Ӧксыяслӧн 1 небӧг 23:21 - Коми Библия 2023

²¹ Саул воча шуис: «Господь мед бурсиас тіянӧс, ӧд ті тӧждысянныд ме вӧсна.

Ӧксыяслӧн 1 небӧг 23:21 Iomraidhean Croise

Олӧм 20:13

Кор Ен тшӧктіс меным петны бать керкаысь да ветлыны муясӧд, ме кори гӧтырӧс вӧчны меным буртор – шуны менӧ аслас вокӧн быдлаын, кытчӧ ми воам».

Ӧксыяслӧн 2 небӧг 2:5

Давид ыстіс юӧртысьясӧс Явис карӧ да тшӧктіс юӧртны сэтчӧс олысьяслы: «Мед бурсиас тіянӧс Господь, ӧд ті вӧлінныд бур сьӧлӧмаӧсь Саул ыджыдныд дінӧ [Господьлӧн мавтыштӧмаыс дінӧ] – ті гуалінныд сійӧс [да сылысь Ионафан писӧ].

Псалтыр 10:3

Кор жугӧдӧма подувсӧ, мый вермас вӧчны веськыда олысь?

Исай 66:5

Кывзӧй Господьлысь кывсӧ ті, кодъяс вежавидзанныд Сылӧн кывйысь: – Тіянӧс мустӧмтысь вокъясныд, Менам ним вӧсна тіянӧс ӧтдортысьяс, шуалӧны: «Мед Господь петкӧдлас Ассьыс дзирдлунсӧ, и ми видзӧдлам тіян гажӧдчӧм вылӧ». Но тіянӧс мустӧмтысьясӧс лоӧ янӧдӧма.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Ёрдысьяс 17:2

Ӧтчыд сійӧ шуис мамыслы: «Тэнсьыд гусялӧм сюрс сё сикель эзысьыд ме ордын. Ме кывлі, кыдзи тэ ёрин гусялысьӧс. Тэнсьыд эзысьтӧ ме босьті». Мамыс шуис: «Господь мед бурсиас менсьым пиӧс!»

Ӧксыяслӧн 1 небӧг 15:13

Самуил локтіс Саул дінӧ. Кор паныдасис сыкӧд, мӧдыс чолӧмасьӧмӧн шыасис: «Бурсиӧма тэнӧ Господь. Ме ставсӧ вӧчи Господьлӧн тшӧктӧм серти».

Ӧксыяслӧн 1 небӧг 22:8

Буракӧ, та вӧсна ті ставныд сёрнитчӧмныд меным паныд. Некод меным эз юӧрт, мый менам пиӧй кӧрталӧма йитӧд Ессей пикӧд. Ті энӧ тӧждысьӧй ме вӧсна да энӧ висьталӧй, мый менам пиӧй ышӧдӧма менсьым кесйӧгӧс, медым тывйыштны менӧ».

Ӧксыяслӧн 1 небӧг 23:22

Мунӧй да нӧшта бура ставсӧ тӧдмалӧй. Кыйӧдӧй, кытчӧ сійӧ мунас. Гашкӧ, кодкӧ аддзыліс сійӧс. Меным висьталӧны, сійӧ пӧ зэв сюсь.