Ӧксыяслӧн 1 небӧг 30:4 - Коми Библия 2023

⁴ Давид да сылӧн йӧзыс ырзӧмӧн кутісны бӧрдны. Бӧрдісны эбӧс быртӧдзныс.

Ӧксыяслӧн 1 небӧг 30:4 Iomraidhean Croise

Ездра 10:1

Кор Енлӧн крам водзын Ездра бӧрдӧмӧн да муас уськӧдчӧмӧн кевмысис да висьтасис войтырыслӧн мыжъясысь, сы дінӧ чукӧртчис Израиль войтырысь зэв уна йӧз – айулов, аньяс и челядь. Ставныс найӧ тшӧтш ёна бӧрдісны.

Лыд 14:1

Став войтырыс кутіс гораа ырзӧмӧн бӧрдны. Найӧ войбыд бӧрдісны.

Лыд 14:39

Мӧисей висьталіс Израиль пиянлы Господьлысь кывъяссӧ. Войтырсӧ курыд шог босьтіс.

Ёрдысьяс 2:4

Кор Господьлӧн андел висьталіс тайӧс Израиль войтырлы, ставныс гораа бӧрддзисны.

Ёрдысьяс 21:2

Израиль войтыр локтіс Вефильӧ. Сэні найӧ рытӧдзыс пукалісны Ен водзын да ырзӧмӧн гораа бӧрдісны.

Ӧксыяслӧн 1 небӧг 11:4

Мӧдӧдӧмаяс локтісны Гиваӧ, Сауллӧн чужан карӧ, да висьталісны войтырлы Нахашлысь кывъяссӧ. Ставныс ырзӧмӧн кутісны бӧрдны.

Ӧксыяслӧн 1 небӧг 30:3

Давид аслас йӧзкӧд локтіс карас да аддзис: карсӧ сотӧмаӧсь, а гӧтыръяснысӧ да ныв-пинысӧ нуӧдӧмаӧсь пленӧ.

Ӧксыяслӧн 1 небӧг 4:13

Илий сэки пукаліс карса дзиръя дорын аслас пуклӧсын. Сійӧ видзӧдіс туй вылӧ да виччысис юӧр вайысьӧс, ӧд поліс Енлӧн куд вӧсна. Кор тышысь воӧм морт висьталіс карса олысьяслы израильсаясӧс пасьвартӧм йылысь, йӧзыс ырзӧмӧн кутісны бӧрдны.