Неемий 12:27 - Коми Библия 2023

²⁷ Ерусалимса стенъяс вежӧдігкежлӧ быдлаысь корисны левитъясӧс Ерусалимӧ, медым аттьӧалӧмӧн да сьылӧмӧн, кимвалӧн, арфаӧн да гуслиӧн ворсӧмӧн нимкодя пасйыны вежӧдӧм.

Неемий 12:27 Iomraidhean Croise

Ӧксыяслӧн 2 небӧг 6:12

Давидлы висьталісны, Енлӧн куд вӧсна пӧ Господь бурсиӧма Овед-Эдомӧс, сылысь гортсасӧ да ставсӧ, мый сылӧн эм. Сэки Давид нимкодясьӧмӧн вайис Енлысь кудсӧ Овед-Эдомлӧн керкаысь аслас Давид карӧ.

Ӧксыяслӧн 3 небӧг 8:63

Соломон вайис Господьлы бурасян вись пыдди кызь кык сюрс ӧшкӧс да сё кызь сюрс ыжӧс. Тадзи ӧксы да став Израиль войтыр вежӧдісны Господьлысь крамсӧ.

1 Каднебӧг 13:8

Та дырйи Давид да Израиль войтыр Ен водзын нимкодясьӧмӧн йӧктісны, сьылісны, ворсісны гуслиӧн, арфаӧн, тимпанӧн, кимвалӧн да трубаӧн.

1 Каднебӧг 15:12

Налы шуис: «Ті, левитъяслӧн рӧдкутысьяс, вежӧдӧй-сӧстӧммӧдӧй асьнытӧ да вокъяснытӧ, сэсся вайӧй Израильлӧн Господь Енлысь кудсӧ сійӧ местаас, мый ме дасьті сылы.

1 Каднебӧг 15:16

Левитъяслӧн веськӧдлысьяслы Давид тшӧктіс сувтӧдны левитъяс пӧвстысь сьылысьясӧс, нӧшта арфаӧн, гуслиӧн да кимвалӧн ворсысьясӧс, медым найӧ гораа да нимкодясьӧмӧн сьылісны-ворсісны.

1 Каднебӧг 15:28

Тадзи буксан да труба шы улӧ гораа нимкодясьӧмӧн, кимвалӧн, арфаӧн да гуслиӧн ворсӧмӧн став Израиль войтыр вуджӧдіс Господьлысь Йитӧд кудсӧ.

1 Каднебӧг 15:4

Давид чукӧртіс Ааронлысь рӧдсӧ да левитъясӧс.

1 Каднебӧг 16:42

Еманӧс да Едутунӧс индісны ворсны трубаӧн, кимвалӧн да мукӧд ворсанторйӧн, медым ошкыны Енмӧс. Едутунлысь пиянсӧ пуктісны видзны вежа чомлысь пыранінсӧ.

1 Каднебӧг 16:5

Сьылысьясӧн веськӧдліс Асаф, а Закар отсасис сылы. Евэл, Шемирамот, Ехиэл, Маттитай, Элиав, Бенай, Овед-Эдом да Евэл ворсісны арфаӧн да гуслиӧн. Асаф ворсіс кимвалӧн.

1 Каднебӧг 23:5

Нёль сюрс мортӧс вӧлі индӧма видзны крам дзиръяяс, нёль сюрс мортӧс – ворсанторъясӧн ошкыны Господьӧс. Та могысь и Давид тшӧктіс вӧчны ворсанторъяссӧ.

1 Каднебӧг 26:31

Хевронсянь чужысьяс пӧвстын Ерий вӧлі рӧдкутысь. Давидлӧн нелямынӧд ӧксыалан воӧ вӧлі арталӧма Хевронсянь чужысьяслысь лыдсӧ. Вӧлі тӧдмалӧма, мый Галаад муын, Язерын, олӧны кужысь йӧз, кодъяс тшӧтш вӧліны Хеврон рӧдысь.

2 Каднебӧг 29:25

Ӧксы тшӧктіс левитъяслы сулавны Господьлӧн крамын да ворсны кимвалӧн, арфаӧн да гуслиӧн, кыдзи тшӧктылісны вӧчны Давид ӧксы, сылӧн Гад нима пророк да Нафан пророк. Тайӧ тшӧктӧмыс вӧлі Господьсянь Сылӧн пророкъяс пыр.

2 Каднебӧг 29:30

Езекей ӧксы да юралысьяс тшӧктісны левитъяслы ошкыны Господьӧс Давидлӧн да Асаф пророклӧн кывъясӧн. Левитъяс нимкодьпырысь ошкисны Господьӧс да копыртчӧмӧн юрбитісны Сылы.

2 Каднебӧг 5:13

Труба шыыс да сьылан шыыс юргисны ӧтмоза, ӧти шыӧн. Тадзи найӧ ошкисны-нимӧдісны Господьӧс. Кор кыліс трубалӧн тутсан шыыс, кимваллӧн да мукӧд ворсанторлӧн шыыс, кор пондісны сьывны-ошкыны Господьӧс: «Сійӧ бур, Сылӧн буралӧмыс оз помасьлы», сэки Господьлысь крамсӧ тыртіс кымӧр.

2 Каднебӧг 7:6

Попъяс сулалісны асланыс кесъяланінын, а левитъяс сулалісны шылада ворсанторъясӧн. Налысь ворсанторъяссӧ вӧлі вӧчӧма Давид ӧксыалӧм дырйи на. Господьӧс ошкисны Давидлӧн кывъясӧн: «Сылӧн буралӧмыс оз помасьлы». Трубаясӧ тутсысь попъяс сулалісны левитъяс водзвылын. Став Израиль войтырыс сулаліс.

Ездра 6:16

Израиль войтыр, попъяс, левитъяс да пленысь мукӧд локтӧмаяс нимкодясисны Енлысь крамсӧ вежӧдігӧн.

Неемий 11:20

Мукӧд израильсаяс, попъяс да левитъяс олісны Иуда му пасьтала мукӧд каръясын, быдӧн батьсяньыс вичмӧм му вылын.

Неемий 12:43

Сійӧ лунӧ йӧзыс вайисны уна вись да ёна гажӧдчисны, ӧд Енмыс тыртіс найӧс ыджыд нимкодьлунӧн. Аньяс и челядь тшӧтш ёна нимкодясисны. Ерусалимын гажӧдчӧмыс кыліс ылӧдз.

Неемий 8:17

Пленысь локтӧм израильсаяс ставныс вӧчисны аслыныс чомъяс да олісны сэні. Нав Исус кадсянь тайӧ лунӧдзыс Израиль войтыр эз вӧчлы тадзи. Нимкодясьӧмыс вӧлі вывті ыджыд.

Псалтыр 149:3

Ошкӧй Сылысь нимсӧ йӧктӧмӧн, сьылӧй Сылы тимпанӧн да гуслиӧн ворсӧмӧн.

Псалтыр 30:1

Сьылысьясӧн веськӧдлысьлы. Давидлӧн псалом. [Шогсян кадӧ сьылӧм.]

Индӧд 16:11

Гажӧдчӧй Господь Енныд водзын сійӧ местаас, мый Господь бӧръяс Аслас нимлы оланінӧн. Гажӧдчӧй ныв-пиныдкӧд, кесйӧгъясныдкӧд, тіян карын олысь левитъяскӧд, йӧз муысь локтысьяскӧд, батьтӧм-мамтӧмъяскӧд да дӧваяскӧд, кодъяс олӧны тіян пӧвстын.

Индӧд 20:5

Веськӧдлысьяс мед шуасны войтырлы: ”Тіян пиысь кӧ кодкӧ лэптіс выль керка, но сэтчӧ эз на овмӧдчы, мед бӧр бергӧдчас гортас. Сійӧ вермас тышын усьны, а сылӧн керкаӧ мӧд овмӧдчас.

Филипӧ 4:4

Дугдывтӧг нимкодясьӧй Господь пытшкын! Нӧшта шуа: нимкодясьӧй!

Восьтӧм 5:8

Гижӧдсӧ босьтӧм бӧрын нёль ловъя олысьыс да кызь нёль юрнуӧдысьыс уськӧдчисны Баля водзӧ. Быдӧн на пиысь киас кутіс арфа да ладан тыра зарни доз. Ладан тшыныс – тайӧ вежа войтырлӧн кевмысьӧмъясыс.