Нав Исус 8:28 - Коми Библия 2023

²⁸ Гай карсӧ Исус сотіс. Тайӧ карыс пыр кежлӧ овтӧмӧн колис, ӧнӧдз сійӧ татшӧм.

Нав Исус 8:28 Iomraidhean Croise

Ӧксыяслӧн 4 небӧг 19:25

Но тэ ӧмӧй эн кывлы, мый ставсӧ тайӧс Ме важысянь нин дасьті? Ме водзысяньыс мӧвпышті та йылысь, а ӧні збыльмӧді тайӧс тэ пыр – тэ пазӧдін зумыд каръяс, найӧ лоины из чукӧръясӧн.

Исай 17:1

Дамаск йылысь водзвыв висьталӧм. Дамаск кар бырас, сійӧ лоӧ киссьӧм карӧн.

Исай 25:2

Карсӧ Тэ кисьтін, сійӧ лои из чукӧрӧн, изкарыс лои лӧп чукӧрӧн. Нартитысьяслысь керкаяссӧ жуглӧма, найӧс некор нин бӧрсӧ оз лэптыны.

Еремей 49:2

Воасны лунъяс, – висьталӧ Господь, – кор Ме чукӧста йӧзӧс тышӧ петны аммон войтырлӧн Равва карлы паныд. Сэки Равва кар лоӧ из чукӧрӧн, сыгӧгӧрса сиктъяссӧ биӧн сотасны. Израиль бӧр бергӧдас аслыс мусӧ, мый сылысь босьтісны, – висьталӧ Господь.

Еремей 50:26

Уськӧдчӧй Калдея му вылӧ быд боксянь, восьтӧй сылысь амбаръяссӧ, босьтӧй сэтысь ставсӧ да чукӧртӧй кольтаясӧс моз, дзикӧдз бырӧдӧй ставсӧ, медым нинӧм эз коль.

Еремей 9:11

– Ме вӧча Ерусалим карӧс из чукӧрӧн, шакалъяслы оланінӧн. Иудаса каръясӧс Ме вӧча овтӧминӧн, сэні некод оз кут овны.

Микей 3:12

Тіян вӧсна Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Индӧд 13:16

Став эмбурсӧ чукӧртӧй карса изэрд вылӧ, а сэсся сотӧй карсӧ Господьлы, асланыд Енлы, ваян висьӧс моз. Карсӧ мед некор оз ло выльысь лэптӧма, сэні мед некод оз кут овны.

Индӧд 13:17

Господьлы сиӧмторъясысь тіян киӧ мед нинӧм оз веськав. Сӧмын ставсӧ бырӧдӧм бӧрын Господь дугдас скӧравны, бурсьӧлӧмтчас да жалитас тіянӧс, сетас тіянлы уна ныв-пиӧс, кыдзи [висьталіс тіянлы да] кыв сетӧмӧн кӧсйысис тіян батьяслы.

Нав Исус 4:9

Нӧшта дас кык из Исус сувтӧдіс Йӧрдан ю шӧрӧ, кӧні сулалісны [Господьлысь] Йитӧд куд нуысь попъяс. Ӧнӧдз тайӧ изъясыс сэнӧсь.

Нав Исус 8:29

Гайса ӧксыӧс Исус ӧшӧдіс пу вылӧ, сійӧ ӧшаліс сэні рытӧдзыс. Шонді лэччӧм бӧрын Исуслӧн тшӧктӧм серти шойсӧ лэдзисны сэтысь, шыбитісны карса дзиръя дорӧ да тыртісны изъясӧн. Ӧнӧдз на сэні эм ыджыд из чукӧрыс.