Неемий 9:37 - Коми Библия 2023

³⁷ Тайӧ му вывсьыс быдтасыс вичмӧ ӧксыяслы, кодъясӧс Тэ пуктін ыджыдавны миян вылын асланым мыжъяс вӧсна. Миян вылын да ыж-мӧсным вылын найӧ ыджыдалӧны, кыдзи кӧсйӧны. Ми ёна сьӧкыдалам.

Неемий 9:37 Iomraidhean Croise

Ездра 4:13

Та вӧсна сетам тӧдны тэныд, ӧксыӧй: найӧ кӧ лэптасны карнысӧ да кыпӧдасны стенсӧ, сэки дугдасны мынтыны тэныд воттӧ. Тадзикӧн ӧксы кудйыд вермас кушмыны.

Ездра 6:8

Отсалӧй иудейяслӧн юрнуӧдысьяслы Енлысь крамсӧ вӧчиганыс. Вӧчӧй, кыдзи ме тшӧкта. Авар-Нахара муын ӧксылы чукӧртӧм сьӧмысь чуктӧдӧй крам вӧчысьяслы, медым налӧн уджыс эз сувт.

Ездра 7:24

Нӧшта тшӧкта, мый оз ков босьтны вот попъяслысь, левитъяслысь, сьылысьяслысь, дзиръя видзысьяслысь, крамбердса кесйӧгъяслысь да мукӧдлысь, кодъяс уджалӧны Енлӧн крамын.

Неемий 5:8

Ме шуи: «Ми сьӧкыда ньӧбим вокъяснымӧс, кодъясӧс вӧлі вузалӧма мукӧд войтыръяслы. А ӧні ті вузаланныд ассьыныд вокъяснытӧ! Миянлы бара ӧмӧй ньӧбны найӧс?» Найӧ чӧв олісны, налы эз сюр воча кыв.

Бӧрданкыв 5:5

Дзескӧдысьяс миянӧс сийӧсалісны, ми мудзӧмаӧсь, шойччӧгыс абу.

Левит 26:17

Ме тіянлы паныд сувта. Вӧрӧгныд вермас тіянӧс, мустӧмтысьныд кутас ыджыдавны тіян вылын. Ті котӧрӧн пышъянныд, кӧть вӧтӧдысьыс оз ло.

Иоан 8:33

Найӧ вочавидзисны: «Ми – Ӧвраамсянь чужысьяс, ми некор эгӧ вӧлӧй кесйӧг туйынӧсь. Сідзкӧ, мыйла Тэ шуан, мый ми мездмам?»

Индӧд 28:33

Тӧдтӧм войтыр кутас сёйны тэнсьыд мувыв быдтас-вотӧстӧ, сёяс ставсӧ, мый чукӧртін. Став олӧм чӧжныд ті лоанныд дзескӧдӧм да нартитӧм улынӧсь.

Индӧд 28:39

Пуктанныд да быдтанныд виноград пуяс, но винасӧ онӧ юӧй, весиг вотӧссӧ онӧ чукӧртӧй, ӧд винограднытӧ номыр сёяс.

Индӧд 28:48

Та вӧсна ті кутанныд кесъявны Господьӧн [тіян Енмӧн] ыстӧм вӧрӧгныдлы тшыгъяліганыд да горш косьмиганыд. Ті пасьтӧг колянныд, тіян нинӧм оз ло. Господь сийӧсалас тіянӧс кӧрт сийӧсӧн, кытчӧдз оз бырӧд тіянӧс.

Индӧд 28:51

Найӧ сёясны ыж-мӧснытӧ да мувыв быдтас-вотӧснытӧ, кытчӧдз оз бырӧдны тіянӧс. Найӧ оз кольны тіянлы нянь, вина ни олив вый, куканьясӧс, баляясӧс ни кӧзапиянӧс. Тадзи найӧ бырӧдасны тіянӧс.