Ӧксыяслӧн 1 небӧг 20:8 - Коми Библия 2023

⁸ Ло бур сьӧлӧма ме дінӧ, аслад кесйӧг дінӧ, ӧд Господь водзын тэ кӧрталін мекӧд йитӧд. А ме кӧ мыйыськӧ мыжа, ачыд ви менӧ. Сӧмын батьыдлы эн сет менӧ».

Ӧксыяслӧн 1 небӧг 20:8 Iomraidhean Croise

Олӧм 24:49

Ӧні тіян сайын, лоанныд-ӧ бур сьӧлӧмаӧн менам ыджыдӧй дінӧ да вӧчанныд-ӧ сылӧн корӧм серти. Висьталӧй меным, сэки ме кута тӧдны, мый меным вӧчны».

Олӧм 47:29

Израильлы воис кад кувны, и сійӧ корис Ӧсип писӧ да шуис сылы: «Ло бур сьӧлӧма ме дінӧ. Менам лядьвейӧ китӧ пуктӧмӧн кыв сет, мый он гуав менӧ Египетӧ.

Ӧксыяслӧн 2 небӧг 14:32

Авессалом вочавидзис: «Ме корлі тэнӧ, мед мӧдӧдны ӧксы дінӧ да юавны сылысь, мыйла сійӧ коркӧ корис менӧ Гешурысь. Меным сэні бурджык вӧлі. Ме кӧсъя аддзысьлыны ӧксыкӧд. Ме кӧ мыжа, мед сійӧ виас менӧ».

1 Каднебӧг 12:17

Давид паныдаліс найӧс татшӧм кывъясӧн: «Ті кӧ локтінныд ме дінӧ лӧньлунӧн да кӧсъянныд отсавны меным, сідзкӧ, ме лоа тіянлы ёртӧн. А локтінныд кӧ вузавны менӧ вӧрӧглы, миян батьяслӧн Ен мед аддзас тайӧс да мыждас тіянӧс, ӧд ме некодӧс эг ви, эг дзескӧд».

Шусьӧгъяс 3:3

Эн эновт буралӧмсӧ да збыльсӧ, гартышт найӧс сьылі гӧгӧрыд, гиж найӧс сьӧлӧмад.

Ап. уджъяс 25:11

Но ме кӧ мыжа вимӧн, ме дась кувны. Абу кӧ мыжа, мыйысь тайӧ йӧзыс мыжалӧны менӧ, сідзкӧ, некод оз вермы сетны менӧ налы. Ме кора кесарлысь мыждӧм».

Нав Исус 2:14

Кыйӧдчысьяс шуисны сылы: «Вӧчам корӧмыд серти, а огӧ кӧ вӧчӧй, мед ми кулам тіян пыдди. Но миян йылысь некодлы энӧ висьталӧй. И кор Господь сетас миянлы тайӧ мусӧ, сэки ми лоам бур сьӧлӧмаӧсь тэ дінӧ да ассьыным кывнымӧс кутам».

Нав Исус 22:22

«Господь – енъяслӧн Ен! Господь, енъяслӧн Ен тӧдӧ, и Израиль мед тӧдас. Ми кӧ Господьлы паныд кыпӧдчам да эновтам Сійӧс, мед Сійӧ талун бырӧдас миянӧс.

Руфа 1:8

сійӧ шыасис на дінӧ: «Бергӧдчӧй мамъясныд дорӧ. Господь мед лоас бур сьӧлӧма тіян дінӧ, кыдзи ті вӧлінныд бурӧсь менам пиян дінӧ да ме дінӧ.

Ӧксыяслӧн 1 небӧг 18:1

Давидлӧн Саулкӧд сёрнитӧм бӧрын Ионафан став сьӧлӧмнас кӧртасис Давид дінӧ, кутіс радейтны сійӧс асьсӧ моз.

Ӧксыяслӧн 1 небӧг 18:3

Ионафан асьсӧ моз радейтіс Давидӧс, та вӧсна кӧрталіс сыкӧд йитӧд.

Ӧксыяслӧн 1 небӧг 20:16

Тадзи Ионафан кӧрталіс йитӧд Давид рӧдкӧд да шуис: «Господь мед водзӧс перъяс Давидлӧн вӧрӧглысь».

Ӧксыяслӧн 1 небӧг 20:9

Ионафан шуис: «Оз ло тэкӧд тайӧ. Тӧда кӧ вӧлі, мый батьӧй мӧвпыштӧма тэныд лёктор вӧчны, ме эськӧ висьталі тэныд та йылысь».

Ӧксыяслӧн 1 небӧг 23:18

Господь водзын найӧ кӧрталісны ӧта-мӧдыскӧд йитӧд. Давид кольччис вӧрӧ, а Ионафан бӧр муніс гортас.