Неемий 9:17 - Коми Библия 2023

¹⁷ Найӧ эз кӧсйыны кывзысьны, вунӧдісны на пӧвстын вӧчӧм шензьӧданаторъястӧ. Найӧ асныралісны да индісны веськӧдлысьӧс, пыксисны да кӧсйисны бӧр бергӧдчыны нартитӧм улӧ. Но Тэ – прӧститысь Ен, Тэ бур да мелі сьӧлӧма, Тэнад терпитӧмыд ыджыд, Тэнад буралӧмлы абу помыс, Тэ эн эновт найӧс.

Неемий 9:17 Iomraidhean Croise

Ӧксыяслӧн 3 небӧг 6:13

Ме ог эновт Ассьым Израиль войтырӧс, но пыр кута овны на пӧвстын».

Ӧксыяслӧн 3 небӧг 8:57

Господь, миян Енным, мед пыр лоӧ миянкӧд, кыдзи Сійӧ пыр вӧлі миян батьяскӧд. Сійӧ мед оз коль да оз эновт миянӧс.

2 Каднебӧг 36:13

Седекей кыпӧдчис Навукодоносор ӧксылы паныд, кодлы Ен водзын кыв сетіс, мый лоас ӧксылӧн кипод улын. Седекей пыксис да чорзьӧдіс сьӧлӧмсӧ, эз кӧсйы бергӧдчыны Израильлӧн Господь Ен дінӧ.

Ездра 9:9

Ми – кесйӧг туйынӧсь, но миян Енным эз коль миянӧс. Сійӧ бергӧдіс миянлань персияса ӧксыяслысь сьӧлӧмнысӧ, медым найӧ лэдзисны миянлы сувтны кок йыланым, лэптыны миян Енлысь крамсӧ да повтӧг овны Иуда муын да Ерусалимын.

Неемий 9:31

Но Аслад ыджыд буралӧмыд вӧсна Тэ найӧс дзикӧдз эн бырӧд, Тэ эн эновт найӧс, ӧд Тэ – бур да мелі сьӧлӧма Ен.

Псалтыр 106:13

Но сьӧкыдаліганыс найӧ шыасисны Господь дінӧ, и Сійӧ мездіс найӧс шогысь.

Псалтыр 106:7

Сійӧ нуӧдіс найӧс веськыд туйӧд, вайӧдіс карӧ, кытчӧ найӧ вермисны овмӧдчыны.

Псалтыр 78:10

Мыйла лэдзан войтыръяслы шуасьны: «Кӧні налӧн Енмыс?» Тэнад кесйӧгъяслысь вирсӧ кисьтӧмысь сет миянлы аддзыны водзӧс перйӧмтӧ. Та йылысь мед тӧдмаласны войтыръяс!

Псалтыр 78:11

Енмӧй, кыв дзескыдінын пукалысьяслысь ойзӧмсӧ, Аслад вына кинад мезды кулӧм вылӧ мӧдӧдӧмаясӧс.

Псалтыр 86:5

Сион кар йылысь шуӧны, сэтшӧмтӧ морт пӧ чужліс сэні, и Ачыс Медвылыссаыс пӧ сувтӧдіс тайӧ карсӧ.

Петӧм 32:9

Господь шуис Мӧисейлы: «Ме аддза, кутшӧм асныра тайӧ войтырыс.

Шусьӧгъяс 1:24

Ме кори, но ті энӧ кывзысьӧй, киӧс нюжӧді, но некод меным вочасӧ эз пет.

Еремей 18:15

Но Менам войтырӧй вунӧдіс Менӧ, найӧ сотӧны висьяс абутӧм енъяслы. Найӧ крукасисны асланыс туй вылын, кежисны важ туй вылысь, ӧні ветлӧдлӧны сэті, кӧні туйыс абу.

Еремей 19:15

«Господь Саваоф, Израильлӧн Ен, тадзи висьталӧ: тайӧ карыс вылӧ да став иудаса каръяс вылӧ Ме Аслам шуӧм серти мӧдӧда шог, ӧд тайӧ каръясас олысьясыс асныралӧны, оз кывзыны Менсьым кывъясӧс».

Еремей 7:26

Но ті энӧ кывзӧй Менӧ, энӧ сибӧдӧй Менсьым кывъясӧс. Ті асныралінныд да вӧчинныд лёксӧ асланыд батьяс дорысь унджык на.

Езекиль 5:6

Но Ерусалимын олысьяс кыпӧдчисны Менам индӧд-тшӧктӧмъяслы паныд, мукӧд войтыръяс дорысь унджык лёксӧ вӧчисны да ёнджыка на Менсьым тшӧктӧмъясӧс торкисны. Найӧ бокӧ вештӧмаӧсь Менсьым тшӧктӧмъясӧс, оз овны Менам индӧдъяс серти.

Даниил 9:9

Но Тэ, Господьӧй, миян Енмӧй, бур сьӧлӧма миян дінӧ. Ми кыпӧдчим Тэныд паныд, но Тэ прӧститан миянӧс.

Йоиль 2:13

Энӧ паськӧмнытӧ косялӧй, а сьӧлӧмнытӧ. Бергӧдчӧй Господьлань, асланыд Енлань, ӧд Сійӧ бур да мелі сьӧлӧма, Сылӧн терпитӧмыс ыджыд, Сылӧн буралӧмлы абу помыс, Сійӧ дась бӧр босьтны Ассьыс мыждана шуӧмсӧ.

Левит 26:44

Но весиг сэки, кор найӧ лоасны вӧрӧгныслӧн муын, Ме ог мустӧмт-зывӧкты найӧс. Ме найӧс ог бырӧд, накӧд кӧрталӧм йитӧдӧс ог торк, ӧд Ме – Господь, налӧн Ен.

Наум 1:3

Господь дыр терпитӧ, Сылӧн выныс помтӧм-дортӧм, Сійӧ оз коль лёксӧ мыждытӧг. Господь локтӧ тӧвныр да бушков моз, Сылӧн воськовъясысь бус моз кыпӧдчӧны кымӧръяс.

Лыд 14:11

Господь шуис Мӧисейлы: «Дыр-ӧ на тайӧ войтырыс нинӧмӧ пуктӧ Менӧ? Ме вӧчи уна шензьӧданатор на пӧвстын, но найӧ пыр на оз эскыны Меным.

Лыд 14:41

Мӧисей шуис: «Мыйла ті онӧ кывзысьӧй Господьлысь? Тіян нинӧм оз артмы.

Лыд 16:14

Тэ ӧмӧй вайӧдін миянӧс муӧ, кӧні визувтӧ йӧв да ма? Тэ ӧмӧй сетін миянлы видз-муяс да виноград йӧръяс? Чайтан, мый йӧзыс синтӧмӧсь? Ми огӧ локтӧй!»

Ап. уджъяс 7:39

Но миян батьяс эз кӧсйыны кывзынысӧ, ӧтдортісны сійӧс да сьӧлӧмнысӧ бӧр бергӧдісны Египетлань.

Римӧ 9:15

Мӧисейлы Енмыс шуис: «Код дінӧ кӧсъя бурсьӧлӧмтчыны, бурсьӧлӧмтча. Код дінӧ кӧсъя буравны, бурала».

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.

Ӧксыяслӧн 1 небӧг 12:22

Аслас ыджыд нимыс вӧсна Господь оз коль тіянӧс, Ассьыс войтырсӧ. Господь бӧрйис тіянӧс, мед ті вӧлінныд Сылӧн войтырӧн.