Нав Исус 6:7 - Коми Библия 2023

⁷ Кор Исус ставсӧ висьталіс войтырыслы, сизим поп буксанъясӧн мӧдӧдчисны мунны Господьлӧн куд водзвылас. Муніганыс попъяс буксісны буксанӧн. Господьлысь Йитӧд кудсӧ нуисны на бӧрся.

Нав Исус 6:7 Iomraidhean Croise

Нав Исус 1:14

Ӧні тіян гӧтырныд, ныв-пиныд да ыж-мӧсныд мед кольччасны тайӧ муас, мый Мӧисей сетіс тіянлы Йӧрдан таладорысь. А ті, кодъяс верманныд петны тышӧ, босьтӧй шыпуртнытӧ, да вокъясныд водзвылын вуджӧй Йӧрдан ю сайӧ. Отсалӧй вокъясныдлы,

Нав Исус 4:13

Нелямын сюрс гӧгӧр тышкаморт восьлалісны Господьлӧн куд водзвылын Ерикон ковтыслань, медым петны тышӧ.

Нав Исус 6:3

Йитӧд куд водзвылын мед мунасны сизим поп. Быдӧн мед босьтас буксан. Сизимӧд луннас кар гӧгӧрыс кытшовтӧй сизимысь, а попъяс мед буксасны буксанӧн.

Нав Исус 6:6

Сэсся Исус шуис [попъяслы, медым найӧ висьталасны] войтырыслы: «Мунӧй да кытшовтӧй кар гӧгӧрыс. Шыпуртаяс мед мунасны Господьлӧн куд водзвылас».

Нав Исус 6:8

Шыпуртаяс мунісны буксанӧн буксысь попъяс водзвылын, а [Господьлӧн Йитӧд] куд бӧрся мунісны мукӧд тышкайӧз. Мунігчӧжныс дугдывтӧг буксісны буксанӧн.