Неемий 13:25 - Коми Библия 2023

²⁵ Таысь ме чирышті да ёри тайӧ айуловсӧ. Кодсюрӧӧс весиг вачкалі да някралі юрсиӧдыс. Тшӧкті кыв сетны Ен водзын, мый водзӧ найӧ оз сетны нывъяснысӧ мукӧд войтырлӧн пиян сайӧ да оз босьтны налысь нывъяснысӧ гӧтырӧ аслыныс да пияныслы.

Неемий 13:25 Iomraidhean Croise

Ӧксыяслӧн 4 небӧг 2:24

Елисей бергӧдчис налань, видзӧдліс на вылӧ да ёрис Господь нимӧн. Сэки кык ош петісны вӧрсьыс да косявлісны зонпосни пӧвстысь нелямын кык зонкаӧс.

Ездра 10:5

Ездра чеччис да тшӧктіс попъяслӧн, левитъяслӧн да став Израиль войтырлӧн веськӧдлысьяслы кыв сетны, мый найӧ вӧчасны шуӧм сертиныс. Найӧ кыв сетісны.

Ездра 7:26

Коді кутас торкавны тэнад Енлысь Индӧдсӧ да ӧксылысь тшӧктӧмсӧ, сійӧс мед дзик пыр мыждасны: виасны либӧ вӧтласны аслас муысь, овмӧс-эмбурсӧ босьтасны либӧ пуксьӧдасны дзескыдінӧ».

Неемий 13:11

Ме чирышті веськӧдлысьясӧс. Юалі: «Мыйла эновтӧма Енлысь крамсӧ?» Сэсся ме чукӧрті левитъясӧс да сьылысьясӧс да бӧр сувтӧді найӧс вӧчны ассьыныс уджсӧ.

Неемий 13:17

Ме чирыштӧмӧн шуи иудаса нималана йӧзлы: «Мыйла ті вӧчанныд татшӧм лёксӧ, пежаланныд шойччан лун?

Неемий 13:24

Та вӧсна джын челядьыс оз тӧдны еврей кывсӧ, сёрнитӧны азот кыв вылын да мукӧд войтыр кывйӧн.

Неемий 5:13

Сэсся ме пыркниті ассьым паськӧмӧс да шуи: «Тадзи Енмыс мед пыркнитас Аслас керкаысь да Аслас муысь быдӧнӧс, коді ассьыс кывсӧ оз кут. Тадзи сійӧс кушӧдз лоӧ пыркнитӧма». Став войтырыс шуис ”аминь” да ошкис Енмӧс. Ассьыныс кывсӧ найӧ кутісны.

Неемий 5:6

Кор ме кылі войтырлысь элясьӧмсӧ, ме ёна скӧрми.

Псалтыр 15:4

Мед содасны шогъясыс налӧн, кодъяс юрбитӧны мукӧд енъяслы. Ме ог вай налы кисьтан вись пыдди вир, ог казьтыв налысь нимъяссӧ.

Петӧм 34:16

Налысь нывъяссӧ пияныдлы гӧтырӧ энӧ босьтӧй [и ассьыныд нывъястӧ налӧн пиян сайӧ энӧ сетӧй]. Ті кӧ кутанныд босьтны налысь нывъяссӧ пияныдлы гӧтырӧ, сэки найӧ кыскасны пияннытӧ ас бӧрсяныс, и пиянныд кырсалысьяс моз сетчасны налӧн енъяслы.

Шусьӧгъяс 28:4

Енлысь Индӧдсӧ вунӧдысь лёк вӧчысьясӧс ошкӧ, а Индӧд серти олысь лёк вӧчысьяслы паныд сувтӧ.

Исай 50:6

Ме сеті кучкавны ассьым мышкӧс, лэдзи нетшкыны тошкӧс. Ассьым чужӧмӧс эг тупкы менӧ лёкӧдысьясысь да ме вылӧ сьӧлалысьясысь.

Индӧд 6:13

Полӧй Господьысь, асланыд Енмысь, Сылы [ӧтнаслы] кесъялӧй, [Сы дінӧ кутчысьӧй да] Сылӧн нимӧн кӧсйысьӧй.

Индӧд 7:3

Энӧ рӧдвужасьӧй накӧд: ассьыныд нывъястӧ налӧн пиян сайӧ энӧ сетӧй и налысь нывъяссӧ пияныдлы гӧтырӧ энӧ босьтӧй.

Нав Исус 23:12

Но кежанныд кӧ Сыысь да ӧтувтчанныд тіян пӧвстӧ кольӧм войтыръяскӧд, кутанныд рӧдвужасьны да сорласьны накӧд,