Нав Исус 8:31 - Коми Библия 2023

³¹ Висьпуктанінсӧ вӧчис керавтӧм-шыльӧдтӧм изъясысь, кыдзи Мӧисей, Господьлӧн кесйӧг, тшӧктіс Израиль пиянлы. Та йылысь гижӧма Мӧисейлӧн Индӧд небӧгӧ. Тайӧ висьпуктанін вылас Израиль войтыр вайисны Господьлы сотан да бурасян висьяс.

Нав Исус 8:31 Iomraidhean Croise

Ӧксыяслӧн 4 небӧг 14:6

Но налысь челядьсӧ эз ви, а вӧчис Господьлӧн тшӧктӧм серти, кыдзи гижӧма Мӧисей Индӧдын: «Пиыслӧн мыж вӧсна батьсӧ оз ков вины, и батьыслӧн мыж вӧсна писӧ оз ков вины. Быдӧнӧс аслас мыж вӧсна мед лоӧ мыждӧма кулӧм вылӧ».

Ӧксыяслӧн 4 небӧг 22:8

Хилки аркирей шуис Шафан гижалысьлы: «Господьлӧн крамысь ме аддзи Индӧд небӧг». Хилки сетіс небӧгсӧ Шафанлы. Шафан лыддис сійӧс.

2 Каднебӧг 25:4

Но налысь челядьсӧ эз ви, а вӧчис Господьлӧн тшӧктӧм серти, кыдзи гижӧма Мӧисей Индӧдын: «Пиыслӧн мыж вӧсна батьсӧ оз ков вины, и батьыслӧн мыж вӧсна писӧ оз ков вины. Быдӧн мед аслас мыж вӧсна кулас».

2 Каднебӧг 35:12

Левитъяс торйӧдісны висьяслысь юкӧнъяссӧ, мый колӧ вӧлі вайны сотан вись пыдди, да юклісны войтырыслы рӧд сертиныс, медым вись вайны Господьлы, кыдзи гижӧма Мӧисей небӧгын.

Ездра 6:18

Мӧисей небӧгын тшӧктӧм серти поп котыръясӧс да левит чукӧръясӧс индісны кесъявны Енлы Ерусалимын.

Неемий 13:1

Сійӧ лунӧ Израиль войтырлы лыддисны Мӧисейлысь небӧг. Сэні вӧлі гижӧма, мый аммон да моав войтыръясысь некод оз вермы лоны Ен войтырлӧн чукӧртчӧмын.

Петӧм 18:12

Мӧисейлӧн Иофор тесьтыс вайис Енлы сотан да мукӧд висьяс. Аарон да став израильса юрнуӧдысьяс локтісны да Мӧисейлӧн тесьтыскӧд сёйисны Ен водзын.

Петӧм 24:5

Израильса том войтырӧс мӧдӧдіс вайны сотан висьяс да начкыны ӧшъясӧс, медым бурасян вись вайны Господьлы.

Матвей 12:26

Сӧтанаыс кӧ сӧтанасӧ вӧтлӧ, сійӧ аслыс паныд тышкасьӧ. Дыр-ӧ кутчысяс сылӧн ыджыдалӧмыс?

Индӧд 27:2

Йӧрдан ю сайӧ вуджӧм бӧрын, кор пыранныд сійӧ муас, мый Господь, тіян Енныд, сетас тіянлы, сувтӧдӧй сэні аслыныд ыджыд изъяс да мавтӧй найӧс еджыд коризӧн.

Индӧд 27:8

Индӧд кывъяссӧ гижӧй изъяс вылас стӧча да ясыда».

Нав Исус 1:8

Тайӧ Индӧд небӧгысь кывъясыс мед пыр лоӧны тэнад вомын. Лун и вой велӧдчы, медым ставсӧ вӧчны стӧча, мый сэні гижӧма. Сэки тэнад ставыс артмас.