Ӧксыяслӧн 1 небӧг 23:1 - Коми Библия 2023

¹ Давидлы юӧртісны, филистимсаяс пӧ уськӧдчисны Кейла кар вылӧ да сэні пӧ гусявлӧны вартанінъясысь няньсӧ.

Ӧксыяслӧн 1 небӧг 23:1 Iomraidhean Croise

Даниил 2:35

Ӧти здукӧн кӧртыс, сёйыс, ыргӧныс, эзысьыс и зарниыс торпыригӧдз жугалісны да лоисны гожся гумла вылын кыд кодьӧсь. Тӧлыс нӧбӧдіс найӧс, и весиг бус чир эз коль наысь. А изйысь, мый жугӧдіс тайӧ вӧчӧмторсӧ, лои ыджыд керӧс, и сійӧ тыртіс ставнас мусӧ.

Левит 26:16

тӧдӧй, мый Ме сэки тіянкӧд вӧча. Ме мӧдӧда тіян вылӧ полӧм, вир-яй косьмӧм да биа висьӧм, мый вӧсна тіян синныд пемдас и ловныд нюкыртчас. Ті весьшӧрӧ кутанныд кӧдзны, ӧд вӧрӧг сёяс няньнытӧ.

Микей 6:15

Ті кӧдзанныд, но онӧ вундӧй, олив тусьтӧ пычканныд, но выйнас онӧ мавтчӧй, виноград вотӧстӧ таляланныд, но винасӧ онӧ юӧй.

Индӧд 28:33

Тӧдтӧм войтыр кутас сёйны тэнсьыд мувыв быдтас-вотӧстӧ, сёяс ставсӧ, мый чукӧртін. Став олӧм чӧжныд ті лоанныд дзескӧдӧм да нартитӧм улынӧсь.

Индӧд 28:51

Найӧ сёясны ыж-мӧснытӧ да мувыв быдтас-вотӧснытӧ, кытчӧдз оз бырӧдны тіянӧс. Найӧ оз кольны тіянлы нянь, вина ни олив вый, куканьясӧс, баляясӧс ни кӧзапиянӧс. Тадзи найӧ бырӧдасны тіянӧс.

Нав Исус 15:44

Кейла, Акзив да Мареша каръяс [да Эдом] – ӧкмыс кар да нагӧгӧрса сиктъяс.

Ёрдысьяс 6:11

Господьлӧн андел локтіс Офраӧ да пуксис Авиэзер рӧдысь Йоаслӧн тупу улӧ. Тайӧ кадас Гедеон, Йоаслӧн пиыс, виноград пычкан гуын вартіс шобді. Сэтчӧ сайӧдчис мадиансаясысь, медым найӧ эз тӧдмавны нянь йылысь.

Ёрдысьяс 6:4

сувтӧдӧны сэтчӧ ассьыныс чомъяснысӧ, нырӧны-талялӧны да куштӧны налысь мувыв быдтассӧ весиг Газа кар дорӧдз. Найӧ кольлісны Израиль войтырӧс сёянтӧг, мырддьывлісны налысь ыжъяссӧ, ӧшъяссӧ да осёлъяссӧ.