Неемий 9:36 - Коми Библия 2023

³⁶ Ми ӧні кесйӧгъяс. Сійӧ муас, мый тэ сетін миян батьяслы, медым пӧткӧдчыны став вотӧснас да бурнас, ми лоим кесйӧг туйынӧсь.

Неемий 9:36 Iomraidhean Croise

2 Каднебӧг 12:8

Но найӧ лоӧны сылӧн кесйӧгъясӧн, медым тӧдісны, мыйӧн торъялӧ Меным кесъялӧмыс мувывса ӧксыяслы кесъялӧмысь».

Ездра 9:9

Ми – кесйӧг туйынӧсь, но миян Енным эз коль миянӧс. Сійӧ бергӧдіс миянлань персияса ӧксыяслысь сьӧлӧмнысӧ, медым найӧ лэдзисны миянлы сувтны кок йыланым, лэптыны миян Енлысь крамсӧ да повтӧг овны Иуда муын да Ерусалимын.

Бӧрданкыв 5:4

Асланым юан ваысь ми мынтысям эзысьӧн, песнымӧс судзӧдам сьӧм вылӧ.

Бӧрданкыв 5:5

Дзескӧдысьяс миянӧс сийӧсалісны, ми мудзӧмаӧсь, шойччӧгыс абу.

Индӧд 28:48

Та вӧсна ті кутанныд кесъявны Господьӧн [тіян Енмӧн] ыстӧм вӧрӧгныдлы тшыгъяліганыд да горш косьмиганыд. Ті пасьтӧг колянныд, тіян нинӧм оз ло. Господь сийӧсалас тіянӧс кӧрт сийӧсӧн, кытчӧдз оз бырӧд тіянӧс.