Нав Исус 24:2 - Коми Библия 2023

² Став войтырыслы Исус шуис: «Господь, Израильлӧн Ен, тадзи висьталӧ: ”Важӧн тіян батьясныд олісны Ефрат ю сайын, сэні оліс тшӧтш Терах, Ӧвраамлӧн да Нахорлӧн батьыс. Найӧ кесъялісны мукӧд енъяслы,

Нав Исус 24:2 Iomraidhean Croise

Олӧм 11:22

Серуглы вӧлі [сё] комын арӧс, кор сылӧн чужис Нахор.

Олӧм 11:24

Нахорлы вӧлі кызь ӧкмыс арӧс, кор сылӧн чужис Терах.

Олӧм 11:26

Терахлы вӧлі сизимдас арӧс, кор сылӧн чужисны Ӧврам, Нахор да Харан.

Олӧм 11:27

Терахсянь чужысьяс йылысь. Терахлӧн чужисны Ӧврам, Нахор да Харан. Харанлӧн чужис Лот.

Олӧм 31:19

Кор Лаван вӧлі ыж шыранінын, Ракель гусяліс сылысь гортса бӧлбанъяссӧ.

Олӧм 31:30

Тэ мунін, ӧд ёна гажтӧмтчин бать керкасьыд, но мыйла тэ гусялін менсьым енъясӧс?»

Олӧм 31:32

Сійӧ, код ордысь аддзан енъястӧ, ловйӧн оз коль. Миян рӧдвуж дырйи видзӧдав, мый эм ме ордын. Сюрас кӧ мыйкӧ тэнад, бӧр босьт аслыд». [Но сійӧ нинӧм эз аддзы.] Яков эз тӧд, мый Ракель гусяліс идолъяссӧ.

Олӧм 31:53

Миян костын ёрдысьыс Ӧвраамлӧн да Нахорлӧн Ен, налӧн батьлӧн Ен». Яков кыв сетіс Ен водзын, кодысь поліс сылӧн Исаак батьыс.

Олӧм 35:4

Йӧзыс ваялісны вӧчӧм енъяссӧ да пельсьыныс перъялӧм исерганысӧ Яковлы. Ставсӧ тайӧс Яков гуаліс сикемдорса тупу улӧ. [Эз висьтав некодлы, и весиг ӧніӧдз оз тӧдны, кӧні тайӧ ставыс.]

1 Каднебӧг 1:27

да Ӧврам, кодлы бӧрынджык вӧлі сетӧма Ӧвраам ним.

Исай 51:2

Видзӧдлӧй Ӧвраам батьныд вылӧ да тіянӧс чужтысь Сарра вылӧ. Кор Ме чукӧсті Ӧвраамӧс, сійӧ вӧлі ныв-питӧм на, но Ме бурсии сійӧс, рӧдмӧді сысянь уна чужысьӧс.

Езекиль 16:3

Шу, мый Господь Ыджыдыс тадзи висьталӧ Ерусалимлы: тэ чужин Ханаан муын, и сэні тэнад вужйыд. Тэнад батьыд аморей войтырысь, а мамыд хеттей войтырысь.

Лука 3:34

Иуда – Яковлӧн, Яков – Исааклӧн, Исаак – Ӧвраамлӧн, Ӧвраам – Терахлӧн, Терах – Нахорлӧн,

Индӧд 26:5

И тэ аслад Господь Ен водзын шу: ”Батьӧй вӧлі арамса ветлысь-мунысь. Сійӧ локтіс Египетӧ да овмӧдчис сэтчӧ этшаник йӧзкӧд. Сысянь чужис уна лыда, ыджыд да ён войтыр.

Нав Исус 24:15

Но ті кӧ онӧ кӧсйӧй кесъявны Господьлы, бӧрйӧй талун, кутанныд-ӧ кесъявны енъяслы, кодъяслы батьясныд юрбитісны Ефрат ю сайын, либӧ аморейяслӧн енъяслы налӧн му вылын, кӧні ті ӧні оланныд. А ме аслам гортсакӧд кутам кесъявны Господьлы [ӧд Сійӧ вежа]».