Неемий 12:39 - Коми Библия 2023

³⁹ Ефрем дзиръясянь, Важ дзиръя да Чери дзиръя дорті, Хананел башня да Сё тышкамортлы башня бокиті ми мунім Ыж дзиръялань да сувтім Видзан дзиръя дорӧ.

Неемий 12:39 Iomraidhean Croise

Ӧксыяслӧн 4 небӧг 14:13

Бет-Шемешын израильса Йоас ӧксы босьтіс пленӧ иудаса Амасей ӧксыӧс, Ахазий Йоаслысь писӧ. Сэсся Йоас тышкайӧзыскӧд муніс Ерусалимӧ. Сэні сійӧ жугӧдіс карса стенсӧ нёльсё гырддза пасьта – Ефрем дзиръясянь Пельӧс дзиръяӧдз.

Неемий 12:40

Сэсся кыкнан сьылысь котырыс сувталісны Енлӧн крамӧ, сувтім тшӧтш ме да юралысьяслӧн джынйыс,

Неемий 3:1

Аркирей Эльяшив да попъяс вӧчисны карлысь Ыж дзиръя, вежӧдісны сійӧс да сувтӧдісны ӧдзӧсъяс. Сэсся Сё тышкамортлы башня дорсянь Хананел башня дорӧдз вежӧдісны стенсӧ.

Неемий 3:25

Узайлӧн Фалал пиыс лэптіс пельӧс стенсӧ башня дорті, мый чурвидзис ӧксылӧн вылыс керка бердын видзысьяслӧн йӧрын. Фалалкӧд орччӧн уджаліс Парошлӧн Педай пиыс.

Неемий 3:3

Сенлӧн рӧдыс вӧчис Чери дзиръя. Найӧ вӧчисны куричьяс, сувтӧдісны ӧдзӧсъяс да пуктісны сэтчӧ иган-тасъяс.

Неемий 3:6

Пасеахлӧн Йоад пиыс да Бесодийлӧн Мешуллам пиыс дзоньталісны Важ дзиръя. Найӧ вӧчисны куричьяс, сувтӧдісны ӧдзӧсъяс да пуктісны сэтчӧ иган-тасъяс.

Неемий 8:16

Став йӧзыс ветлісны пу вожъясла да вӧчисны аслыныс чомъяс. Сувтӧдалісны чомъяснысӧ асланыс керка вевт вылӧ, олан йӧръясаныс да Енлӧн крам йӧрӧ, тшӧтш Ва дзиръя да Ефрем дзиръя дорӧ изэрд вылӧ.

Еремей 31:38

Воасны лунъяс, – висьталӧ Господь, – кор тайӧ карсӧ выльысь лоӧ лэптӧма Меным. Сійӧс лэптасны Хананел башнясянь Пельӧс дзиръяӧдз,

Еремей 32:2

Тайӧ кадас вавилонса ӧксылӧн тышкайӧзыс вӧлі кытшалӧмаӧсь Ерусалим кар. Еремей пророкӧс вӧлі йӧртӧма иудаса ӧксылысь керкасӧ видзысьяслӧн йӧрӧ.

Софоний 1:10

Сійӧ лунӧ, – висьталӧ Господь, – Чери дзиръя дорсянь кутас кывны ойзӧм, мукӧд дзиръя дорсянь – ырзӧм-бӧрдӧм, а керӧсъяс вывсянь – грыма-грамакылӧм.

Иоан 5:2

Ерусалимын, Ыж дзиръя дорын, вӧлі вайӧртӧд. Еврей ногӧн сійӧ шусис Бетзата. Вайӧртӧд дінас вӧлі вит пыранін, найӧ вӧліны вевт улынӧсь.