Ӧксыяслӧн 1 небӧг 18:5 - Коми Библия 2023

⁵ Давид вермыліс быд тышын, кытчӧ Саул мӧдӧдліс сійӧс. Та вӧсна Саул пуктіс Давидӧс веськӧдлыны тышкайӧзӧн. Став йӧзыслы и Сауллӧн кесйӧгъяслы тайӧ воис сьӧлӧм вылас.

Ӧксыяслӧн 1 небӧг 18:5 Iomraidhean Croise

Олӧм 39:23

Дзескыдінса юралысь эз тӧждысь нинӧм вӧсна, мый вӧлі сетӧма Ӧсип киӧ, ӧд Господь вӧлі Ӧсипкӧд да бурсиис сылысь став уджсӧ.

Ӧксыяслӧн 2 небӧг 5:10

Господь Ен Саваоф вӧлі Давидкӧд, та вӧсна сійӧ лои вына юралысьӧн.

Ӧксыяслӧн 2 небӧг 5:2

Водзын, кор Саул вӧлі миян ӧксыӧн, Израиль войтыркӧд тэ ветлывлін тышъясӧ. Господь шуліс тэныд: ”Тэ кутан видзны Менсьым Израиль войтырӧс да лоан налы юралысьӧн”».

2 Каднебӧг 17:3

Господь вӧлі Иосафаткӧд, ӧд сійӧ ветліс веськыд туйӧд, кыдзи сылӧн Давид пӧльыс вӧчис аслас медводдза ӧксыалан воясӧ. Иосафат эз юрбит Ваал идолъяслы,

Псалтыр 1:3

Сійӧ лоӧ визув ю дорын быдмысь пу кодь, ас кадӧ вайӧ вотӧс, сылӧн коръясыс оз косьмыны. Быд удж сылӧн кутас артмыны.

Псалтыр 101:2

Господьӧй, кыв менсьым кевмӧмӧс! Менам гораа бӧрдӧмӧй мед воас Тэнад пельӧдз.

Матвей 10:16

Ме мӧдӧда тіянӧс ыжъясӧс моз кӧинъяс пӧвстӧ. Лоӧй змей кодь сюсьӧсь да гулю кодь рамӧсь.

Ап. уджъяс 7:10

да дорйис сійӧс быд сьӧкыдыс дырйи. Енмыс сетіс Ӧсиплы ыджыд мывкыдлун, та вӧсна сійӧ сьӧлӧм вылас воис фараонлы, египетса ӧксылы. Фараон весиг пуктіс сійӧс веськӧдлыны Египетӧн да аслас став овмӧсӧн.

Ефесӧ 5:17

Энӧ лоӧй мывкыдтӧмӧн, а тӧдмалӧй Енлысь кӧсйӧмсӧ.

Колосӧ 4:5

Лоӧй мывкыдаӧсь эскытӧмъяскӧд, энӧ коллялӧй каднытӧ весьшӧрӧ.

Ёрдысьяс 1:19

Господь вӧлі Иуда чужанкотыркӧд. Найӧ босьтісны керӧсвыв му, но ковтысын олысьясӧс эз вермыны вӧтлыны, ӧд налӧн вӧліны кӧрт тарантасъяс.

Ӧксыяслӧн 1 небӧг 13:2

Кык сюрсыс вӧлі Саулкӧд Микмасын да Вефиль керӧсын, а ӧти сюрсыс вӧлі Ионафанкӧд Гиваын Венямин муын. Мукӧдсӧ Саул лэдзис гортаныс.

Ӧксыяслӧн 1 небӧг 14:52

Сауллӧн ӧксыалан кадӧ израильсаяс дугдывтӧг чорыда тышкасисны филистимсаяскӧд. Кор Саул аддзывліс Израиль войтыр пӧвстысь ён да збой мортӧс, босьтліс сійӧс аслас тышкайӧз лыдӧ.

Ӧксыяслӧн 1 небӧг 18:16

Но Израильлӧн да Иудалӧн тышкайӧз радейтісны Давидӧс, ӧд сійӧ веськӧдліс наӧн.

Ӧксыяслӧн 1 небӧг 18:30

Филистимса тышкайӧзӧн веськӧдлысьяс уськӧдчывлісны Израиль вылӧ. Сауллӧн мукӧд веськӧдлысьяс дорысь Давид шедӧдліс унджык вермӧм, та вӧсна пондіс ёна нимавны.

Ӧксыяслӧн 1 небӧг 18:4

Ионафан пӧрччис кышансӧ да сетіс сійӧс Давидлы. Сетіс тшӧтш мукӧд тышкасян паськӧмсӧ, ассьыс шыпуртсӧ, ньӧввужсӧ да коскытшсӧ.

Ӧксыяслӧн 1 небӧг 18:6

Давидлӧн Голиафӧс вермӧм бӧрын тышкайӧз кор вӧлі локтӧны тыш вылысь, быд израильса карысь петавлісны аньяс. Найӧ сьылӧмӧн да йӧктӧмӧн, тимпанӧн да кимвалӧн кыпыда ворсӧмӧн вочаалісны Саул ӧксыӧс.

Ӧксыяслӧн 1 небӧг 3:19

Самуил быдмис, Господь вӧлі сыкӧд. Ставсӧ, мый сійӧ висьтавліс Господь нимсянь, Господь збыльмӧдіс.