Неемий 9:25 - Коми Библия 2023

²⁵ Найӧ босьтісны изкаръяс да бур муяс, овмӧдчисны эмбур тыра керкаясӧ, налы вичмисны изкыртаын кералӧм вайӧртӧдъяс, виноград йӧръяс, олив расъяс да уна мукӧд вотӧса пуяс. Найӧ пӧттӧдзныс сёйисны-тшӧгӧдчисны, нимкодясисны Тэнад бур козинъясысь.

Неемий 9:25 Iomraidhean Croise

Ӧксыяслӧн 3 небӧг 14:9

Тэ вӧчин лёксӧ унджык на дорысь, кодъяс вӧліны тэӧдз. Тэ сувтӧдалін аслыд мукӧд енъясӧс да бӧлбанъясӧс, медым Менӧ скӧрмӧдны. Тадзи тэ ӧтдортін Менӧ.

Ӧксыяслӧн 3 небӧг 8:66

Гажӧдчан лунъяс помасьӧм бӧрын Соломон лэдзис войтырсӧ. Найӧ бурсиисны ӧксыӧс да мунісны гортаныс долыд сьӧлӧмӧн, нимкодясисны став бурсьыс, мый Господь вӧчис Аслас Давид кесйӧглы да Аслас Израиль войтырлы.

Неемий 9:35

Асланыс муын, кӧні Тэ кытшалін найӧс быд бурнас, паськыд да озыр муын, мый Тэ сетін налы, найӧ эз кесъявны Тэныд, эз бергӧдчыны асланыс лёк уджъясысь.

Псалтыр 105:44

Но Господь аддзис налысь шогсӧ, кывзіс налысь бӧрдӧмӧн шыасьӧмсӧ.

Псалтыр 65:11

Тэ лэдзин гартыштны миянӧс тывйӧн, дорны миянӧс чепъясӧн.

Шусьӧгъяс 30:9

Коланасьыс унджык мед оз ло менам, ӧд сэки ме верма бергӧдчыны Тэысь, верма шуны: «Ог тӧд Господьӧс». А гӧльма кӧ, пета гусясьны да Тэнсьыд нимтӧ, Енмӧй, янӧда.

Исай 6:10

Чорзьӧд тайӧ войтырыслысь сьӧлӧмнысӧ, найӧ мед лоӧны сьӧкыд пеляӧсь, куньса синмаӧсь. Синнаныс мед оз аддзыны, пельнаныс мед оз кывны, сьӧлӧмнаныс мед оз гӧгӧрвоны, Мелань мед оз бергӧдчыны, медым Ме бурдӧді найӧс».

Исай 63:7

Ме юӧрта Господьлӧн буралӧмыс йылысь, висьтала Господьлӧн ошкана уджъясыс йылысь, мый Господь вӧчис миянлы, висьтала Сылӧн ыджыд бурлун да муслун йылысь, Израиль войтыр дінӧ Сылӧн ыджыд буралӧм йылысь.

Еремей 2:7

Ме вайӧді тіянӧс муӧ, кӧні быдмӧны сад йӧръяс, медым ті пӧткӧдчинныд вотӧснас да бурторъяснас. Но ті локтінныд да пежалінныд Менсьым муӧс, вӧчинныд сійӧс зывӧкторйӧн.

Еремей 31:14

Попъясӧс Ме верда чӧскыд сёянӧн, Менам войтырӧй пӧтас Менам бур сетӧмторъясӧн, – висьталӧ Господь.

Еремей 32:23

Найӧ локтісны да босьтісны тайӧ мусӧ, но найӧ эз кывзысьны Тэнсьыд, эз овны Тэнад Индӧдыд серти. Найӧ эз вӧчны сійӧ, мый Тэ тшӧктін вӧчны налы, та вӧсна Тэ мӧдӧдін налы став тайӧ шогсӧ.

Езекиль 20:6

Сійӧ лунӧ Ме кыв сеті налы, мый петкӧда найӧс Египет муысь сійӧ муас, мый Ме бӧрйи налы, мича да бур муӧ, кӧні визувтӧ йӧв да ма.

Даниил 11:24

Сійӧ уськӧдчас вотӧса муясын лӧня олысь войтыръяс вылӧ да пондас вӧчны сійӧ, мый эз вӧчлыны сылӧн батьясыс да пӧльясыс. Войтыръяслысь мырддялӧм эмбурсӧ да озырлунсӧ сійӧ юклас аслас йӧзлы. Сійӧ мӧвпыштас уськӧдчыны изкаръяс вылӧ. Но тадзи лоӧ сӧмын дженьыд кад чӧж.

Осий 13:6

Но кор тэнад вӧліны йирсянінъяс, тэ пӧттӧдз сёйлін. А кор пӧтлін, сьӧлӧмад ыкшаасин да вунӧдлін Менӧ.

Осий 3:5

Но сэсся Израиль войтыр бӧр бергӧдчас да корсяс ассьыс Господь Енсӧ да Давид ӧксысӧ. Бӧръя лунъясӧ найӧ пондасны полӧмӧн пыдди пуктыны Господьӧс да Сылысь бурлунсӧ.

Римӧ 2:4

Гашкӧ, тэ нинӧм туйӧ пуктан Енлысь ыджыд бурлунсӧ, мелілунсӧ да терпитӧмсӧ? Он ӧмӧй гӧгӧрво, мый Енлӧн бурлуныс вайӧдӧ тэнӧ мыжъяссьыд бергӧдчӧмӧ.

Индӧд 3:5

Тайӧ изкаръяссӧ кытшалісны джуджыд стенъяс, сэні вӧліны таса-игана дзиръяяс. Ми босьтім тшӧтш уна сикт.

Индӧд 32:13

Сійӧ кыпӧдіс найӧс керӧсъяс вылӧ, вердіс мувыв быдтасӧн, изкыртаысь визувтысь маӧн, изъяинын быдмысь олив пуяслӧн выйӧн,

Индӧд 32:14

мӧс выйӧн да кӧза йӧлӧн, тшӧгӧдӧм баляпиянӧн, кӧзаясӧн да васанса межъясӧн, вердіс медбур шобдіӧн. Найӧ юисны вина – виноград тусьлысь вирсӧ.

Индӧд 32:15

[Яков сёйис,] Ешурун тшӧгис да лои асныра, тшӧгис, кызіс да госсяліс. Сійӧ эновтіс Енсӧ, ассьыс Вӧчысьсӧ, мустӧмтіс ассьыс вына Мездысьсӧ.