Нав Исус 6:23 - Коми Библия 2023

²³ Карсӧ да ставсӧ, мый сэні вӧлі, израильсаяс сотісны. Сӧмын эзысь-зарни, ыргӧн да кӧрта кӧлуй вайисны Господьлы озырлун видзанінӧ.

Нав Исус 6:23 Iomraidhean Croise

Олӧм 12:2

Ме сета тэсянь чужны унасьыс-уна войтырлы, бурсиа да нимӧда тэнӧ, и тэ лоан мукӧдлы бурсиӧмӧн!

Олӧм 18:24

Гашкӧ, сюрас сэні карас ветымын веськыда олысь? На ради ӧмӧй Тэ он бурсьӧлӧмтчы, а бырӧдан карсӧ?

Олӧм 19:29

Ковтысысь каръяссӧ бырӧдігӧн Ен эз вунӧд Ӧвраамӧс, и отсаліс Лотлы петны бырӧдан карысь, кӧні сійӧ оліс.

Лыд 31:19

Асьныд ті сизим лун чӧж олӧй чомъяс сайын. Быдӧнлы, коді виис мортӧс либӧ инмӧдчыліс шой дінӧ, колӧ коймӧд луннас да сизимӧд луннас сӧстӧммӧдчыны. Тайӧ тшӧктӧмыс тіянлы и пленӧ босьтӧм йӧзныдлы.

Ап. уджъяс 10:28

Петыр шуис налы: «Ті тӧданныд, мый иудейяслы оз позь ӧтувтчыны да волысьны мукӧд войтыркӧд. Но Ен меным петкӧдліс, мед ме некодӧс эг пукты шогмытӧмӧ да пеж туйӧ.

Ап. уджъяс 27:24

Андел шуис: ”Эн пов, Павел. Тэныд ковмас на сувтны кесар водзӧ. Тэ ради Енмыс тшӧтш видзас тэкӧд кывтысьясӧс”.

1 Коринфӧ 5:12

Меным ӧмӧй мыждыны вичкоысь ортсысасӧ? Енмыс найӧс мыждас, а вичкосаӧс ті мыжданныд. «Бырӧдӧй лёксӧ ас пӧвстсьыныд».

Ефесӧ 2:12

Сэки ті олінныд Кристостӧг, энӧ вӧлӧй Израиль войтырӧн. Енма-тіа костын йитӧдыс эз вӧв, тіянлы эз вичмыв Сылӧн кӧсйысьӧмыс, ті олінныд тайӧ муюгыдас Енсӧ тӧдтӧг да лачатӧг.

Еврейяслы 11:31

Эскӧм вӧсна Раав нима кырсалысь ань эз кув эскытӧмъяскӧд ӧтвыв, ӧд сійӧ бур сьӧлӧмӧн сибӧдіс израильса кыйӧдчысьясӧс.

Еврейяслы 11:7

Эскӧм вӧсна Нойлы вӧлі водзвыв сетӧма тӧдны аддзытӧмсӧ. Сійӧ кывзысис Енмыслысь да вӧчис ковчег, медым мездыны ассьыс гортсасӧ. Эскӧмнас сійӧ мыждіс муюгыдсӧ, эскӧм вӧсна сылы вичмис Енсянь веськыдлун.

Нав Исус 2:13

мый ловйӧн колянныд бать-мамӧс, чой-вокӧс да налысь котырнысӧ».

Нав Исус 2:16

Сійӧ шуис налы: «Мунӧй керӧсвыв муӧ, медым энӧ паныдасьӧй тіянӧс вӧтӧдысьяскӧд. Сэні куим лун чӧж дзебсясьӧй, кытчӧдз тіянӧс корсьысьяс бӧр оз мунны. Сэсся верманныд водзӧ мунны асланыд туйӧд».

Нав Исус 2:18

Миян локтігкежлӧ кӧртав тайӧ югыдгӧрд кӧвсӧ ӧшиняд, кыті миянлы отсалін лэччыны. Тэнад бать-мамыд, вокъясыд да батьыдлӧн став рӧдыс мед локтасны тэ ордӧ.

Ёрдысьяс 1:25

Сійӧ петкӧдліс налы, кыті пырны карас. Ӧсипсянь чужысьяс виалісны шыпуртӧн карса олысьясӧс, а тайӧ мортсӧ да сылысь рӧдсӧ ловйӧн колисны.