталӧ Господь, – сэки оз нин кутны сёрнитны Господьлӧн Йитӧд куд йылысь, оз нин кутны мӧвпавны сы йылысь, оз казьтыштны да оз гажтӧмтчыны сы вӧсна. Кудсӧ выльысь оз нин вӧчны.

Еремей 7:4

Ті шуанныд: ”Тані Господьлӧн крамыс, Господьлӧн крамыс, Господьлӧн крамыс”. Тайӧ шуӧмнас энӧ ылӧдлӧй асьнытӧ, мый ставыс бур.

Лыд 10:33

Господьлӧн керӧс дорысь мӧдӧдчӧм бӧрын Израиль войтыр мунісны куим лун чӧж. Господьлысь Йитӧд кудсӧ найӧ нуисны водзвыланыс, медым сійӧ петкӧдлас шойччанін.

Лыд 10:35

Кор Йитӧд кудсӧ босьтлісны нуны, Мӧисей горӧдліс: «Господьӧй, кыпӧдчы! Тэныд паныд сувтысьяс мед разаласны, Тэнӧ мустӧмтысьяс мед пышъясны Тэнад син водзысь!»

Лыд 31:6

Мӧисей мӧдӧдіс найӧс тыш вылӧ. Накӧд тшӧтш мӧдӧдіс [Ааронлӧн] Элазар поплысь Пинес писӧ. Аскӧдыс Пинес босьтіс вежаинса дозмук-кӧлуй да тутсан трубаяс.

Индӧд 29:24

Сэки войтыръяс юаласны: ”Мый вӧсна Господь тадзи вӧчис тайӧ муыслы? Мыйла Сійӧ та выйӧдз скӧрмис?”

Индӧд 31:26

«Босьтӧй тайӧ Индӧд небӧгсӧ да пуктӧй сійӧс асланыд Господь Енлӧн Йитӧд кудкӧд орччӧн, медым Индӧдыс серти тіянӧс лыддьыны мыжаӧн.

2 Тимофейлы 3:5

Ортсысяньыс кӧ видзӧдны, найӧ кутчысьӧны вежавидзӧмӧ, но, збыльвылас, найӧ оз эскыны Енмыслӧн вынӧ. Татшӧмъяссьыс ылыстчы.

Еврейяслы 9:4

Сэні вӧліны зарниысь вӧчӧм тшынӧдчан висьпуктанін да зарниӧн эжӧм Йитӧд куд. Тайӧ кудсӧ вӧлі быд боксянь эжӧма зарниӧн. Куд пытшкас вӧліны манна тыра зарни доз, Ааронлӧн дзоридзалысь бедь да йитӧдлӧн изпӧвъяс.

Нав Исус 4:7

Сэки ті висьталӧй налы: ”Тайӧ изъясыс казьтывлӧны сы йылысь, мый [став му пасьтала ыджыдалысь] Господьлӧн Йитӧд куд водзын Йӧрдан юын ваыс шӧри потіс. Йӧрдан ю вомӧн кудсӧ вуджӧдігӧн ваыс вешйис”. Тайӧ изъясыс лоӧны Израиль пиянлы пыр кежлӧ казьтыланпасӧн».

Нав Исус 6:6

Сэсся Исус шуис [попъяслы, медым найӧ висьталасны] войтырыслы: «Мунӧй да кытшовтӧй кар гӧгӧрыс. Шыпуртаяс мед мунасны Господьлӧн куд водзвылас».

Нав Исус 7:7

«Господьӧй Ыджыдӧй! Мыйла Тэ вуджӧдін тайӧ войтырсӧ Йӧрдан ю вомӧн? Медым сетны миянӧс аморейяслӧн киӧ? – юасис Исус. – Бурджык, ми кӧ кольччим Йӧрдан ю сайӧ да олім сэні!

Нав Исус 7:8

Господьӧй, мый ме верма ӧні шуны, кор израильса тышкайӧз бергӧдчисны мышкӧн вӧрӧглы да пышйисны?

1 Петыр 3:21

Тайӧ лоӧмторйыс индӧ миян пыртчӧм вылӧ, мый абу вир-яй вылысь няйт мыськӧм, но сӧстӧм сьӧлӧмсянь Енлы кӧсйысьӧм. Пыртчӧм пыр ми мездмам Исус Кристослӧн ловзьӧм вӧсна.

Иуда 1:5

Ті, дерт, тӧданныд нин ставсӧ, но кӧсъя казьтыштны тіянлы, мый Господь мездіс Ассьыс войтырсӧ Египет муысь, но бӧрыннас на пӧвстысь бырӧдіс эскытӧмъясӧс.

Ӧксыяслӧн 1 небӧг 1:24

Та бӧрын Анна вайӧдіс писӧ Силомӧ Господьлӧн керкаӧ. Сьӧрсьыс вайисны куим ӧшкӧс, [нянь,] ефа мында пызь да кучик дозйын вина. Пиыс сэки вӧлі ичӧт на.

Ӧксыяслӧн 1 небӧг 14:18

Саул тшӧктіс Ахий поплы вайны Енлысь кудсӧ. Енлӧн кудйыс сэки вӧлі Израиль ордын.

Ӧксыяслӧн 1 небӧг 4:2

Филистимса тышкайӧз уськӧдчисны израильсаяс вылӧ. Пансис тыш. Найӧ пасьвартісны израильсаясӧс, виисны нёль сюрс гӧгӧр мортӧс.