Ӧксыяслӧн 1 небӧг 23:23 - Коми Библия 2023

²³ Тӧдмалӧй да видзӧдалӧй, кӧні сійӧ дзебсясьӧ. Кор ставсӧ бура тӧдмаланныд, локтӧй да юӧртӧй меным. Сэки ме муна тіянкӧд. Сійӧ кӧ тані, Иуда муын, ме кута корсьны сійӧс став кар-сиктысь».

Ӧксыяслӧн 1 небӧг 23:23 Iomraidhean Croise

Марк 14:1

Ыджыд лунӧдз, Шомтӧм нянь сёян лунъясӧдз, кык лун на вӧлі. Аркирейяс да Индӧдӧ велӧдысьяс корсисны, кыдзи эськӧ ылӧдлӧмӧн босьтны Исусӧс да вины Сійӧс.

Микей 5:2

Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.

Шусьӧгъяс 1:16

Налӧн кокныс котӧртӧ лёксӧ вӧчны, тэрмасьӧ вир кисьтны.

Ӧксыяслӧн 3 небӧг 18:10

Ловъя Господь водзын, тэнад Ен водзын, шуа: менам ыджыдӧй мӧдӧдліс корсьны тэнӧ быд муӧ да быд войтыр пӧвстӧ. Ставныслы сійӧ тшӧктыліс кыв сетны, мый эз аддзывны тэнӧ.

Лыд 10:36

Кор Йитӧд кудйыс сувтліс, Мӧисей шуліс: «Господьӧй, бӧр лок лыдтӧм-тшӧттӧм Израиль пияныд дінӧ!»

Ӧксыяслӧн 1 небӧг 23:22

Мунӧй да нӧшта бура ставсӧ тӧдмалӧй. Кыйӧдӧй, кытчӧ сійӧ мунас. Гашкӧ, кодкӧ аддзыліс сійӧс. Меным висьталӧны, сійӧ пӧ зэв сюсь.

Ӧксыяслӧн 1 небӧг 23:24

Зифын олысьяс бӧр мунісны Зифӧ Саулысь водзджык. Давид аслас йӧзкӧд вӧлі Маон овтӧминса ковтысын, Есимонсянь лунвылын.

Ӧксыяслӧн 1 небӧг 24:11

Тэ аслад синмӧн аддзан, мый талун изкыртаас Господь сетіс тэнӧ менам киӧ. Йӧзӧй корисны вины тэнӧ. Но ме бурсьӧлӧмтчи тэ дінӧ, шуи, мый ог лэпты киӧс аслам ыджыд вылӧ, ӧд сійӧ – Господьлӧн мавтыштӧм морт.

Ӧксыяслӧн 4 небӧг 6:13

«Мунӧй да тӧдмалӧй, кӧні сійӧ, – тшӧктіс ӧксы. – Ме сэсся мӧдӧда ассьым йӧзӧс босьтны сійӧс». Ӧксылы юӧртісны, Елисей пӧ Дотанын.